പഴയ സ്വിഫ്​റ്റ്​ ഇനിയില്ല; പുതിയത്​ ഉടനെത്തും

ജനപ്രിയ മോഡലായ സ്വിഫ്​റ്റി​​െൻറ രണ്ടാം തലമുറയുടെ ഉൽപാദനം മാരുതി പൂർണമായും നിർത്തുന്നു. 2018ൽ പുതിയ സ്വിഫ്​റ്റ്​ വിപണിയിലവതരിപ്പിക്കുന്നതി​​െൻറ ഭാഗമായാണ്​ പഴയതി​​െൻറ ഉൽപാദനം മാരുതി  നിർത്തുന്നത്​. രണ്ടാം തലമുറ സ്വിഫ്​റ്റ്​ നിർമാണശാലയിൽ നിർമിക്കുന്നതി​​െൻറ ചിത്രങ്ങൾ പുറത്ത്​ വിട്ടാണ്​ മാരുതി കാറിന്​ യാത്രയയപ്പ്​ നൽകിയത്​. രാജകീയമായ യാത്ര അവസാനിച്ചു. ഇനി പുതിയ തുടക്കമെന്ന്​ രണ്ടാം തലമുറയിലെ അവസാന മോഡലിൽ രേഖപ്പെടുത്തിയിട്ടുണ്ട്​. 2018 തുടക്കത്തിൽ പുതിയ സ്വിഫ്​റ്റ്​ ഇന്ത്യൻ വിപണിയിലെത്തുമെന്നാണ്​ പ്രതീക്ഷ. 

സ്വിഫ്​റ്റി​​െൻറ ഉൽപാദനം നിർത്തുന്നത്​ സംബന്ധിച്ച വാർത്തകളോട്​ ഒൗദ്യോഗികമായി പ്രതികരിക്കാൻ മാരുതി തയാറായിട്ടില്ല. പുതിയ സ്വിഫ്​റ്റിനെ എന്ന്​ അവതരിപ്പിക്കുമെന്നത്​ സംബന്ധിച്ചും വ്യക്​തതയില്ല.

2005ലാണ്​ ഇന്ത്യയിൽ സ്വിഫ്​റ്റിനെ മാരുതി അവതരിപ്പിക്കുന്നത്​. ആഗോള വിപണിയിൽ മൂന്നാം തലമുറ സ്വിഫ്​റ്റാണ്​ ഇപ്പോൾ വിപണിയിലുള്ളത്​. 1.3 ലിറ്റർ പെട്രോൾ എൻജിനോട്​ കൂടിയാണ്​ ഒന്നാം തലമുറ സ്വിഫ്​റ്റ്​ വിപണിയിലെത്തിയത്​. 2007ൽ മോഡലിനെ മാരുതി പരിഷ്​കരിച്ചിറക്കി. ഫിയറ്റി​​െൻറ 1.3 ലിറ്റർ ഡീസൽ എൻജിൻ സ്വിഫ്​റ്റിനൊപ്പം മാരുതി  കൂട്ടി. 2010ൽ 1.2 ലിറ്റർ കെ സിരീസ്​ എൻജിനും സ്വിഫ്​റ്റിന്​ കൂട്ടായെത്തി.  2011ലാണ്​ രണ്ടാം തലമുറ സ്വിഫ്​റ്റ്​ ഇന്ത്യൻ വിപണിയിലെത്തിയത്​. 2014ൽ മോഡലിനെ മാരുതി പരിഷ്​കരിച്ചിറക്കുകയായിരുന്നു.