മുഖം മിനുക്കിയ എക്സ്.യു.വി
text_fieldsഏഴുവർഷങ്ങൾക്കു മുമ്പാണ് മഹീന്ദ്ര എക്സ്.യു.വി ഫൈവ് ഡബ്ൾ ഒ എന്ന എസ്.യു.വി പുറത്തിറക്കുന്നത്. ഫൈവ് ഡബ്ൾ ഒ എന്നാണ് മഹീന്ദ്ര ഇട്ട പേരെങ്കിലും നാമതിനെ ഫൈവ് ഹൺഡ്രഡ് എന്ന് വിളിച്ചു. കൊടുക്കുന്ന പണത്തിന് ഇരട്ടി മൂല്യമുള്ള ഉൽപന്നം നൽകുക എന്ന മഹീന്ദ്രയുടെ പതിവ് തെറ്റിക്കാതെയാണ് എക്സ്.യു.വിയും വിപണിയിലെത്തിയത്. വാങ്ങിയവർ പറഞ്ഞ നല്ല വാക്കുകളായിരുന്നു വാഹനത്തിെൻറ മൂലധനം. പുറത്തിറങ്ങി ഇതുവരെയുള്ള കാലയളവിൽ നിരവധി മാറ്റങ്ങൾക്ക് എക്സ്.യു.വിയെ മഹീന്ദ്ര വിധേയമാക്കി. രൂപത്തിൽ കാര്യമായ അഴിച്ചുപണിക്ക് ശ്രമിച്ചിട്ടില്ലെങ്കിലും കൂടുതൽ ആധുനികവും ഭംഗിയുമുള്ള വാഹനമായി ഒാരോ മുഖം മിനുക്കലിലും എക്സ്.യു.വി മാറിക്കൊണ്ടിരുന്നു.
പുതിയ മാറ്റങ്ങളും സമാനമാണ്. പുറമെ നോക്കിയാൽ മുന്നിലും പിന്നിലും കാര്യമായ തിരുത്തലുകൾ കമ്പനി നടത്തിയിട്ടുണ്ട്. എൻജിൻ കരുത്തും വർധിച്ചു. മുന്നിൽനിന്ന് നോക്കിയാൽ ആദ്യം ശ്രദ്ധയിൽപ്പെടുക ഗ്രില്ലിലെ തിളക്കമാണ്. പുതിയ വലിയ ഗ്രില്ലിനു ചുറ്റും കറുപ്പിെൻറ അഴകാണ്. അകത്തേക്ക് വന്നാൽ 24 ക്രോം ഫിനിഷുകൾ കാണാം. എല്ലാം ചേർന്ന് സാൻഡ്വിച്ചിെൻറ ഘടനയാണ് ഗ്രില്ലിന്. ഹെഡ്ലൈറ്റുകളുടെ രൂപത്തിന് കാര്യമായ മാറ്റമില്ല. പുതിയ എൽ.ഇ.ഡി ഡെ ടൈം റണ്ണിങ് ലാമ്പുകൾ ഹെഡ്ലൈറ്റിന് മുകളിലാണ് നൽകിയിരിക്കുന്നത്. ഫോഗ് ലാമ്പുകൾ സ്ഥാപിച്ചിരിക്കുന്നത് പുതിയ ഹൗസിങ്ങിനുള്ളിലാണ്. കൂടുതൽ മികച്ച 18 ഇഞ്ച് അലോയ് വീലുകളാണ് ഉയർന്ന വേരിയൻറുകളിൽ വരുന്നത്. ഡോറുകളിലെ ക്രോം സ്ട്രിപ്പുകളും പുത്തൻ റൂഫ്റെയിലുകളും എക്സ്.യു.വിക്ക് കൂടുതൽ ആഢ്യത്വം നൽകുന്നുണ്ട്. പിന്നിലെ മാറ്റങ്ങൾ കൂടുതൽ പ്രകടമാണ്. ടെയിൽ ഗേറ്റും ടെയിൽ ലൈറ്റും അടിമുടി മാറി. റൂഫ് സ്പോയ്ലറും പുതിയതാണ്.
കൂടുതൽ ആഡംബരം തോന്നിക്കുന്ന ഉൾവശമാണ് എക്സ്.യു.വിക്ക്. കറുത്ത നിറമുള്ള അകത്തളത്തിന് തുകലിെൻറ ആഢ്യത്വം പലയിടത്തുമുണ്ട്. ടാൻ ലെതറിൽ നിർമിച്ച സീറ്റ് സുഖം പകരുന്നത്. സെൻറർ കൺസോളിന് പിയാനൊ ബ്ലാക്ക് ഫിനിഷാണ്. ഇതോടൊപ്പം ബ്രഷ്ഡ് സിൽവറിെൻറ ഹൈലൈറ്റുകളുമുണ്ട്. മൃദുത്വമുള്ള പ്ലാസ്റ്റിക്കാണ് ഡാഷ്ബോർഡിൽ നൽകിയിരിക്കുന്നത്. ഡാഷിലെ തുകലും തുന്നലും ചേർന്ന ഭാഗം അത്യാഡംബരം തോന്നിച്ചാലും അദ്ഭുതപ്പെടാനില്ല. സൺറൂഫ്, ഒാേട്ടാ ഹെഡ്ലൈറ്റും വൈപറും, ടച്ച് സ്ക്രീൻ, റിവേഴ്സ് കാമറ, ആറ് എയർബാഗ്, ഇ.എസ്.പി തുടങ്ങിയവയൊെക്ക നിലനിർത്തിയിട്ടുണ്ട്. സ്പീക്കറുകളുടെയും ട്യൂട്ടറുകളുടെയും സ്ഥാനങ്ങളിൽ വന്ന ചില്ലറ മാറ്റങ്ങളും എടുത്തുപറയേണ്ടത്. സ്മാർട്ട് വാച്ചുകൾ കൈവശമുള്ളവർക്ക് ബ്ലൂസെൻസ് ആപ് ഡൗൺലോഡ് ചെയ്ത് വാഹനത്തിെൻറ നിരവധി പ്രത്യേകതകൾ കൈകാര്യം ചെയ്യാനാകും. ഒാഡിയോ, ക്ലൈമറ്റ് കൺട്രോൾ, ടയർ പ്രഷർ തുടങ്ങിയവ ഇത്തരത്തിൽ അറിയാനും നിയന്ത്രിക്കാനുമാകും.
എക്സ്.യു.വിയുടെ പ്രശസ്തമായ 2.2 ലിറ്റർ ഡീസൽ എൻജിൻ 155 എച്ച്.പി കരുത്തും 360 എൻ.എം ടോർക്കും ഉൽപാദിപ്പിക്കും. പഴയതിൽനിന്ന് 15 എച്ച്.പിയും 30 എൻ.എമ്മും കൂടുതലാണിതിൽ. ഇലക്േട്രാണിക് ആയി നിയന്ത്രിക്കാവുന്ന പുത്തൻ ടർബോചാർജറാണ് പുതിയ എക്സ്.യു.വിയിൽ. ആറ് സ്പീഡ് മാനുവൽ, ഒാേട്ടാമാറ്റിക് ഗിയർബോക്സുകളാണ് നൽകിയിരിക്കുന്നത്. 12.39 മുതൽ 19.05 വരെയുള്ള വിശാലമായ വില വ്യത്യാസങ്ങളിൽ എക്സ്.യു.വി ലഭിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.