Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഡോമിനർ കരുതിയിരിക്കുക ...

ഡോമിനർ കരുതിയിരിക്കുക തണ്ടർബേർഡ്​ എക്​സുമായി റോയൽ എൻഫീൽഡ്​

text_fields
bookmark_border
ഡോമിനർ കരുതിയിരിക്കുക തണ്ടർബേർഡ്​ എക്​സുമായി റോയൽ എൻഫീൽഡ്​
cancel

റോയൽ എൻഫീൽഡ്​ ഇന്ത്യക്കാരനെ സംബന്ധിച്ചടുത്തോളം വാഹനം മാത്രമല്ല, അതൊരു വികാരം കൂടിയാണ്​. ഇന്ത്യൻ യുവത്വം ഇത്രമേൽ പ്രണയിച്ച ​മറ്റൊരു ബൈക്കുണ്ടാവില്ല. എൻഫീൽഡിനെ വിമർശിക്കാൻ ആരും അത്ര പെ​െട്ടന്ന്​ മുതിരാറില്ല. അതിനുള്ള ധൈര്യം കാണിച്ചതാക​െട്ട ബജാജ്​ ഡോമിനറും. ബജാജി​​െൻറ പരിഹാസത്തിന്​ മറുപടി റോയൽ എൻഫീൽഡ്​ നൽകിയിരുന്നില്ല. ഇപ്പോഴിതാ തണ്ടർബേർഡ്​ എക്​സിലുടെ വിമർശകർക്കെല്ലാം മറുപടി നൽകുകയാണ്​ റോയൽ എൻഫീൽഡ്​. ​ഫെബ്രുവരി അവസാനത്തോടെ തണ്ടർബേർഡ്​ എക്​സ്​ വിപണിയിലെത്തും.

ഇരട്ട നിറങ്ങളുമായിട്ടുമായിട്ടാണ്​ എക്​സിനെ റോയൽ എൻഫീൽഡ്​ വിപണിയിലെത്തിക്കുക. ആരെയും ആകർഷിക്കുന്ന നിറങ്ങളാണ്​ ഇന്ധനടാങ്കിന്​ നൽകിയിരിക്കുന്നത്​. പുതിയ ഹാൻഡിൽബാർ, പ്രൊജക്​ടർ ഹെഡ്​ലാമ്പ്​, എൽ.ഇ.ഡി ടെയിൽലാമ്പ്​, സ്​പ്ലിറ്റ്​ സീറ്റിന്​ പകരം ഒറ്റ സീറ്റ്​ എന്നിവയെല്ലാമാണ്​ ബൈക്കിലെ പ്രധാന പ്രത്യേകതകൾ. 

അതേ സമയം, ബൈക്കി​​െൻറ എൻജിനിൽ മാറ്റങ്ങൾക്കൊന്നും ​എൻഫീൽഡ്​ മുതിർന്നിട്ടില്ല. യഥാക്രമം 350 സി.സി, 500 സി.സി എൻജിനുകൾ ബൈക്കിന്​ കരുത്ത്​ പകരം. 350 സി.സി എൻജിനിൽ നിന്ന്​ 19.8 ബി.എച്ച്​.പി പവർ 5250 ആർ.പി.എമ്മിലും 28 എൻ.എം ടോർക്ക്​ 4,000 ആർ.പി.എമ്മിലും കിട്ടും. സസ്​പെൻഷനിലും റോയൽ എൻഫീൽഡ്​ മാറ്റങ്ങളൊന്നും വരുത്തിയിട്ടില്ല.

റോയൽ എൻഫീൽഡി​​െൻറ ഏറ്റവും കൂടുതൽ വിൽപനയുള്ള ബൈക്കാണ്​ തണ്ടർബേർഡ്​. എന്നാൽ പുറത്തിറക്കിയതിന്​ ശേഷം തണ്ടർബേർഡിൽ കാര്യമായ മാറ്റങ്ങൾക്ക്​ എൻഫീൽഡ്​ മുതിർന്നിട്ടില്ല. ഇപ്പോൾ ഡിസൈനിൽ മാറ്റങ്ങൾ വരുത്തി യുവത്വത്തെ ആകർഷിക്കും വിധമാണ്​ തണ്ടർബേർഡിനെ കമ്പനി അണിയിച്ചൊരിക്കിയിരിക്കുന്നത്​.

Show Full Article
TAGS:royal enfield Thunderbird tHUNDERBIRD X hotwheels malayalam news 
Web Title - Royal Enfield Thunderbird X Launch Date Announced-Hotwheels
Next Story