ഒറ്റ ചാർജിൽ 120 കി.മീ; ഇലക്​ട്രിക്​ സ്​കൂട്ടറുമായി ഷവോമി

13:43 PM
25/04/2019
XIOAMI-T1

ഇലക്​ട്രിക്​ സ്​കൂട്ടർ വിപണിയിൽ വിപ്ലവം സൃഷ്​ടിക്കാൻ ലക്ഷ്യമിട്ട്​ ടി 1 എന്ന മോപ്പഡിനെ പുറത്തിറക്കി ഷവോമി. ഹിമോ സി20, ഹിമോ വി1 തുടങ്ങിയ മോഡലുകൾക്ക്​ ശേഷമാണ്​ പുതിയ ഷവോമി സ്​കൂട്ടറും വിപണിയിൽ എത്തുന്നത്​. ക്രൗഡ്​ഫണ്ടിങ്​ വഴി പണം സ്വരൂപിച്ച്​ സ്​കൂട്ടർ പുറത്തിറക്കാനാണ്​ ഷവോമിയുടെ പദ്ധതി. തുടക്കത്തിൽ ചൈനീസ്​ വിപണിയിൽ മാത്രമാവും സ്​കൂട്ടർ ലഭ്യമാവുക. ഏകദേശം 30,700 രൂപയായിരിക്കും ഷവോമി സ്​കൂട്ടറിൻെറ പ്രാരംഭവില. 

14Ah, 28Ah ബാറ്ററികളിൽ ഷവോമിയുടെ പുതിയ സ്​കൂട്ടറെത്തും. യഥാക്രമം 60, 120 കിലോ മീറ്ററാണ്​ ഒറ്റചാർജിൽ ഇരു മോഡലുകൾക്കും സഞ്ചരിക്കാൻ കഴിയുന്ന ദൂരം. മുന്നിൽ ഫോർക്കും പിന്നിൽ കോയിൽ ഒാവർ സസ്​പെൻഷനുമാണ്​ ഉപയോഗിക്കുന്നത്​. മുന്നിൽ ഡിസ്​ക്​ ബ്രേക്കും പിന്നിൽ ഡ്രം ബ്രേക്കുമാണ്​ സുരക്ഷക്കായി നൽകിയിരിക്കുന്നത്​. 

ചെറിയ ഇൻസ്​ട്രുമ​െൻറ്​ ക്ലസ്​റ്ററും ഹെഡ്​ലാമ്പും ഉൾപ്പെടുത്തിയിട്ടുണ്ട്​. 53 കിലോഗ്രാം ഭാരമുള്ള സ്​കൂട്ടറിന്​ 1515 mm നീളവും 665mm വീതിയും 1025mm ഉയരവും ഉണ്ടാകും. 

Loading...
COMMENTS