ആഡംബര എസ്​.യു.വി വിപണിയിൽ തരംഗമാവാൻ ലക്​സസ്​

ഒാഫ്​ റോഡ്​ നഗരയാത്രികരെ ലക്ഷ്യമിട്ട്​ ലക്സസി​​െൻറ​ പുതിയ എസ്​.യു.വി എൽ.എക്സ്​ 570 ഇന്ത്യൻ വിപണിയിൽ പുറത്തിറക്കി. 2.33 കോടി രൂപയാണ്​ ഇന്ത്യയിലെ ഷോറും വില.  ലാൻഡ്​ ക്രൂയിസർ മോഡലുകളുടെ അടിസ്ഥാനത്തിലാണ്​ ലക്​സസ്​ പുതിയ എസ്​.യു.വിയെ അണിയിച്ചൊരുക്കിയിരിക്കുന്നത്​. മൂന്ന്​ നിരകളിലായി ഏഴ്​പേർക്ക്​ സുഖമായി ഇരിക്കാവുന്ന രൂപത്തിലാണ്​ എസ്​.യു.വിയുടെ രൂപകൽപ്പന. 

തനത്​ ലക്​സസ്​ മോഡലുകളുടെ ഗ്രില്ലാണ്​ പുതിയ വാഹനത്തിനും​ നൽകിയിരിക്കുന്നത്​. ട്രിപ്പിൾ പോഡ്​ എൽ.ഇ.ഡി ഹെഡ്​ലൈറ്റ്​, വി രൂപത്തിലുള്ള എൽ.ഇ.ഡി ഡേ ടൈം റണ്ണിങ്​ ലൈറ്റ്​ എന്നിവയാണ്​ മുൻവശത്തെ പ്രധാന പ്രത്യേകതകൾ. ഒറ്റനോട്ടത്തിൽ തന്നെ വാഹനത്തി​ന്​ കരുത്തൻ പരിവേഷം നൽകാൻ മുൻ വശത്തെ ഡിസൈനിലുടെ ലക്​സസിന്​ കഴിഞ്ഞിട്ടുണ്ട്​. ആഡംബരം സൗകര്യങ്ങൾ മുഴുവൻ ഉൾക്കൊള്ളിച്ചാണ്എൽ.എക്സ്​ 570​​െൻറ ഇൻറീരിയർ ഡിസൈൻ ചെയ്​തിരിക്കുന്നത്​. ഹോം തിയേറ്ററി​​െൻറ എക്​സ്​പീരിയൻസ്​ കാറിൽ നൽകാനായി മാർക്ക്​ ലെവൻസ​​െൻറ 19 സ്​പീക്കറുകൾ ഉൾപ്പെടുന്ന ഒാഡിയോ സിസ്​റ്റം നൽകിയിരിക്കുന്നു. 12.3 ഇഞ്ചി​​െൻറ ഡിസ്​പ്ലേയും നൽകിയിട്ടുണ്ട്​. മൾട്ടി ഫങ്​ഷണൽ സ്​റ്റിയറിങ്​ വീൽ, വയർലെസ്​ ചാർജിങ്​, ഹെഡ്​ അപ്​ ഡിസ്​പ്ലേ, 14 സെൻസറുകൾ ഉപയോഗിച്ച്​ ക്ലൈമറ്റ്​ കംട്രോൾ ചെയ്യുന്ന സംവിധാനം എന്നിവയും കാറി​​െൻറ ആഡംബര സംവിധാനങ്ങൾ ഉൾപ്പെടുന്നു​.

 5.7 ലിറ്റർ വി8 എൻജിനാണ് എൽ.എക്സ്​ 570യുടെ ഹൃദയം. 0-100 കിലോ മീറ്റർ വേഗത കൈവരിക്കാൻ ലക്​സസി​​െൻറ പുതിയ എസ്​.യു.വിക്ക്​ 7.7 സെക്കൻഡ്​ മതിയാകും 5600 ആർ.പി.എമ്മിൽ 362 ബി.എച്ച്​.പി പവറും 3200 ആർ.പി.എമ്മിൽ 530 എൻ.എം ടോർക്കും എൻജിൻ നൽകും. എട്ട്​ സ്​പീഡ്​ ഒാ​േട്ടാമാറ്റിക്​ ഗിയർബോക്​സാണ്​. 10 എയർബാഗുകൾ, ടയർ പ്രഷർ അലർട്ട്​, ഹിൽസ്​റ്റാർട്ട്​ അസിസ്​റ്റ്​, പാർക്കിങ്​ അസിസ്​റ്റ്​ എന്നിവയെല്ലാം സുരക്ഷക്കായി ഉൾക്കൊള്ളിച്ചിരിക്കുന്നു.