സ്​പ്ലെൻഡറിനെ വെട്ടാൻ ടി.വി.എസി​െൻറ റേഡിയോൺ

കമ്യൂട്ടർ മോ​േട്ടാർസൈക്കിൾ സെഗ്​മ​​െൻറിൽ പുതിയ മോഡലുമായി ടി.വി.എസ്​. റേഡിയോൺ എന്ന മോഡലാണ്​ സ്​പ്ലെൻഡർ ഉൾപ്പടെയുള്ള ബൈക്കുകളെ വെല്ലുവിളിക്കാൻ ടി.വി.എസ്​ രംഗത്തിറക്കുന്നത്​​. 48,400 രൂപയാണ്​ പുതിയ ബൈക്കി​​​െൻറ ഷോറും വില.

 25 മുതൽ 35 ​ വരെ പ്രായമുള്ള യുവാക്കളെ​ ലക്ഷ്യമിട്ടാണ്​ ബൈക്ക്​ പുറത്തിറക്കുന്നത്​​​. ടി.വി.എസ്​ സ്​റ്റാർസിറ്റിയിലുള്ള അതേ 109.7 സി.സി സിംഗിൾ സിലിണ്ടർ ത്രീ  വാൽവ്​ എയർ കൂൾഡ്​ എൻജിനാണ്​ റേഡിയോണിലും നൽകിയിരിക്കുന്നത്​. 8.3 ബി.എച്ച്​.പി കരുത്ത്​ 7,000 ആർ.പി.എമ്മിലും 8.7 എൻ.എം ടോർക്ക്​ 5,000 ആർ.പി.എമ്മിലും എൻജിൻ നൽകും. ലിറ്ററിന്​ 69.73 കിലോ മീറ്ററാണ്​ ബൈക്കി​​​െൻറ മൈലേജ്​.

യുവാക്കളെ ലക്ഷ്യമിട്ട്​ പുർണമായും ന്യൂജെൻ രീതിയിലാണ്​ ബൈക്കി​​​െൻറ ഡിസൈൻ ടി.വി.എസ്​ നിർവഹിച്ചിരിക്കുന്നത്​. വലിയ സീറ്റ്​, ഹെഡ്​ലാമ്പിലെ ക്രോം, ഒാപ്​ഷണൽ യു.എസ്​.ബി ചാർജർ തുടങ്ങി നിരവധി സവിശേഷതകൾ റേഡിയോണിലും  ടി.വി.എസ്​ ഉൾപ്പെടുത്തിയിട്ടുണ്ട്​. ബൈക്ക്​ സ്​കിഡ്​ ആവുന്നത്​ തടയാനായി സിക്രെണൈസ്​ഡ്​ ബ്രേക്കിങ്​ ടെക്​നോളജി ​ ഉപയോഗിച്ചിട്ടുണ്ട്​. ഇരുവശത്തും ഡ്രം ബ്രേക്ക്​ മാത്രമാണുള്ളത്​.10 ലിറ്ററാണ്​ ഫ്യൂവൽ ടാങ്ക്​ കപ്പാസിറ്റി​. മെറ്റൽ ബ്ലാക്ക്​, പേൾ വൈറ്റ്​, ഗോൾഡൻ ബെയ്​സ്​​, റോയൽ പർപ്പിൾ എന്നീ നിറങ്ങളിൽ ബൈക്ക്​ വിപണിയിലെത്തും.