സുസുക്കിയുടെ നുഴഞ്ഞുകയറ്റക്കാരൻ
text_fieldsസാധാരണ നുഴഞ്ഞുകയറ്റങ്ങൾ നടക്കുന്നത് അതിർത്തിയിലാണ്. എന്നാൽ, ഇന്ത്യൻ വാഹന വിപണിയിലേക്ക് വ്യത്യസ്തമായൊരു അധിനിവേശം നടത്തിയിരിക്കുകയാണ് സുസുക്കി. അത്രയൊന്നും വിപുലമല്ലാത്ത വിലകുറഞ്ഞ ക്രൂസർ ബൈക്ക് വിഭാഗത്തിലാണ് ഇൗ നുഴഞ്ഞുകയറ്റം. ബജാജ് അവഞ്ചർ അടക്കിവാഴുന്ന ലോകത്തേക്കാണ് ഇൻട്രൂഡർ എന്ന കേമനെ സുസുക്കി ഇറക്കിവിടുന്നത്. എതിരാളിയുടെ വരവോടെ സ്വയം നവീകരിക്കാൻ അവഞ്ചർ നിർബന്ധിതനാകുമെന്നതും വാഹന പ്രേമികളെ സംബന്ധിച്ച് നല്ല കാര്യമാണ്.
സുസുക്കിയുെട 1800 സി.സി വിഭാഗത്തിൽ വരുന്ന പടുകൂറ്റൻ ബൈക്കുകളിലൊന്നാണ് ഇൻട്രൂഡർ. 15 ലക്ഷത്തിന് മുകളിലാണിതിെൻറ വില. ഇത്രയും വിലപിടിപ്പുള്ള ബൈക്ക് ഇന്ത്യയിലെത്തിച്ചിട്ട് കാര്യമൊന്നുമില്ലെന്ന് സുസുക്കിക്ക് അറിയാം. ഇതിന് പരിഹാരമായി ഇൻട്രൂഡറിെൻറ ചെറുപതിപ്പിനെ നിർമിക്കുകയായിരുന്നു. ചെറുതായപ്പോൾ ബൈക്കിെൻറ എല്ലാ ഘടകങ്ങളിലും മാറ്റം വന്നു. 1800 സി.സി 150 ആയി കുറഞ്ഞു. വില 15 ലക്ഷത്തിൽ നിന്ന് ഒരു ലക്ഷമായും ഭാരം 344ൽ നിന്ന് 144 കിലോഗ്രാം ആയും ഇടിഞ്ഞു. പക്ഷേ, രൂപം അതുപോലെ നിലനിർത്താൻ സുസുക്കി ശ്രദ്ധിച്ചിട്ടുണ്ട്.
മൊത്തത്തിൽ അൽപം തടിച്ച ശരീരപ്രകൃതക്കാരനാണ് ഇൻട്രൂഡർ. സുസുക്കിയുടെ ഗിക്സർ ബൈക്കിെൻറ പ്ലാറ്റ്ഫോമിലാണ് നിർമിച്ചിരിക്കുന്നത്. പ്ലാറ്റ്ഫോം കൂടാതെ മറ്റ് പല ഘടകങ്ങളും ഗിഗ്സറിൽ നിന്ന് കടം കൊണ്ടിട്ടുണ്ട്. 14 പി.എസ് പവർ ഉൽപാദിപ്പിക്കുന്ന 155 സി.സി എയർകൂൾഡ് ഒറ്റ സിലിണ്ടർ എൻജിൻ ഗിഗ്സറിലേത് തന്നെ. ഇൻസ്ട്രുമെൻറ് ക്ലസ്ചറും അതേപടി പകർത്തി. മുന്നിൽ നിന്ന് നോക്കിയാൽ വാഹന ശരീരത്തിൽ നിന്ന് അൽപം വേറിട്ട് നിൽക്കുന്ന ഹെഡ്ലൈറ്റുകളാണ് ആദ്യം ശ്രദ്ധയിൽപ്പെടുക. വലിയ ഇന്ധന ടാങ്കിനെ പൊതിഞ്ഞ് പ്ലാസ്റ്റിക് ഷീൽഡുകൾ കാണാനാകും. വീതിയുള്ള സീറ്റിൽ രണ്ടുപേർക്ക് സുഖമായിരിക്കാം. രണ്ട് തട്ടുകളായി സീറ്റിനെ വിഭജിച്ചിട്ടുണ്ട്. വശങ്ങളിൽ നിന്ന് നോക്കുേമ്പാഴാണ് ഇൻട്രൂഡറിെൻറ ക്രൂസർ രൂപം തെളിഞ്ഞ് കാണുന്നത്. വലതുവശത്തെ ഇരട്ട പുകക്കുഴലുകൾ ആകർഷകമാണ്. മൊത്തം േബാഡിയിൽ നിന്ന് അൽപം തള്ളിനിൽക്കുന്നതിനാൽ പാർക്കിങ്ങിലും തിരക്കേറിയ ട്രാഫിക്കിലും ഇവയെ കൂടുതൽ ശ്രദ്ധിക്കേണ്ടി വരും. പിന്നിൽനിന്ന് നോക്കുേമ്പാഴാണ് ഇൻട്രൂഡർ കൂടുതൽ ഭംഗിയാർജിക്കുന്നത്. അൽപം പരന്ന പിൻഭാഗവും ഉള്ളിലേക്ക് കയറിയിരിക്കുന്ന ടെയിൽ ലൈറ്റുകളും മനോഹരം. ടയറുകൾ ഗിഗ്സറിലേത് തന്നെ. ബൈക്കിെൻറ മൊത്തം രൂപവുമായി േചരാത്ത ടയറുകളാണ് നൽകിയിരിക്കുന്നത്.
മുകളിൽ തടിച്ചിരിക്കുകയും താഴേക്കെത്തുേമ്പാൾ മെലിഞ്ഞുപോവുകയും ചെയ്യുന്ന വാഹന ശരീരം ചിലർക്കെങ്കിലും േപാരായ്മയായി തോന്നിയേക്കാം. എ.ബി.എസ് സ്റ്റാൻഡേർഡാണ്. അവഞ്ചറിനേക്കാൾ അൽപം നീളവും ഉയരവും കുറവാണ് ഇൻട്രൂഡറിന്. കൃത്യമായി പറഞ്ഞാൽ നീളത്തിലും ഉയരത്തിലും 47എം.എം കുറവ് ഇൻട്രൂഡറിനുണ്ട്. ഗിഗ്സർ എന്ന വിജയം കൈവരിച്ച ഉൽപന്നതിെൻറ ചുവടുപിടിച്ചും മത്സരാധിക്യമില്ലാത്ത വാഹന വിഭാഗം തിരഞ്ഞെടുത്തും സുസുക്കി എത്തുേമ്പാൾ വാഹന പ്രേമികളെ സംബന്ധിച്ച് ശുഭപ്രതീക്ഷക്ക് തന്നെയാണ് വകയുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.