737 മാക്​സിന്​ പിന്നാലെ ബോയിങ്​ 737 എൻ.ജിയിലും സാ​ങ്കേതിക തകരാർ

15:22 PM
31/10/2019
QUANTAS

വാഷിങ്​ടൺ: തകരാർ കണ്ടെത്തിയതിനെ തുടർന്ന്​ ബോയിങ്ങി​​െൻറ അമ്പത്​ 737 എൻ.ജി വിമാനങ്ങൾ നിലത്തിറക്കുന്നു. ആസ്​ട്രേലിയൻ വിമാന കമ്പനിയായ ക്വാൻടാസി​​െൻറ 33 വിമാനങ്ങളും മറ്റ്​ ചില കമ്പനികളുടെ 17 വിമാനങ്ങളുമാണ്​ നിലത്തിറക്കുന്നത്​.  വിള്ളൽ കണ്ടെത്തിയതിനെ തുടർന്നാണ്​ ഈ മോഡലിലുള്ള വിമാനങ്ങൾ നിലത്തിറക്കാൻ തീരുമാനിച്ചതെന്ന്​ ക്വാൻടാസ്​ വക്​താവ്​ പറഞ്ഞു. 

വിമാനത്തി​​െൻറ ചിറകിനടുത്തുള്ള യന്ത്രഭാഗമായ പിക്കിൾ ഫോർക്കിൽ വിള്ളൽ കണ്ടെത്തിയെന്നാണ്​ റിപ്പോർട്ടുകൾ. ഒരിഞ്ച്​ നീളത്തിലുള്ള വിള്ളലാണ്​ ആദ്യം കണ്ടെത്തിയതെങ്കിലും സുരക്ഷ മുൻനിർത്തി ഈ മോഡലിലുള്ള  മുഴുവൻ വിമാനങ്ങളും നിലത്തിറക്കാൻ ക്വാൻടാസ്​ തീരുമാനിക്കുകയായിരുന്നു​. 

ചൈനയിലെ 737 എൻ.ജി വിമാനത്തിൽ തകരാർ കണ്ടെത്തിയതായി ബോയിങ്​ അറിയ​ച്ചതോടെയാണ്​ മറ്റ്​ കമ്പനികൾ ഇക്കാര്യം ഗൗരവത്തോടെ പരിഗണിച്ചത്​. ​ 737 മാക്​സ്​ വിമാനം നിലത്തിറക്കിയതിനെ തുടർന്നുണ്ടായ പ്രതിസന്ധി തുടരുന്നതിനിടെയാണ്​ പുതിയ പ്രശ്​നവും ബോയിങ്ങിന്​ വെല്ലുവിളിയാവുന്നത്​. 

Loading...
COMMENTS