കാത്തിരിപ്പിന്​ വിരാമം; ഉറുസ്​ എത്തി

20:23 PM
11/01/2018
lamborghini-urus

മുംബൈ: ഇറ്റാലിയൻ സൂപ്പർ കാർ നിർമാതാക്കളായ ലംബോർഗിനിയുടെ പുതിയ എസ്​.യു.വി ഉറുസ്​ ഇന്ത്യൻ വിപണിയിൽ. ആഗോളവിപണിയിൽ അവതരിപ്പിച്ച്​ ദിവസങ്ങൾക്കകം തന്നെയാണ്​ ഇന്ത്യൻ വിപണിയിലേക്ക്​ ഉറുസ്​ എത്തുന്നത്​. മൂന്ന്​ കോടി രൂപയായിരിക്കും ഉറുസി​​​െൻറ ഇന്ത്യയിലെ ഷോറും വില. ഹുറാകാന്​ ശേഷം ലംബോർഗിനി ഇന്ത്യൻ വിപണിയിൽ അവതരിപ്പിക്കുന്ന എസ്​.യു.വിയാണിത്​.

lamborghini-urus 123

പോർഷ കേയ്​മാനും ഒൗഡി ക്യു 7നുമെല്ലാം പിന്തുടരുന്ന എം.എൽ.ബി ഇവോ പ്ലാറ്റ്​ഫോമാണ്​ അടിസ്ഥാനമാക്കിയാണ്​ പുതിയ കാറിനെ ലംബോർഗിനി അണിയിച്ചൊരുക്കിയിരിക്കുന്നത്​.  നിർമാണത്തിലെ അലുമിനിയത്തി​​​െൻറ സാന്നിധ്യം ഭാരം കുറക്കാൻ സഹായിച്ചിട്ടുണ്ട്​. ഡിസൈനിലും പെർഫോമൻസിലുമെല്ലാം ഒരു ലംബോർഗിനി ടച്ച്​ ഉറുസിൽ നിന്ന്​ പ്രതീക്ഷിക്കാം.

4.0 ലിറ്റർ ട്വിൻ ടർബോ വി8 എൻജിനാണ്​ ഉറുസി​​​െൻറ ഹൃദയം. 651 ബി.എച്ച്​.പി പവറും 850 എൻ.എം ടോർക്കും എൻജിൻ ൽകും. 3.6 സെക്കൻഡിൽ 100 കിലോമീറ്റർ വേഗതയും 12.8 സെക്കൻഡിൽ 200 കിലോമീറ്റർ വേഗതയും ഉറുസ്​ കൈവരിക്കും. മണിക്കൂറിൽ 305 കിലോ മീറ്ററാണ്​ പരമാവധി വേഗത. ഫോർ വീൽ ഡ്രൈവിലായിരിക്കും ഉറുസി​​​െൻറ ഇന്ത്യൻ അരങ്ങേറ്റം. 

lamborghini-urus 123

റേസിങ്​ ട്രാക്കിനും ഒാഫ്​ റോഡിനും ഒരുപോലെ അനുയോജ്യമാണ്​ ഉറുസിലെ സസ്​പെൻഷൻ. 440 എം.എം ഫ്രണ്ട്​ ബ്രേക്കുകളും 370 എം.എം റിയർ കാർബൺ ബ്രേക്കുകളുമാണ്​ ഉറുസി​നെ പിടിച്ച്​നിർത്തുക. മുൻവശത്ത്​ മെഷ്​ ​ഗ്രില്ലാണ്​ നൽകിയിരിക്കുന്നത്​. കുപേ രൂപത്തിലുള്ള റുഫ്​ലൈൻ പിൻവശത്തിന്​ നൽകിയിരിക്കുന്നു. 

Loading...
COMMENTS