കെട്ടും മട്ടും കൊള്ളാം; വിലക്കുറവുമായി വിപണി പിടിക്കാൻ ട്രൈബർ

13:13 PM
28/08/2019
triber

വിലക്കുറവുമായി ഇന്ത്യൻ വാഹന വിപണിയിൽ തരംഗം സൃഷ്​ടിക്കാൻ റെനോയുടെ ട്രൈബറെത്തി. 4.95 ലക്ഷമാണ്​​ ട്രൈബറിൻെറ അടിസ്ഥാന വകഭേദത്തിൻെറ വില. ഉയർന്ന വകഭേദത്തിന്​ 6.49 ലക്ഷവും നൽകണം. ഏഴ്​ സീറ്റർ എം.പി.വിക്ക്​ ഒരു എൻജിൻ വകഭേദം മാത്രമാണ​ുള്ളത്​​. മാനുവൽ ട്രാൻസ്​മിഷനിൽ മാത്രമായിരിക്കും ​ട്രൈബർ എത്തുക.

ക്വിഡിലുള്ള 1.0 ലിറ്റർ എൻജിനെ പരിഷ്​കരിച്ചാണ്​ റെനോ അവതരിപ്പിക്കുന്നത്​. 72 എച്ച്​.പി പവറും 96 എൻ.എം ടോർക്കും എൻജിനിൽ നിന്ന്​ ലഭിക്കും. ലിറ്ററിന്​ 20 കി.മീറ്ററാണ്​ മൈലേജ്​. ടർബോചാർജ്​ഡ്​ എൻജിനുമായുള്ള ട്രൈബറും റെനോ വിപണിയിലെത്തിക്കും. ആ മോഡലിനൊപ്പം ഓ​ട്ടോമാറ്റിക്​ ട്രാൻസ്​മിഷനും ഉണ്ടാവുമെന്നാണ്​ പ്രതീക്ഷ.

ട്രൈബറിൻെറ ഉയർന്ന വകഭേദത്തിലാണ്​ എട്ട്​ ഇഞ്ച്​ ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റം ഉൾപ്പെടുത്തിയിരിക്കുന്നത്​. ആപ്പിൾ കാർ പ്ലേ, ആൻഡ്രോയിഡ്​ ഓ​ട്ടോ തുടങ്ങിയവയെ ഇൻഫോടെയിൻമ​െൻറ്​ സിസ്​റ്റം പിന്തുണക്കും. ഡിജിറ്റൽ ഇൻസ്​ട്രുമെ​േൻറഷൻ ക്ലസ്​റ്റർ, മൂന്ന്​ റോകളിലും എ.സി വ​െൻറ്​, കൂൾഡ്​ സ​െൻറർ ബോക്​സ്​, കീലെസ്​ എൻട്രി, പുഷ്​ സ്​റ്റാർട്ട്​ ആൻഡ്​ സ്​റ്റോപ്പ്​ ബട്ടൺ, ഡേ ടൈം റണ്ണിങ്​ ലൈറ്റോട്​ കൂടിയ പ്രൊജക്​ടർ ഹെഡ്​ലാമ്പ്​, റിയർ വൈപ്പർ തുടങ്ങിയ സംവിധാനങ്ങളെല്ലാം ട്രൈബറിൽ ഉൾക്കൊള്ളിച്ചിട്ടുണ്ട്​. 

സുരക്ഷക്കായി റിവേഴ്​സ്​ പാർക്കിങ്​ സെൻസർ, എ.ബി.എസ്​, രണ്ട്​ എയർബാഗുകൾ എന്നിവ സ്​റ്റാൻഡേർഡായി നൽകിയിരിക്കുന്നു. ഉയർന്ന വേരിയൻറിൽ മുൻ വശത്ത്​ സൈഡ്​ എയർബാഗുകളും പിന്നിൽ കാമറയുമുണ്ട്​. 
84 ലിറ്ററാണ്​ ട്രൈബറിൻെറ ബൂട്ട്​ സ്​പേസ്​. സീറ്റുകൾ മടക്കിയിട്ടാൽ ബൂട്ട്​ സ്​പേസ്​ 625 ലിറ്റർ വരെ വർധിപ്പിക്കാം.182mm ഗ്രൗണ്ട്​ ക്ലിയറൻസ്​ യാത്രാ സുഖവും ട്രൈബറിന്​ സമ്മാനിക്കുന്നുണ്ട്​. ഒരു ഹാച്ച്​ബാക്കിൻെറ വിലയിൽ എം.പി.വി നൽകാൻ കഴിയുന്നുവെന്നതാണ്​ ട്രൈബറിൻെറ പ്ലസ്​ പോയിൻറ്​. 

Loading...
COMMENTS