ഒാരോ ഇന്ത്യക്കാരനും ച​ന്ദ്രയാൻ-2ൻെറ ഹൃദയസ്​പന്ദനം അറിയുന്നു -ആനന്ദ്​ മഹീന്ദ്ര

13:57 PM
07/09/2019
anand-mahindra-23

ന്യൂഡൽഹി: ചന്ദ്രയാൻ-2ൻെറ സിഗ്​നൽ നഷ്​ടമായതോടെ കനത്ത നിരാശയിലാണ്​ ഐ.എസ്​.ആർ.ഒയും രാജ്യവും. ദൗത്യം പൂർണമായി പരാജയപ്പെട്ടിട്ടില്ലെന്നും ഓർബിറ്ററിൽ നിന്നും ഇനിയും നിർണായക വിവരങ്ങൾ ലഭിക്കുമെന്ന പ്രതീക്ഷയിലുമാണ്​ ശാസ്​ത്രലോകം. ഇതിനിടെ നിരവധി പേരാണ്​ ചാന്ദ്രദൗത്യത്തിൽ ഐ.എസ്​.ആർ.ഒ ഇതുവരെ കൈവരിച്ച നേട്ടത്തെ പ്രകീർത്തിച്ച്​ രംഗത്തെത്തുന്നത്​. ഇക്കുട്ടത്തിൽ മഹീന്ദ്ര ഗ്രൂപ്പ്​ ചെയർമാൻ ആനന്ദ്​ മഹീന്ദ്രയുടെ ട്വീറ്റും ശ്രദ്ധേയമാവുകയാണ്​.

ചന്ദ്രയാൻെറ ആശയവിനിമയം ബന്ധം നഷ്​ടമായിട്ടില്ലെന്നും ഓരോ ഇന്ത്യക്കാരനും അത്​ കേൾക്കാമെന്നും ആനന്ദ്​ മഹീന്ദ്ര ട്വീറ്റ്​ ചെയ്​തു. ആദ്യം നിങ്ങൾ വിജയിച്ചില്ലെങ്കിൽ ശ്രമിക്കുക, വീണ്ടും ശ്രമിക്കുക എന്ന്​ ചന്ദ്രയാൻ പറയുന്നത്​ എല്ലാവർക്കും കേൾക്കാമെന്നും ആനന്ദ്​ മഹീന്ദ്ര വ്യക്​തമാക്കി. 

ച​ന്ദ്ര​യാ​ൻ 2 ദൗത്യത്തിന്‍റെ നിർണായക ഘട്ടമായ സോഫ്റ്റ് ലാൻഡിങ്ങിൽ വിക്രം ലാൻഡറുമായുള്ള ആശയവിനിമയം നഷ്​ടമായിരുന്നു. ചന്ദ്രനിൽ നിന്ന് 2.1 കിലോ മീറ്റർ അകലെവെച്ച് ലാൻഡറിൽ നിന്ന് സിഗ്നൽ നഷ്ടമായത്​.

Loading...
COMMENTS