ഒാഫ്​ റോഡ്​ പ്രേമികളുടെ മനംകവരാൻ ഹീറോ എക്​സ്​പൾസ്​​ 200

​േലാകത്തെ ഏറ്റവും വലിയ രണ്ടാമത്തെ ഇരുചക്രവാഹന നിർമാതാക്കളായ ഹീറോ മോ​േട്ടാ കോർപ് ഒാഫ്​റോഡ്​ പ്രേമികൾക്കായി പുതിയ ബൈക്ക്​ പുറത്തിറക്കുന്നു. എക്​സ്​പൾസി​​െൻറ 200 സി.സി വകഭേദമാണ്​ ഹീറോ പുറത്തിറക്കുന്നത്​. 2018 ഡൽഹി ഒാ​േട്ടാ എക്​സ്​പോയിലാണ്​ മോഡൽ ഹീറോ ആദ്യമായി അവതരിപ്പിച്ചത്​. ഹീറോയുടെ പ്രശസ്​തമായ ഒാഫ്​ റോഡ്​ മോഡലായ ഇംപൾസി​​െൻറ പരിഷ്​കരിച്ച വകഭേദമാണ്​ എക്​സ്​പൾസ്​.

ദൂരയാത്രകൾക്ക്​ അനുയോജ്യമായ രീതിയിലാണ്​ എക്​സ്​പൾസിനെ ഹീറോ അണിയിച്ചൊരുക്കിയിരിക്കുന്നത്. സസ്​പെൻഷനും എൻജിനുമെല്ലാം ദൂരയാത്ര നടത്തുന്നവ​െര ലക്ഷ്യമിട്ടാണ്​ ഡിസൈൻ ചെയ്​തിരിക്കുന്നത്​. മുൻ വശത്തുള്ള വിൻഡ്​ സ്​ക്രീൻ, ഡിജിറ്റൽ ഇൻസ്​​ട്രുമെ​േൻറഷൻ ക്ലസ്​റ്റർ, ലഗേജ്​ വെക്കാനുള്ള സൗകര്യം എന്നിവയെല്ലാമാണ്​ ബൈക്കി​​െൻറ മറ്റ്​ സവിശേഷതകൾ. അഗ്രസീവായ ഡിസൈനാണ്​ ഹീറോ ബൈക്കിനായി നൽകിയിരിക്കുന്നത്​.

200 സി.സി എയർ കൂൾഡ്​ സിംഗിൾ സിലിണ്ടർ ഫ്യുവൽ ഇൻജെക്​റ്റഡ്​ എൻജിനായിരിക്കും എക്​സ്​പൾസി​​െൻറ ഹൃദയം. 18 ബി.എച്ച്​.പി കരുത്തും 17 എൻ.എം ടോർക്കും എൻജിൻ നൽകും. അഞ്ച്​ സ്​പീഡ്​ ഗിയർബോക്​സാണ്​ എക്​സ്​പൾസിലുണ്ടാവുക. 220എം.എം ഗ്രൗണ്ട്​ ക്ലിയറൻസും നൽകിയിട്ടുണ്ട്​. ഒാഫ്​ റോഡ്​ യാത്രകൾക്ക്​ ഇത്​ ഏറെ സഹായകമാണ്​. 21 ഇഞ്ച്​ വീൽ മുൻവശത്തും 19 ഇഞ്ച്​ വീൽ പിൻവശത്തും ഉൾപ്പെടുത്തിയിരിക്കുന്നു. മുൻ പിൻ ടയറുകൾക്ക്​ ഡിസ്​ക്​ ബ്രേക്കാണ്​ ഉള്ളത്​. സുരക്ഷക്കായി എ.ബി.എസും ഉൾപ്പെടുത്തിയിരിക്കുന്നു.