ഓഫ്​ റോഡുകളിലെ രാജാവ്​; താറിൻെറ പുതു പതിപ്പുമായി മഹീന്ദ്ര

അടുത്ത സാമ്പത്തിക വർഷത്തിൻെറ ആദ്യപാദത്തിൽ പുതുതലമുറ താറിനെ പുറത്തിറക്കുമെന്ന്​ മഹീന്ദ്ര. 2.2 ലിറ്റർ ബി.എസ്​ 6 ഡീസൽ എൻജിനിൻെറ കരുത്തിലാവും വാഹനമെത്തുക. താറിൻെറ ടെസ്​റ്റ്​ഡ്രൈവ്​ മഹീന്ദ്ര ആരംഭിച്ചതായാണ്​ വാർത്തകൾ.

2.2 ലിറ്റർ ഡീസൽ എൻജിൻ 140 ബി.എച്ച്​.പി കരുത്താവും നൽകുക. ആറ്​ സ്​പീഡ്​ മാനുവൽ ഗിയർബോക്​സായിരിക്കും എൻജിനൊപ്പം കൂട്ടിച്ചേർക്കുക. ഓ​ട്ടോമാറ്റിക്​ ട്രാൻസ്​മിഷന​ും ചിലപ്പോൾ ഉൾപ്പെടു​ത്തിയേക്കും. ഡീസൽ എൻജിനൊപ്പം 2.0 ലിറ്റർ പെട്രോൾ എൻജിനും മഹീന്ദ്ര വാഹനത്തിൽ ഉൾപ്പെടുത്തും. 190 ബി.എച്ച്​.പി കരുത്തും 380 എൻ.എം ടോർക്കുമാണ്​ താറിൻെറ പെട്രോൾ എൻജിൻ നൽകുക.

വാഹനത്തിൻെറ ഇൻറീരിയറിൽ മഹീന്ദ്ര കാര്യമായ മാറ്റങ്ങൾ വരുത്തിയിട്ടുണ്ട്​. ഡാഷ്​ബോർഡിന്​ പുതിയ ലേ-ഔട്ട്​ കൊണ്ടു വന്നതാണ്​ പ്രധാന മാറ്റം. ആപ്പിൾ കാർപ്ലേ, ആൻഡ്രോയിഡ്​ ഓ​ട്ടോ എന്നിവ​െയ പിന്തുണക്കുന്ന ടച്ച്​ സ്​ക്രീൻ ഇൻഫോടെയിൻമ​െൻറ്​ സിസ്​റ്റവും ഉൾപ്പെടുത്തിയിട്ടുണ്ട്​. എക്​സ്​റ്റീരിയറിൽ റിവേഴ്​സ്​ കാമറ, മടക്കാവുന്ന മിററുകൾ, എൽ.ഇ.ഡി ഡേ ടൈം റണ്ണിങ്​ ലൈറ്റുകൾ എന്നിവ സവിശേഷതയാണ്​. ഫോഴ്​സ്​ ഖൂർഖ, മാരുതി സുസുക്കി ജിംനി തുടങ്ങിയ മോഡലുകളോടാവും താർ നേരി​ട്ടേറ്റുമുട്ടുക.