അടിമുടി മാറി ആൾ​ട്ടോയെത്തും

മാരുതി സുസുക്കി ജനപ്രിയ കാർ ആൾ​ട്ടോ 800നെ പരിഷ്​കരിച്ച്​ പുറത്തിറക്കുന്നു. 2019 ജൂൺ അവസാനത്തോടെ പുതിയ മോഡൽ വിപ ണിയിലെത്തിക്കാനുള്ള നീക്കങ്ങളാണ്​ നടക്കുന്നത്​. നിലവിലുള്ള മോഡലിൻെറ ഉൽപാദനം മാരുതി അവസാനിപ്പിച്ചിട്ടുണ്ട ്​. 2020ന്​ മുമ്പായി ബി.എസ്​ 6 എൻജിനിലേക്ക്​ ഇന്ത്യയിലെ മുഴുവൻ വാഹനങ്ങളും മാറണം. ഇതിന്​ മുന്നോടിയായാണ്​ ആൾ​ട്ടോ 800നെ മാരുതി പരിഷ്​കരിച്ച്​ പുറത്തിറക്കുന്നത്​.

സ്വിഫ്​റ്റ്​, ബലാനോ പോലുള്ള കാറുകൾക്ക്​ ഉപയോഗിച്ച ഹെർട്​ടെക്​ട്​ പ്ലാറ്റ്​ഫോമിലാവും പുതിയ ആൾ​ട്ടോയും വിപണിയിലെത്തുക. ബി.എസ്​ 6 നിലവാരം പാലിക്കുന്ന 800 സി.സി 1.0 ലിറ്റർ പെട്രോൾ എൻജിനുമായിട്ടാവും ആൾ​ട്ടോ വിപണിയിലേക്ക്​ എത്തുക. മാനുവൽ ഗിയർബോക്​സിനൊപ്പം ഓ​ട്ടോമാറ്റിക്​ ട്രാൻസ്​മിഷനും ഉണ്ടാവും. നിലവിലുള്ള മോഡലുമായി​ താരത്മ്യം ചെയ്യു​േമ്പാൾ കരുത്ത്​ കൂടിയ എൻജിനാവും ആൾ​ട്ടോയിലുമുണ്ടാവുക.

ഫീച്ചറുകളിലാണ്​ ആൾ​ട്ടോ ഞെട്ടിക്കാൻ ഒരുങ്ങുന്നത്​. ​ഇതാദ്യമായി ആൾ​ട്ടോ 800ൽ ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റം ഉൾപ്പെടുത്തിയേക്കും ഇതിനൊപ്പം സ്​മാർട്ട്​ഫോൺ കണക്​ട്​വിറ്റിയും നൽകും. ഡ്യുവൽ ​​ഫ്രണ്ട്​ എയർബാഗ്​, എ.ബി.എസ്​, ഇ.ബി.ഡി തുടങ്ങി സംവിധാനങ്ങളൊരുക്കി സുരക്ഷയിലും ആൾ​ട്ടോ വിട്ടുവീഴ്​ചക്ക്​ തയാറല്ല. പാർക്കിങ്​ സെൻസറുകൾ, സീറ്റ്​ബെൽറ്റ്​ റിമൈൻഡർ, സ്​പീഡ്​ അലേർട്ട്​ സിസ്​റ്റം തുടങ്ങിയവയും ഉൾക്കൊള്ളിച്ചിട്ടുണ്ട്​. വിലയുടെ കാര്യം മാരുതി ഒന്നും വിട്ടുപറയുന്നില്ലെങ്കിലും 2.66 ലക്ഷം മുതൽ 3.55 ലക്ഷം വരെയായിരിക്കും ആൾ​ട്ടോയുടെ വിലയെന്നാണ്​ റിപ്പോർട്ട്​.