എസ്.യു.വികളുടെ ചക്രവർത്തി
text_fieldsഒറ്റനോട്ടത്തിൽ ഏതോ കാർട്ടൂൺ സീരിസിൽ നിന്നിറങ്ങി വന്ന കാറിെൻറ രൂപഭാവം. പക്ഷേ ഇവൻ ആളത്ര ചില്ലറക്കാരനല്ല. ലോകത്തിലെ ഏറ്റവും വിലകൂടിയ എസ്.യു.വിയാണിത്. ആഡംബരവും കരുത്തും ഒരുപോലെ സമ്മേളിക്കുന്ന കാൾമാൻകിംഗ് എന്ന എസ്.യു.വിയാണിത്. ലോകത്ത് ആകെ 12 എണ്ണം മാത്രം പുറത്തിറങ്ങുന്ന കാൾമാൻ കിംഗിെൻറ വില 14.33 കോടി രൂപയാണ്.
കഴിഞ്ഞ വർഷത്തെ ദുബൈ ഇൻറർനാഷണൽ മോേട്ടാർ ഷോയിലാണ് കാൾമാൻ കിംഗിനെ ആദ്യമായി അവതരിപ്പിച്ചത്. ചൈനീസ് വാഹനനിർമാതക്കളായ െഎ.എ.ടി ടെക്നോളജിയാണ് വാഹനം ഡിസൈൻ ചെയ്തിരിക്കുന്നത്. യുറോപ്പിലെ 1800 വിദ്ഗധരാണ് എസ്.യു.വിയുടെ പിറവിക്ക് പിന്നിൽ.
റോൾസ് റോയ്സിൽ ലഭ്യമാവുന്ന സുഖസൗകര്യങ്ങളാണ് കാൾമാെൻറ ഇൻറീരിയറിൽ ഉൾപ്പെടുത്തിയിരിക്കുന്നത്. ഹൈ-ഫൈ സൗണ്ട്, അൾട്രാ എച്ച്.ഡി 4കെ ടി.വി, സേഫ് ബോക്സ്, ഫോൺ പ്രൊജക്ഷൻ സിസ്റ്റം എന്നിവ നൽകിയിട്ടുണ്ട്. സാറ്റ്ലൈറ്റ് ഫോണും ടി.വിയും ഒാപ്ഷണലായും നൽകിയിരിക്കുന്നു. ഫ്രിഡ്ജ്്, കോഫി മിഷ്യൻ, ഇലക്്ട്രിക് ടി.വി, ഇൻഡിപെൻററ് ടി.വി, നിയോൺ ലൈറ്റ് കംട്രോൾ തുടങ്ങിയ സൗകര്യങ്ങളും ഉൾക്കൊള്ളിച്ചിട്ടുണ്ട്.
ഫോർഡിെൻറ 550എസ് പ്ലാറ്റ്ഫോമിലാണ് എസ്.യു.വി അണിയിച്ചൊരുക്കിയിരിക്കുന്നത്. 4500 കിലോ ഗ്രാമാണ് ആകെ ഭാരം. ബുള്ളറ്റ് പ്രൂഫ് മോഡൽ തെരഞ്ഞെടുത്താൽ ഭാരം 6,000 കിലോയായി വർധിക്കും. ആറ് മീറ്ററാണ് നീളം. ഫോർഡിെൻറ 6.8 ലിറ്റർ V10 എൻജിനാണ് കരുത്ത് പകരുന്നത്. 400 പി.എസ് പവറാണ് പരമാവധി ലഭിക്കുക. മണിക്കൂറിൽ 140 കിലോ മീറ്ററാണ് കൂടിയ വേഗത.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.