ആഡംബര ഇലക്​ട്രിക്​ കാർ; ഔഡി ഇ​-ട്രോൺ അവതരിപ്പിച്ചു

ഔദ്യോഗികമായി പുറത്തിറങ്ങുന്നതിന്​ മുന്നോ​ടിയായി ജർമ്മൻ വാഹന നിർമാതാക്കളായ ഔഡി അവരുടെ ഇലക്​ട്രിക്​ എസ്​.യു.വി ഇ-ട്രോൺ അവതരിപ്പിച്ചു. ജൂലൈ 12നാണ്​ ഇ-ട്രോണിനെ കമ്പനി ഔദ്യോഗികമായി അവതരിപ്പിക്കുക. ഇലക്​ട്രിക്​ കാർ വിപണിയിൽ സാന്നിധ്യം ശക്​തമാക്കാൻ ലക്ഷ്യമിട്ടാണ്​ ഇ-ട്രോണിൻെറയും വരവ്​. ​

ഔഡിയുടെ ക്യു 5, ക്യു 7 മോഡലുകൾക്ക്​ ഇടയിലായിരിക്കും ഇ-ട്രോണിൻെറ സ്ഥാനം. ഡിസൈനിൽ പൂർണമായും ക്യു സീരിസിനെ കോപ്പിയടിക്കാതെ തനത്​ രൂപം ഇ​-​േ​ട്രാണിന്​ നൽകാൻ ഔഡി ശ്രമിച്ചിട്ടുണ്ട്​. രണ്ട്​ ആക്​സിലുകളിലും ഓരോ ഇലക്​ട്രിക്​ മോ​ട്ടോറുകളാണ്​ ഇ-ട്രോണിന്​ നൽകിയിരിക്കുന്നത്​.

 മുന്നിൽ 125kWൻെറ മോ​ട്ടോറും പിന്നിൽ 140kW ​ഇലക്​ട്രിക്​ മോ​ട്ടോറുമാണ്​ ഔഡി ഉൾക്കൊള്ളിച്ചിരിക്കുന്നത്​. 355 ബി.എച്ച്​.പിയാണ്​ ഇരു മോ​ട്ടോറുകളും കൂടി നൽകുന്ന പരമാവധി കരുത്ത്​. സിംഗിൾ ചാർജിൽ 400 കിലോ മീറ്റർ വരെ സഞ്ചരിക്കാൻ കഴിയുന്ന മോഡലാണ്​ ഇ-ട്രോൺ. കേവലം 6.6 സെക്കൻഡിൽ ഇ​-ട്രോൾ 0-100 കി.മി വേഗത കൈവരിക്കും. ബൂസ്​റ്റ്​ മോഡിൽ 100 കിലോ മീറ്റർ വേഗത കൈവരിക്കാൻ 5.5 സെക്കൻഡ്​ മതി.