ഒറ്റചാർജിൽ 473 കി​േലാ മീറ്റർ; കിടിലൻ എസ്​.യു.വിയുമായി ഹ്യുണ്ടായ്​

ഇലക്​ട്രിക്​ കരുത്തിനൊപ്പം സഞ്ചരിക്കാനാണ്​ ഇപ്പോൾ വാഹനനിർമാതക്കൾക്ക്​ ഇഷ്​ടം. വർധിച്ച്​ വരുന്ന മലിനീകരണം നിർമാതക്കളെ മാറി ചിന്തിപ്പിക്കാൻ പ്രേരിപ്പിക്കുന്നു. ഇതിനൊടൊപ്പം ഫോസിൽ ഇന്ധനങ്ങൾ ഉപയോഗിക്കുന്നത്​ മൂലമുണ്ടാവുന്ന അമിത ചെലവും പുത്തൻ തന്ത്രങ്ങൾ പരീക്ഷിക്കാൻ കമ്പനികളെ പ്രേരിപ്പിക്കുന്നു. അതിലുമുപരി ഇനി വിപണിയെ നയിക്കുക ഇലക്​ട്രിക്​ വാഹനങ്ങളാണെന്ന തിരിച്ചറിവും അവർക്കുണ്ടായിരിക്കുന്നു. ഭാവിയെ മുന്നിൽകണ്ട്​ നിരവധി ഇലക്​ട്രിക്​ വാഹനങ്ങളുമായാണ്​ നിർമാതാക്കൾ എത്തുന്നത്​. ഇൗ നിരയിലേക്ക്​ ചുവടുറപ്പിക്കാൻ ലക്ഷ്യംവെച്ചാണ്​ കോന എന്ന മോഡലുമായി ഹ്യൂണ്ടായി പുറത്തിറക്കുന്നത്​​.

സ്​​റ്റാൻഡേർഡ്​, എക്​സ്​റ്റൻഡ്​ എന്നിങ്ങനെ രണ്ട്​ വകഭേദങ്ങളിൽ കോനയെത്തും. സ്​​റ്റാൻഡേർഡ്​ വകഭേദത്തിന്​ ഒറ്റചാർജിൽ 300 കിലോ മീറ്റർ ദൂരം പിന്നിടാൻ സാധിക്കും. എക്​സ്​റ്റൻഡിന്​ 470 കിലോ മീറ്റർ ദൂരമാണ്​ ഒറ്റചാർജിൽ സഞ്ചരിക്കുക. സാധാരണ എസ്​.യു.വികളുടെ രൂപഭാവങ്ങളാണ്​ കോനയും പിന്തുടരുന്നത്​. ​ഗ്രില്ലി​​​െൻറ ഡിസൈൻ അൽപം വ്യത്യസ്​തമാണ്​. മുൻവശത്താണ്​ ചാർജിങ്​ സോക്കറ്റ്​ നൽകിയിരിക്കുന്നത്​. 

സ്​​റ്റാൻഡേർഡ്​ കോനയിൽ 39.2 kWh ബാറ്ററിയും 99kW ഇലക്​ട്രിക്​ മോ​േട്ടാറും നൽകിയിരിക്കുന്നു. ഒമ്പത്​ സെക്കൻഡിൽ വാഹനം 0-60 mph വേഗത കൈവരും. ആറ്​ മണിക്കുർ ​കൊണ്ട്​ സ്​റ്റാൻഡേർഡ്​ കോന ഫുൾചാർജാവും. എന്നാൽ ഡി.സി ഫാസ്​റ്റ്​ ചാർജറിൽ 80 ശതമാനം ചാർജ്​ കിട്ടാൻ 54 മിനിട്ട്​ മതി. കോനയുടെ എക്​സ്​റ്റൻഡ്​ വിഭാഗത്തിൽ 64kWh ബാറ്ററിയാണ്​ ഉള്ളത്​. 150 kW  ഇലക്​ട്രിക്​ മോ​േട്ടാറാവും കാറിന്​ കരുത്ത്​ പകരുക.