ലാൻഡ്റോവർ കൺവെർട്ടബിൾ എസ്.യു.വി ഇന്ത്യയിലവതരിപ്പിച്ചു
text_fieldsന്യൂഡൽഹി: ലാൻഡ് റോവർ കൺവെർട്ടബിൾ എസ്.യു.വി ഇവോക്കിനെ ഇന്ത്യൻ വിപണിയിൽ അവതരിപ്പിച്ചു. 69.3 ലക്ഷമാണ് എസ്.യു.വിയുടെ ഷോറും വില. ഇവോക് എച്ച്.എസ്.ഇ ഡൈനാമിക് കൺസെപ്റ്റിനെ അടിസ്ഥാനമാക്കിയാണ് എസ്.യു.വിയുടെ നിർമാണം. 2.0 ലിറ്റർ പെട്രോൾ എൻജിനിൽ മാത്രമാവും ഇവോക് എത്തുക.
ഇന്ത്യയിലെ ആദ്യ കൺവെർട്ടബിൾ എസ്.യു.വിയാവുക വഴി രാജ്യത്തെ ആഡംബര കാർ പ്രേമികളെയാണ് ലാൻഡ് റോവർ ലക്ഷ്യം വെക്കുന്നത്. സെഗ്മെൻറിലെ പുതുപരീക്ഷണമായത് കൊണ്ട് എളുപ്പത്തിൽ വിപണിയിൽ തരംഗമാവാമെന്നാണ് കമ്പനിയുടെ പ്രതീക്ഷ. ഇന്ത്യയിലെ ആദ്യ കൺവർട്ടബിൾ എസ്.യു.വിയാണ് ഇവോക് എന്നറിയുന്നതിൽ സന്തോഷമുണ്ടെന്ന് കമ്പനി വ്യക്തമാക്കി. ബോൾഡായ ഡിസൈനാണ് എസ്.യു.വിക്കായി നൽകിയിരിക്കുന്നത്. പുതിയ മോഡൽ ഇന്ത്യയിൽ ലാൻഡ്റോവറിന് പുതിയ ദിശ നൽകുമെന്ന് കമ്പനിയുടെ പ്രസിഡൻറും മാനേജിങ് ഡയറക്ടറുമായ രോഹിത് സുരി പ്രതികരിച്ചു.
20 സെക്കൻഡിൽ ബൂട്ടിലേക്ക് മറയുന്ന സെഡ് ഫോൾഡിങ് റൂഫിങ് സിസ്റ്റമാണ് ഇവോക്കിൽ നൽകിയിരിക്കുന്നത്. കൺവെർട്ടബിൾ റൂഫിങ് സിസ്റ്റം ഒഴിച്ച് നിർത്തിയാൽ പഴയ ഇവോക്കിൽ നിന്ന് കാര്യമായ മാറ്റങ്ങളൊന്നും ഇല്ല. ഇൻറീരിയറിൽ ആഡംബരങ്ങളെല്ലാം ഉൾക്കൊള്ളിച്ചാണ് എസ്.യു.വിയുടെ വരവ്. തുകലിൽ നിർമിച്ചതാണ് സീറ്റുകൾ. റോഡിൽ നിന്ന് കണ്ണെടുക്കാതെ തന്നെ വാഹനത്തെ സംബന്ധിക്കുന്ന പ്രധാന വിവരങ്ങൾ ലഭിക്കുന്ന തരത്തിലാണ് ഡിസ്പ്ലേയുടെ ക്രമീകരണം. യാത്രക്കാർക്ക് വൈ-ഫൈ ഹോട്ട്സ്പോട്ട് സംവിധാനവും റേഞ്ച് റോവർ നൽകുന്നുണ്ട്.
2.1 ലിറ്റർ ഇൻജീനിയം പെട്രോൾ എൻജിനാണ് ഇവോക്കിനെ ചലിപ്പിക്കുക. 240 പി.എസ് പവറും 340 എൻ.എം ടോർക്കുമാണ് എസ്.യു.വിക്കുണ്ടാവുക. ഒമ്പത് സ്പീഡ് ഒാേട്ടാമാറ്റിക്കാണ് ട്രാൻസ്മിഷൻ. ഫോർ വീൽ ഡ്രൈവ് സിസ്റ്റം സ്റ്റാൻഡേർഡായി നൽകിയിരുന്നു. 0-100 കിലോ മീറ്റർ വേഗത കൈവരിക്കാൻ 8 സെക്കൻഡ് മതി. പരമാവധി വേഗത മണിക്കൂറിൽ 217 കിലോ മീറ്റർ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.