Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_right2018ൽ  കാത്തിരിപ്പ്​...

2018ൽ  കാത്തിരിപ്പ്​ മാരുതിയുടെ മൂന്ന്​ കാറുകൾക്കായി

text_fields
bookmark_border
2018ൽ  കാത്തിരിപ്പ്​ മാരുതിയുടെ മൂന്ന്​ കാറുകൾക്കായി
cancel

ശരാശരി ഇന്ത്യക്കാര​​​െൻറ കാർ കമ്പനിയാണ്​ മാരുതി. 2017ലും ഇക്കാര്യത്തിൽ മാറ്റമുണ്ടായില്ല. വിൽപന കണക്ക്​ പരിശോധിച്ചാൽ ആദ്യ പത്തിൽ മാരുതിയുടെ താരങ്ങൾ നിരവധിയുണ്ട്​. നിലവിലുള്ള മൂന്ന്​ മോഡലുകളുടെ പരിഷ്​കരിച്ച പതിപ്പുകൾ 2018ൽ വാഹനലോകം കീഴടക്കാനെത്തുമെന്നാണ്​ റിപ്പോർട്ടുകൾ. സ്വിഫ്​റ്റ്​, എർട്ടിഗ, വാഗണർ എന്നിവയാണ്​ ആരാധകർ പ്രതീക്ഷയോടെ കാത്തരിക്കുന്ന മാരുതി മോഡലുകൾ. 

സ്വിഫ്​റ്റ്​
മൂന്നാംതലമുറ സ്വിഫ്​റ്റി​​​െൻറ ലോഞ്ചാണ്​ ആരാധകർ പ്രതീക്ഷയോടെ ഉറ്റുനോക്കുന്നത്​​. 2018 ഫെബ്രുവരിയിൽ നടക്കുന്ന ഒാ​േട്ടാ എക്​സ്​പോയിലാവും കാറി​​​െൻറ ലോഞ്ചിങ്​ നടത്തുക. ജപ്പാൻ പോലുള്ള വിപണികളിൽ സ്വിഫ്​റ്റ്​ നേരത്തെ തന്നെ എത്തിയിട്ടുണ്ട്​.  രാജ്യാന്തര വിപണിയിൽ സ്​പോർട്​സ്​, ഹൈബ്രിഡ്​ പതിപ്പുകളുണ്ടെങ്കിലും തുടക്കത്തിൽ ഇന്ത്യയിൽ ഇത്​ എത്തിച്ചേക്കില്ല. 1.2 ലിറ്റർ പെട്രോൾ എൻജിനും 1.3 ലിറ്റർ ഡീസൽ എൻജിനും പുതിയ സ്വിഫ്​റ്റിലുണ്ടാകും. മാരുതി വികസിപ്പിച്ച 1.5 ലിറ്റർ എൻജിൻ സ്വിഫ്​റ്റിലൂടെ അരങ്ങേറ്റം കുറിക്കുമെന്ന്​ വാർത്തകളുണ്ടെങ്കിലും ഇക്കാര്യത്തിൽ വ്യക്​തതയില്ല.

suzki swift

വാഗണർ
ടോൾബോയ്​ ഡിസൈനിൽ കൂടതൽ ഫീച്ചറുകളോട്​ കൂടി ന്യൂ ജെനറേഷൻ ലുക്കിലാവും പുതിയ വാഗണർ വിപണിയിലെത്തുക. ഗ്രില്ലും ഹെഡ്​ലൈറ്റും തുടങ്ങി ഒ​േട്ടറെ മാറ്റങ്ങൾ മുൻവശത്ത്​ വന്നിട്ടുണ്ട്​. ബംബറിനോട്​ ചേർന്നാണ്​ ടെയിൽ ലാമ്പി​​​െൻറ സ്ഥാനം. ഇൻറീരിയറിലും ധാരാളം മാറ്റങ്ങളുണ്ടാകും എന്നാണ്​ പ്രതീക്ഷിക്കുന്നത്​. നിലവിൽ എതിരാളികളുടെ മോഡലുകൾ കൂടി പരിഗണിച്ചാവും മാരുതി വാഗണറിനെ അണിയിച്ചൊരുക്കുക.

suzuki-wagonr

എർട്ടിഗ
മാരുതിയുടെ എം.പി.വി എർട്ടിഗയുടെ പരിഷ്​കരിച്ച പതിപ്പും ഇൗ വർഷം വിപണിയിലെത്തുമെന്നാണ്​ പ്രതീക്ഷിക്കുന്നത്​. വലിപ്പം കൂട്ടി മുന്നിലും പിന്നിലും നിരവധി മാറ്റങ്ങളുമായിട്ടാവും എർട്ടിഗ വിപണിയിലെത്തുക. 1.5 ലിറ്റർ ഡീസൽ എൻജിനാവും എർട്ടിഗക്ക്​ കരുത്ത്​ പകരുക.

Maruti-Ertiga-Dreza

 

Show Full Article
TAGS:maruthi suzki ertiga Wagnor swift hotwheels malayalam news 
Web Title - Maruti Suzuki upcoming cars in 2018: New Swift, Ertiga facelift and WagonR to lead from the front-Hotwheels
Next Story