Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightAuto Newschevron_rightകളി തുടങ്ങി കിയ;...

കളി തുടങ്ങി കിയ; സെൽറ്റോസ്​ ഇന്ത്യൻ വിപണിയിൽ

text_fields
bookmark_border
KIA-Seltos
cancel

ഇന്ത്യയിൽ വാഹനപ്രേമികൾക്ക്​ നെഞ്ചേറ്റാൻ മറ്റൊരു ബ്രാൻഡ്​ കൂടി അവതരിച്ചു. ദക്ഷിണകൊറിയൻ വാഹന നിർമാതാക്കളാ യ കിയ അവരുടെ ഏറ്റവും പുതിയ മോഡൽ സെൽറ്റോസിനെ ഇന്ത്യയിൽ പുറത്തിറക്കി. 9.69 ലക്ഷമാണ്​ സെൽറ്റോസിൻെറ അടിസ്ഥാന വകഭ േദത്തിൻെറ വില. ഉയർന്ന വകഭേദത്തിന്​ 15.99 ലക്ഷവും നൽകണം. 2018 ഓ​ട്ടോ എക്​സ്​പോയിൽ എസ്​.പി കൺസെപ്​റ്റ്​ എന്ന പേരിലാണ ്​ കിയ സെൽറ്റോസിനെ ആദ്യമായി അവതരിപ്പിക്കുന്നത്​.

ഉൽപാദനം തുടങ്ങുന്നതിൻെറ ഭാഗമായി 2 ബില്യൺ ഡോളറാണ് കിയ ഇന്ത്യയിൽ നിക്ഷേപം ​ നടത്തിയിരിക്കുന്നത്​.ആന്ധ്രപ്രദേശിലെ അനന്ദപൂരിൽ കിയ നിർമാണശാല ആരംഭിച്ചിട്ടുണ്ട്​​. ഹ്യുണ്ടായ്​ ക്രേറ്റ, എം.ജി ഹെക്​ടർ, ടാറ്റ ഹാരിയർ എന്നിവയോട്​ നേരിട്ട്​ ഏറ്റുമുട്ടാൻ ഉറച്ച്​ തന്നെയാണ്​ സെൽറ്റോസിൻെറയും വരവ്​.

kia-seltos-interior

മൂന്ന്​ എൻജിൻ ഒാപ്​ഷനുകളിൽ സെൽറ്റോസ്​ ഇന്ത്യൻ വിപണിയിൽ പുറത്തിറങ്ങും. 1.4 ലിറ്റർ ജി.ഡി.ഐ പെട്രോൾ എൻജിൻ 138 ബി.എച്ച്​.പി പവറും 242 എൻ.എം ടോർക്കും നൽകും. ആറ്​ സ്​പീഡ്​ മാനുവലും ഏഴ്​ സ്​പീഡ്​ ഓ​ട്ടോമാറ്റിക്കുമാണ്​ ട്രാൻസ്​മിഷൻ. 1.5 ലിറ്റർ പെട്രോൾ എൻജിൻ 113 ബി.എച്ച്​.പി പവറും 144 എൻ.എം ടോർക്കും നൽകും. 6 സ്​പീഡ്​ മാനുവലും ഐ.വി.ടി ഓ​ട്ടോമാറ്റിക്​ ട്രാൻസ്​മിഷനും ഇതിൽ ഉൾപ്പെടുത്തിയിട്ടുണ്ട്​. 1.5 ലിറ്റർ വി.ജി.ടി ഡീസൽ എൻജിൻ 113 ബി.എച്ച്​.പി പവറും 250 എൻ.എം ടോർക്കും നൽകും. ആറ്​ സ്​പീഡ്​ മാനുവലും ആറ്​ സ്​പീഡ്​ ടോർക്ക്​ കൺവെർട്ടർ ഓ​ട്ടോമാറ്റിക്കുമായിരിക്കും ട്രാൻസ്​മിഷൻ.

ജ്വൽ ഇഫക്​ടുള്ള എൽ.ഇ.ഡി ഹെഡ്​ലാമ്പിനൊപ്പം സിഗ്​നേച്ചർ എൽ.ഇ.ഡി ഡേ ടൈം റണ്ണിങ്​ ലെറ്റുകൾ, എൽ.ഇ.ഡി ടെയിൽ ലൈറ്റ്​, ​എൽ.ഇ.ഡി ഫോഗ്​ ലാമ്പ്​ എന്നിവയെല്ലാം സെൽറ്റോസിലുണ്ട്​. 17 ഇഞ്ച്​ അലോയ്​ വീലുകൾ, ഓട്ടമാറ്റിക്കായി ക്രമീകരിക്കാവുന്ന മിററുകൾ എന്നിവയും സവിശേഷതകളാണ്​. ഇൻറീരിയറിൽ 8 ഇഞ്ച്​ സ്​മാർട്ട്​ ഹെഡ്​ അപ്​ ഡിസ്​പ്ലേയും 10.25 ഇഞ്ച്​ ഇൻഫോടെയിൻമ​െൻറ്​ സിസ്​റ്റവും കിയ ഉൾപ്പെടുത്തിയിട്ടുണ്ട്​. ബോസിൻെറ എട്ട്​ സ്​പീക്കർ സൗണ്ട്​ സിസ്​റ്റം, മൂഡ്​ ലൈറ്റിങ്​, ആംബിയൻറ്​ ലൈറ്റിങ്​, ​വയർലെസ്സ്​ ചാർജിങ്​ എന്നിവയുമുണ്ട്​​.

പുഷ്​ ബട്ടൺ സ്​റ്റാർട്ട്​, ഇലക്​ട്രിക്കലായി ക്രമീകരിക്കാവുന്ന ഡ്രൈവർ സീറ്റ്​, ക്ലൈമറ്റ്​ കൺട്രോൾ, കീലെസ്സ്​ എൻട്രി, 360 ഡിഗ്രി കാമറ, ആറ്​ എയർബാഗുകൾ, എ.ബി.എസ്​-ഇ.ബി.ഡി, ഫ്രണ്ട്​ ആൻഡ്​ റിയർ പാർക്കിങ്​ സെൻസറുകൾ, ഇ.എസ്​.പി, ഹിൽ ഹോൾഡ്​ കൺട്രോൾ എന്നീ സുരക്ഷാ സംവിധാനങ്ങളുമുണ്ട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:automobilemalayalam newskiaSeltos
News Summary - Kia Seltos Compact SUV Launched-Hotwheels
Next Story