വെസ്​പ ഇലക്​ട്രിക്കയുമായി പിയാജിയോ

രണ്ടാം വരവിൽ ഇന്ത്യയുടെ ഹൃദയം കവർന്ന കമ്പനിയാണ്​ വെസ്​പ. ഇന്ത്യയിലെ പ്രീമിയം സ്​കൂട്ടർ വിപണിയിൽ ഒരു ഇടിതീ പോലെയായിരുന്നു വെസ്​പയുടെ വരവ്​. അകാല ചരമത്തിലേക്ക്​ പോയ സ്​കൂട്ടർ വിപണിയെ തിരിച്ച്​ കൊണ്ട്​ വന്നത്​ ഹോണ്ട ആക്​ടീവ ആയിരുന്നെങ്കിൽ അതിനെ പ്രീമിയം നിലവാരത്തിലേക്ക്​ ഉയർത്തിയത്​ വെസ്​പയായിരുന്നു. ഇലക്​ട്രിക്ക എന്ന സ്​കൂട്ടറുമായിട്ടാണ്​ ഒാ​േട്ടാ എക്​സ്​പോയിൽ വെസ്​പയെത്തുന്നത്​.

ഇലക്​ട്രിക്​ സ്​കൂട്ടറി​​െൻറ കൺസെപ്​റ്റ്​ മാത്രമാണ്​ വെസ്​പ ഒാ​േട്ടാ എക്​സ്​പോയിൽ അവതരിപ്പിച്ചിരിക്കുന്നത്​. സ്​കൂട്ടർ എപ്പോൾ ഇന്ത്യൻ വിപണിയിലെത്തും എന്നതിനെ സംബന്ധിച്ച്​ കമ്പനി സൂചനകളൊന്നും നൽകിയിട്ടില്ല. ഇലക്​ട്രിക കഴിഞ്ഞ വർഷം യൂറോപ്യൻ വിപണിയിൽ പുറത്തിറങ്ങിയിരുന്നു.

ഇലക്​ട്രിക്ക, ഇലക്​ട്രിക്ക എക്​സ്​ എന്നിങ്ങനെ രണ്ട്​ വേരിയൻറുകളാണ്​ സ്​കൂട്ടറിനുള്ളത്​. ഇലക്​ട്രിക്കക്ക്​ ഫുൾ ചാർജിൽ 100 കിലോ മീറ്ററും എക്​സിന്​ 200 കിലോ മീറ്ററും സഞ്ചരിക്കാൻ സാധിക്കും. 4.2 കിലോ വാട്ടി​​െൻറ ലിഥിയം അയേൺ ബാറ്ററി കരുത്ത്​ പകരുന്ന മോ​േട്ടാറാണ്​ സ്​കൂട്ടറിനുള്ളത്​. 5.4 ബി.എച്ച്​.പി കരുത്തും 200 എൻ.എം ടോർക്കും ഇതിൽ നിന്ന്​ പ്രതീക്ഷിക്കാം. 50,000 മുതൽ 70,000 കിലോമീറ്റർ വരെയാണ്​ ബാറ്ററിയുടെ ആയുസ്സ്​. ഇക്കോ, പവർ എന്നിങ്ങനെ രണ്ട്​ മോഡുകൾ സ്​കൂട്ടറിനുണ്ടാകും. ഇക്കോ മോഡിൽ പരമാവധി വേഗത മണിക്കുറിൽ 30 കിലോ മീറ്ററാണ്​. 

മൊബൈൽ ഫോണുമായി കണക്​ട്​ ചെയ്യാൻ സാധിക്കുന്ന 4.3 ടി.എഫ്​.ടി ഡിസ്​പ്ലേയാണ്​ സ്​കൂട്ടറിനുള്ളത്​. ഇതിൽ ഫോൺ കോളുകളെയും മെസേജുകളെയും കുറിച്ചുള്ള വിവരങ്ങൾ ലഭ്യമാകും​. വോയ്​സ്​ കമാൻഡുകളും നൽകാനുള്ള സംവിധാനവും സ്​കൂട്ടറിൽ ഉൾപ്പെടുത്തിയിട്ടുണ്ട്​.