Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightഹോണ്ട എക്​സ്​ ബ്ലേഡ്​ ...

ഹോണ്ട എക്​സ്​ ബ്ലേഡ്​ വിപണിയിൽ; വില 1.06ലക്ഷം

text_fields
bookmark_border
ഹോണ്ട എക്​സ്​ ബ്ലേഡ്​ വിപണിയിൽ; വില 1.06ലക്ഷം
cancel

ഹോണ്ടയുടെ 160 സി.സി ബൈക്ക്​ എക്​സ്​ ബ്ലേഡി​​​െൻറ പുതിയ പതിപ്പ്​ വിപണിയിൽ. പരിഷ്​കരിച്ച ബി.എസ്​ സിക്​സ് എഞ്ചിനുമായാണ്​ ബൈക്ക്​ എത്തുന്നത്​. രണ്ട്​ വേരിയൻറുകൾ ലഭ്യമാക്കിയിട്ടുണ്ട്​. സിംഗിൾ ഡിസ്​ക്​ വേരിയൻറിന്​ 1.6ലക്ഷവും ഡബിൾ ഡിസ്​കിന്​ 1.10 ലക്ഷവും (രണ്ടും എക്​സ്​ ഷോറൂം വില) നൽകണം. ​പഴയ ബൈക്കി​നെ അപേക്ഷിച്ച്​ ചില കൂട്ടിച്ചേർക്കലുകൾ ഹോണ്ട വരുത്തിയിട്ടുണ്ട്​.

യൂനികോണിൽ അവതരിപ്പിച്ച 162.7സി.സി സിംഗിൾ സിലിണ്ടർ ഫ്യൂവൽ ഇഞ്ചക്ഷൻ എഞ്ചിനാണ്​ എക്​സ്​ ബ്ലേഡിന്​ നൽകിയിരിക്കുന്നത്​. 13.86 എച്ച്​.പി കരുത്തും 14.7എൻ.എം ടോർക്കും എഞ്ചിൻ ഉൽപ്പാദിപ്പിക്കും. പഴയതിനേക്കാൾ ടോർക്ക്​ കൂടിയിട്ടുണ്ടെന്നതാണ്​ പ്രധാന വ്യത്യാസം.

  
സ്​റ്റൈൽ മാറ്റങ്ങൾ

രൂപത്തിൽ കാര്യമായ മാറ്റങ്ങളില്ലെങ്കിലും സൗന്ദര്യപരമായ ചില കൂട്ടിച്ചേർക്കലുകൾ ​ൈബക്കിലുണ്ട്​. ടാങ്കുകൾക്ക്​ ബോഡികളർ നൽകിയതാണ്​ അതിൽ പ്രധാനം. പുതിയ ഗ്രാഫിക്​സുകളും ഉപയോഗിച്ചിട്ടുണ്ട്​. ഹെഡ്​​ൈലറ്റും ടെയിൽ ലൈറ്റും എൽ.ഇ.ഡി ആയതാണ്​ മറ്റൊരു മാറ്റം. ഇൻസ്​ട്രുമ​​െൻറ്​ ക്ലസ്​ചറിൽ ചില കൂട്ടിച്ചേർക്കലുകളുണ്ട്​. ഗിയർ പൊസിഷൻ ഇൻഡിക്കേറ്റർ, സർവീസ്​ ഡ്യൂ ഇൻഡിക്കേറ്റർ എന്നിവ പുതുതായി ഉൾപ്പെടുത്തി.

സ്വിച്ച്​ ഗിയറിൽ എഞ്ചിൻ സ്​റ്റാർട്ട്​ സ്​റ്റോപ്​ ഒാപ്​ഷനും പുതുതായി ഹസാർഡ്​ ലൈറ്റും വന്നതും എടുത്ത്​ പറയാവുന്ന മാറ്റമാണ്​. മുന്നിൽ 276 എം.എം ഡിസ്​കും പിന്നിൽ 220 എം.എം ഡിസ്​കുമാണുള്ളത്​. രണ്ട്​ വേരിയൻറുകളിലും സിംഗിൾ ചാനൽ എ.ബി.എസ്​ ഉൾപ്പെടുത്തിയിട്ടുണ്ട്​. ടി.വി.എസ്​ അപ്പാഷെ RTR, സുസുക്കി ജിഗ്​സർ, യമഹ FZ, ഹീറോ എക്​സ്​ട്രീം തുടങ്ങിയവയാണ്​ പ്രധാന എതിരാളികൾ. 

LATEST VIDEO

Show Full Article
TAGS:honda BS6 hotwheels 
Next Story