സബ്​കോംപാക്​ട്​ എസ്​.യു.വി സെഗ്​മെൻറിൽ കളിമാറ്റാൻ എക്​സ്​.യു.വി 300

16:41 PM
14/02/2019
MAHINDRA-300

കാത്തിരിപ്പിന്​ വിരാമമിട്ട്​ മഹീന്ദ്രയുടെ പുതിയ എസ്​.യു.വിയായി എക്​സ്​.യു.വി 300 വിപണിയിലെത്തി. സബ്​ കോംപാക്​ട്​ എസ്​.യു.വികളായ വിറ്റാര ബ്രെസ, ഫോർഡ്​ എക്കോസ്​പോർട്ട്​, ടാറ്റ നെക്​സോൺ എന്നിവയെ ലക്ഷ്യമിട്ടാണ്​ ഇക്കുറി മഹീന്ദ്രയുടെ ചുവടുവെപ്പ്​. W4,W6,W8 എന്നിങ്ങനെ മൂന്ന്​ വേരിയൻറുകളിൽ മഹീന്ദ്രയുടെ സബ്​ കോംപാക്​ട്​ എസ്​.യു.വി വിപണിയിലെത്തും. പെട്രോൾ മോഡലിന്​ 7.90 ലക്ഷം മുതൽ 10.25 ലക്ഷം വരെയും ഡീസലിന്​ 8.49 ലക്ഷം മുതൽ 10.80 ലക്ഷം വരെയുമായിരിക്കും വില. ഉയർന്ന​ വകഭേദമായ ഡബ്യു 8​​െൻറ ഒാപ്​ഷണൽ പാക്ക്​ 1.19 ലക്ഷം നൽകിയാൽ ലഭിക്കുമെന്നും മഹീന്ദ്ര അറിയിച്ചു.

MAHINDRA-36

സെഗ്​മ​െൻറിലെ തന്നെ ആദ്യത്തെ ഫീച്ചറുകളുമായിട്ടാണ്​ എക്​സ്​.യു.വി 300 വിപണിയിലേക്ക്​ എത്തുന്നത്​. ആദ്യമായി ഏഴ്​ എയർ ബാഗ്​, ഇരട്ട സോൺ ക്ലൈമറ്റ്​ കൺട്രോൾ, നീളമേറിയ വീൽബേസ്​, ഉയർന്ന ടോർക്ക്​, നാല്​ വീലിലും ഡിസ്​ക്​ ​ബ്രേക്ക്​ തുടങ്ങി സുരക്ഷയിൽ വിട്ടുവീഴ്​ചയില്ലാതെയാണ്​ മഹീന്ദ്ര കാർ പുറത്തിറക്കുന്നത്​. ഏഴ്​ ഇഞ്ച്​ ടച്ച്​ സ്​ക്രീൻ, റിയർ കാമറ, പാർക്ക്​ അസിസ്​റ്റ്​, കീലെസ്​ എൻട്രി, സ്​റ്റിയറിങ്​ മൗണ്ടഡ്​ കൺട്രോൾ, പുഷ്​ ബട്ടൺ സ്​റ്റാർട്ട്​ തുടങ്ങിയ നിരവധി നൂതന സംവിധാനങ്ങൾ ഇൻറീരിയറിൽ ഉൾക്കൊള്ളിച്ചിട്ടുണ്ട്​. 

Mahindra-300-s

1.2 ലിറ്റർ പെട്രോൾ എൻജിനിലും 1.5 ലിറ്റർ ഡീസൽ എൻജിനിലുമാണ്​ മഹീന്ദ്രയുടെ എസ്​.യു.വി വിപണിയിലെത്തുക. 115 ബി.എച്ച്​.പിയാണ്​ ഡീസൽ എൻജിനി​​െൻറ പരമാവധി കരുത്ത്​. 300 എൻ.എമ്മാണ്​ ടോർക്ക്​. പെട്രോൾ എൻജിനിൽ നിന്ന്​ 110 ബി.എച്ച്​.പി കരുത്തും 200 എൻ.എം ടോർക്കും പ്രതീക്ഷിക്കാം.

Loading...
COMMENTS