ആഡംബരം നിറച്ച്​ കരുത്തോടെ ബീമറിൻെറ എക്​സ്​ 7

വാഹനപ്രേമികളുടെ ഏറെക്കാലം നീണ്ട കാത്തിരിപ്പുകൾക്ക്​ വിട. 2018ൽ ആഗോള വിപണിയിൽ പുറത്തിറങ്ങിയ ബി.എം.ഡബ്​ളിയുവിൻ െറ എക്​സ്​ 7 ഇന്ത്യയിലേക്ക്​. ബീമർ ആരാധകരുടെ നെ​ഞ്ചിടിപ്പേറ്റി 2019 ജനുവരിയിൽ കമ്പനി വെബ്​സൈറ്റിൽ മോഡൽ പ്രത്യേക ്ഷപ്പെട്ടുവെങ്കിലും ഔദ്യോഗികമായി പുറത്തിറങ്ങുന്നത്​ ഇപ്പോഴാണ്​. രണ്ട്​ വേരിയൻറുകളിൽ എസ്​.യു.വി വിപണിയിലെ ത്തും. എക്​സ്​ ഡ്രൈവ്​ 30d ഡി.പി.ഇ സിഗ്​നേച്ചർ, എക്​സ്​ ഡ്രൈവ്​ 40i എന്നതാണ്​ രണ്ട്​ വേരിയൻറുകൾ.

ക്ലാർ പ്ലാറ്റ്​ഫോം അടിസ്ഥാനമാക്കിയെത്തുന്ന എക്​സ്​ 7ന്​ സെവൻ സീരിസുമായും ഫൈവ്​ സീരിസുമായും ചെറുതല്ലാത്ത സാമ്യമുണ്ട്​. ഡിസൈനിൽ പരിഷ്​കരിച്ചെത്തിയ സെവൻ സീരിസിനെയാണ്​ എക്​സ്​ 7 പിന്തുടരുന്നത്​. റോഡിൽ സാന്നിധ്യം അറിയിക്കാനായി വലിയ മുൻ, പിൻ ബംബറുകളാണ്​ ഉൾക്കൊള്ളിച്ചിരിക്കുന്നത്​. വശങ്ങളുടെ ഡിസൈനും മനോഹരമാണ്​. മെഴ്​സിഡെസ്​ ബെൻസ്​ ജി.എൽ.എസിന്​ സമാനമായി മൂന്ന്​ നിര സീറ്റുകൾ ബി.എം.ഡബ്​ളിയു മോഡലിൽ ഉൾക്കൊള്ളിച്ചിട്ടുണ്ട്​.

എക്​സ്​​ ഡ്രൈവ്​ 30d ഡി.പി.ഇ സിഗ്​നേച്ചർ വേരിയൻറിന്​ കരുത്ത്​ പകരുന്നത്​ 3.0 ലിറ്റർ 6 സിലിണ്ടർ ഡീസൽ എൻജിനാണ്​. 265 പി.എസാണ്​ മോഡലിൻെറ പമാവധി കരുത്ത്​ 620 എൻ.എം ടോർക്കും നൽകും. എക്​സ്​ ഡ്രൈവ്​ 40iക്ക്​ കരുത്ത്​ പകരുന്നത്​ 3.0 ലിറ്റർ 6 സിലിണ്ടർ ടർബോ പെട്രോൾ എൻജിനാണ്​. 340 പി.എസ്​ പവറും 450 എൻ.എം ടോർക്കും പെട്രോൾ എൻജിൻ നൽകും. രണ്ട്​ വേരിയൻറുകൾക്കും എട്ട്​ സ്​പീഡ്​ ഓ​ട്ടോമാറ്റിക്കാണ്​ ട്രാൻസ്​മിഷൻ.

ഡീസൽ എൻജിന്​ 0-100 കിലോ മീറ്റർ വേഗത കൈവരിക്കാൻ കേവലം ഏഴ്​ സെക്കൻഡ്​ മതിയാകും. പെട്രോൾ എൻജൻ 6.1 സെക്കൻഡിൽ​ 100 കിലോ മീറ്റർ വേഗത കൈവരിക്കും. പിൻനിര യാത്രികർക്ക്​ 10.2 ഇഞ്ച്​ ഫുൾ എച്ച്​.ഡി സ്​ക്രീനും ബീമർ ഉൾപ്പെടുത്തിയി ട്ടുണ്ട്​. 16 സ്​പീക്കർ ഹാർമൻ കാർഡോൻ മ്യൂസിക്​ സിസ്​റ്റം, പനോരമിക്​ സൺറൂഫ്​, പാർക്കിങ്​ അസിസ്​റ്റ്​, ആറ്​ എയർബാഗുകൾ, ഡി.എസ്​.സി, കോർണർ ബ്രേക്കിങ്​ കൺട്രോൾ. 98.90 ലക്ഷമായിരിക്കും എക്​സ്​ 7ൻെറ ഷോറും വില.