Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഅര​ങ്ങുവാഴാനെത്തുന്ന...

അര​ങ്ങുവാഴാനെത്തുന്ന ഹാച്ച്​ബാക്കുകൾ

text_fields
bookmark_border
അര​ങ്ങുവാഴാനെത്തുന്ന ഹാച്ച്​ബാക്കുകൾ
cancel

ഇന്ത്യൻ വാഹനപ്രേമികൾക്ക്​ ഏറ്റവും ഇഷ്​ടമുള്ള കാർ വിഭാഗമാണ്​ ഹാച്ച്​ബാക്കുകൾ. നഗരങ്ങളിലെ ഗതാഗതകുരുക്കിൽ ഒരുപരിധി വരെ എളുപ്പത്തിൽ ഒാടിച്ച്​ പോകാൻ സൗകര്യം ഹാച്ചബാക്കുകളാണ്​. ബൂട്ടുകെട്ടിയ സെഡാനുകളും വലിപ്പമേറിയ എം.യു.വികളും എസ്​.യു.വികളും വാഹനങ്ങൾ പെരുകുന്നതിനനുസരിച്ച്​ റോഡ്​ വികസിക്കാത്ത ഇന്ത്യൻ നഗരങ്ങളിൽ ഉപയോഗിക്കുക പ്ര​യാസമാണെന്നാണ്​ വലിയൊരു വിഭാഗത്തി​​െൻറ പക്ഷം. പലപ്പോഴും ഇന്ത്യയിലെ ഉപരിവർഗം സെഡാനുകൾക്കും എസ്​.യു.വികൾ​ക്കും ഒപ്പം നിത്യോപയോഗത്തിനായി ഹാച്ച്​ബാക്കുകൾ വാങ്ങാറുണ്ട്​. ഇത്​ മനസിലാക്കി എൻട്രി ലെവൽ മുതൽ പ്രീമിയം ഹാച്ച്​ ബാക്കുകൾ വരെ ഇന്ത്യയിൽ വാഹനനിർമാതാക്കൾ അവതരിപ്പിച്ചിട്ടുണ്ട്​. 2019ൽ ഹാച്ച്​ബാക്കുകളുടെ വലിയൊരുനിര തന്നെ ഇന്ത്യയിൽ വിൽപ്പനക്കെത്തുന്നുണ്ട്​.

ഹ്യൂണ്ടായ്​ ഗ്രാൻഡ്​ ​െഎ 10

ഇന്ത്യൻ വിപണിയിൽ അടുത്ത വർഷം എത്തുമെന്ന്​ പ്രതീക്ഷിക്കുന്ന മോഡലുകളിലൊന്ന്​ ഹ്യുണ്ടായിയുടെ ഗ്രാൻഡ്​ ​െഎ10. സാൻട്രോയിലുടെ ഇന്ത്യൻ ഹാച്ച്​ബാക്ക്​ സെഗ്​മ​െൻറിൽ വീണ്ടും വരവറിയിച്ചിരിക്കുകയാണ്​ ഹ്യുണ്ടായ്​​. ഗ്രാൻഡ്​ ​െഎ 10ലുടെ ആ സ്ഥാനം അരക്കെട്ടുറപ്പിക്കാനായിരിക്കും കമ്പനിയുടെ ശ്രമം. ലെഗ്​റൂം കൂട്ടി​ പിൻസീറ്റ്​ യാത്രികരുടെ യാത്രാസുഖം വർധിപ്പിച്ചാവും ഗ്രാൻഡ്​ ​െഎ 10 വിപണിയിലെത്തുക. മുഖം മിനുക്കിയെത്തുന്ന എലാൻട്രയിലെ ചില ഘടകങ്ങളും പുതിയ ഗ്രാൻഡ്​ ​െഎ 10ൽ ഉണ്ടാവുമെന്നാണ്​ പ്രതീക്ഷ. ഹെക്​സഗോണൽ ഗ്രില്ലും വലിയ ഹെഡ്​ലാമ്പുകളും ടെയിൽ ലൈറ്റുകളുമെല്ലാമായിരിക്കും പ്രധാന പ്രത്യേകത. എൻജിൻ നിലവിലുള്ളത്​ തന്നെ തുടരും.

grand-i10

വാഗണർ
വാഗണറി​​െൻറ പരിഷ്​കരിച്ച പതിപ്പുമായാവും മാരുതി അടുത്ത വർഷം കളത്തിലിറങ്ങുക. ടോൾ ബോയ്​ ഡിസൈനിലാവും പുതിയ വാഗണർ. കൂടുതൽ സ്​പേസ്​ ഉൾക്കൊള്ളിച്ചാവും ഇക്കുറി കാറി​​െൻറ ഇന്ത്യയിലേക്കുള്ള വരവ്​. കൂടുതൽ ലഗേജ്​ ഉൾക്കൊള്ളാൻ ശേഷിയുമുണ്ടാകും. നീളം കൂടിയ ബോണറ്റാണ്​ മറ്റൊരു പ്രത്യേകത. 1.0 ലിറ്റർ പെട്രോൾ എൻജിനായിരിക്കും ഹൃദയം. മാനുവൽ, ഒാ​േട്ടാമാറ്റിക്​ ട്രാൻസ്​മിഷനുകളിൽ പുതിയ പതിപ്പ്​ വിപണിയിലെത്തും.

waganor-23

മെഴ്​സിഡെസ്​ ബെൻസ്​ എ ക്ലാസ്​
മെഴ്​സിഡെസ്​ നിരയിലെ ഹാച്ച്​ബാക്കാണ്​ എ ക്ലാസ്​. കമ്പനിയുടെ എൻട്രി ലെവൽ​ മോഡലുകളിലൊന്ന്​. അടുത്ത വർഷം പ്രതീക്ഷയോടെ കാത്തരിക്കുന്ന മോഡലുകളിൽ ഒന്നാണിത്​​​. നീളം കൂടുതൽ തന്നെയാണ്​ പുതിയ എ ക്ലാസി​​െൻറയും പ്രധാന പ്രത്യേകത. ഇതിനൊപ്പം ചില പ്രീമിയം സൗകര്യങ്ങൾ മോഡലിൽ ബെൻസ്​ ഉൾപ്പെടുത്തിയേക്കും. 2019 ആദ്യത്തിൽ വിപണിയിലെത്തുന്ന എ ക്ലാസി​​െൻറ വില 30 മുതൽ 34 ലക്ഷം വരെയായിരിക്കും.

benz-a-class

ഫോർ​ഡ്​ ഫി​േഗാ

ഫിഗോ​യുടെ മുഖം മിനുക്കിയ പതിപ്പുമായാവും 2019ൽ ഫോർഡ്​ ഇന്ത്യയിലെത്തുക. അകത്തളങ്ങളിൽ സൗകര്യം വർധിപ്പിച്ചാവും പുതിയ ഫോർഡ്​ വിൽപന ആരംഭിക്കുന്നത്​. 1.2 ലിറ്റർ പെട്രോൾ എൻജിൻ അധികമായി ഉൾപ്പെടുത്തും. ആറ്​ ലക്ഷം മുതൽ എട്ട്​ ലക്ഷം വരെയായിരിക്കും ഷോറും വില.

ford-figo-2019

Show Full Article
TAGS:Hyundai Santro ford figo Waganor Benz A class HOTWHEEL malayalam news 
Web Title - 2019 Hatchback-Hotwheels
Next Story