സ്​റ്റൈലും സുരക്ഷയും കൂട്ടി ആൾ​ട്ടോ 800  ഉടനെത്തും

13:57 PM
21/04/2019
ALTO-800

സ്​റ്റൈലും സുരക്ഷയും വർധിപ്പിച്ച്​ പുതു ഫീച്ചറുകളുമായി ആൾ​ട്ടോ 800 ഉടൻ വിപണിയിലെത്തും. പുതിയ സുരക്ഷാ ഫീച്ചറുകൾ കൂട്ടിച്ചേർത്തതാണ്​ ആൾ​ട്ടോയിലെ പ്രധാനമാറ്റം. എ.ബി.എസ്​, ഇ.ബി.ഡി ബ്രേക്കിങ്​ സിസ്​റ്റം, ഡ്യുവൽ എയർബാഗ്​, റിവേഴ്​സ്​ പാർക്കിങ്​ സെൻസർ, സ്​പീഡ്​ അലേർട്ട്​ സിസ്​റ്റം, ഡ്രൈവർ-കോ ഡ്രൈവർ സീറ്റ്​ബെൽറ്റ്​ റിമൈൻഡർ തുടങ്ങിയ സുരക്ഷാ ഫീച്ചറുകൾ ആൾ​ട്ടോയിൽ പുതുതായി കൂട്ടിച്ചേർത്തിട്ടുണ്ട്​.

സുരക്ഷക്കൊപ്പം ഡിസൈൻ ഫീച്ചറുകളിലും മാരുതി മാറ്റം വരുത്തിയിട്ടുണ്ട്​. പുതിയ ബംബർ, ഗ്രില്ല്​ തുടങ്ങിയവയിലാണ്​ എക്​സ്​റ്റീരിയറിലെ പ്രധാന മാറ്റം. ആൾ​ട്ടോ കെ 10ൻെറ ഡാഷ്​ബോർഡും സ്​റ്റിയറിങ്​ വീലുമായിട്ടാണ്​ ഇക്കുറി 800ൻെറ വരവ്​. യു.എസ്​.ബിയേയും ഓക്​സിനെയും പിന്തുണക്കുന്ന മ്യൂസിക്​ സിസ്​റ്റവും ആൾ​ട്ടോയിൽ ഉൾപ്പെടുത്തിയിരിക്കുന്നു.

48 എച്ച്​.പി കരുത്ത്​ പകരുന്ന 796 സി.സി എൻജിൻ തന്നെ പുതിയ ആൾ​ട്ടോ 800ൽ തുടരും. അഞ്ച്​ സ്​പീഡ്​ മാനുവലായിരിക്കും ഗിയർബോക്​സ്​. ഓ​ട്ടോമാറ്റിക്​ ട്രാൻസമിഷൻ ഉണ്ടാവില്ല. വിലയിൽ ഏകദേശം 15,000 മുതൽ25,000 രൂപയുടെ വരെ വർധനവ്​ ഉണ്ടാവും. പുതിയ ഫീച്ചറുകളിലൂടെ ഡാറ്റ്​സൺ റെഡിഗോ, റെനോ ക്വിഡ്​ എന്നിവയെ വെല്ലുവിളിക്കാനാണ്​ മാരുതിയുടെ നീക്കം.

Loading...
COMMENTS