Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightHot Wheelschevron_rightAuto Newschevron_rightഹീറോയുടെ സൂപ്പർ...

ഹീറോയുടെ സൂപ്പർ സ്​പ്ലെൻഡർ

text_fields
bookmark_border
ഹീറോയുടെ സൂപ്പർ സ്​പ്ലെൻഡർ
cancel

ഹീറോ ബൈക്കുകളിൽ പരസ്​പരം മത്സരിച്ച്​ നിൽക്കുന്ന രണ്ടുപേരാണ് എസ്.എസ്​ എന്നറിയ​െപ്പടുന്ന സൂപ്പർ സ്​പ്ലെൻഡറും സ്​പ്ലെൻഡർ ​െഎ സ്​മാർട്ടും. കാലാന്തരത്തിൽ ​െഎ സ്​മാർട്ട്​ സൂപ്പറിനെ കടത്തിവെട്ടി വിൽപനയിലും ജനപ്രിയതയിലും മുന്നേറി. കുടുംബത്തിലെ കുട്ടികളായതിനാൽ ഹീ​റോ ആദ്യമൊക്കെ ഇതത്ര കാര്യമാക്കിയില്ല. പിന്നീടാണ്​ സൂപ്പറിനെക്കൂടി ഉയർത്തിക്കൊണ്ടുവരേണ്ടതി​​​െൻറ ആവശ്യകതയെപ്പറ്റി ആലോചിച്ചത്​. ഇതി​​​െൻറ ഫലമാണ്​ പുതിയ സൂപ്പർ സ്​പ്ലെൻഡർ. 

എൻജിനിൽ ഉൾ​െപ്പ​െട മാറ്റം വരുത്തിയാണ്​ പുതിയ ബൈക്കി​​​െൻറ വരവ്​. കമ്പനി സ്വതന്ത്രമായി വികസിപ്പിച്ചെടുത്ത 124.7സി.സി എൻജിൻ 7500 ആർ.പി.എമ്മിൽ 11.5 എച്ച്​.പി കരുത്തും 6000 ആർ.പി.എമ്മിൽ 11എൻ.എം ടോർക്കും ഉൽപാദിപ്പിക്കും. പഴയതിനെക്കാൾ​ 1.9 എച്ച്​.പി കരുത്തും 0.65 എൻ.എം ടോർക്കും കൂടുതലാണ്​. ഹീറോയുടെ തന്നെ മറ്റൊരു ബൈക്കായ ഗ്ലാമറിനെപ്പോലെ നാല്​ സ്​പീഡ്​ ഗിയർബോക്​സാണ്​. ഇപ്പോഴത്തെ ബൈക്കിന്​ 124 കിലോഗ്രാമാണ്​ ഭാരം. പഴയതിനെക്കാൾ മൂന്ന്​ കിലോ കുറവാണിത്​​.  

രൂപത്തിൽ അൽപം പഴഞ്ചനാണ് സൂപ്പർ സ്​പ്ലെൻഡർ. തടിച്ച ശരീരവും പാരമ്പര്യ ഘടകങ്ങളുമാണ്​ ബൈക്കിന്​. സീറ്റ്​ വീതിയുള്ളതും സുഖപ്രദവുമാണ്​. മൂന്നായി തിരിച്ചിരിക്കുന്ന ഇൻസ്​ട്രുമ​​െൻറ്​ ക്ലസ്​റ്ററിൽ ഡിജിറ്റൽ സ്​പർശങ്ങളൊന്നുമില്ല. അനലോഗ്​ മീറ്ററുകൾ ആകർഷകവും വ്യക്​തവുമാണ്​. അഞ്ച്​ സ്​പോക്കുള്ള 18 ഇഞ്ച്​ കറുത്ത അലോയ്​ വീലുകളാണ്​. ടെയിൽ ലൈറ്റുകൾ എൽ.ഇ.ഡിയാണ്​. ചതുരാകൃതിയിലായിരുന്ന സൈഡ്​ പാനലുകൾക്കും മാറ്റം വരുത്തി​. 

കാതുകൾക്ക്​ അലോസരമുണ്ടാക്കാത്ത പതിഞ്ഞ ​ശബ്​ദമാണ്​ ബൈക്ക്​ സ്​റ്റാർട്ടാക്കിയാൽ. ഗിയർ മാറ്റങ്ങൾ മുഴുവനും താഴേക്കാണ്​. ഹോണ്ടയുടെ സി.ബി ഷൈൻ പോലെ അത്ര സ്​ഫുടമായ എൻജിനൊന്നുമല്ല സൂപ്പർ സ്​പ്ലെൻഡറി​േൻറത്​. ഒരു ലിറ്റർ പെട്രോളിന്​ 60 കിലോമീറ്റർ ഇന്ധനക്ഷമതയാണ്​ പ്രതീക്ഷ​. 13 ലിറ്ററാണ്​ ഇന്ധന ടാങ്കി​​​െൻറ ശേഷി. ഒറ്റത്തവണ ടാങ്ക്​ നിറച്ചാൽ 800 കിലോമീറ്റർ വ​െര ഒാടിക്കാം. ഒാപ്​ഷനലായിപ്പോലും ഡിസ്​ക്​ ബ്രേക്കുകൾ ഉൾപ്പെടുത്തിയിട്ടില്ല. 130 എം.എം ഡ്രം ​ബ്രേക്കുകളാണ്​ നൽകിയിരിക്കുന്നത്​.

കോമ്പി ബ്രേക്ക്​ സിസ്​റ്റം പോലെ ആധുനിക സംവിധാനങ്ങളെ പറ്റിയും തൽക്കാലം ആലോചിച്ചിട്ടില്ല. ട്യൂബ്​ലെസ്​ ടയറുകളും സൂപ്പർ സ്​പ്ലെൻഡറിലില്ല. ഇൗ മാസമായിരിക്കും വിപണിയിലെത്തുക. നിലവിലെ ബൈക്കിന്​ 52,468രൂപയാണ്​ വില. ന്യൂ ഗ്ലാമർ, സി.ബി ഷൈൻ, ഡിസ്​കവർ തുടങ്ങിയ ബൈക്കുകളുമായാണ്​ മത്സരിക്കുക. ഇവരെല്ലാം 50,000നും 60,000നും ഇടയിൽ വിലയുള്ളവരാണ്​. പുതിയ ബൈക്കും ഇൗ ശ്രേണിയിലായിരിക്കും വര​ുക. 

Show Full Article
TAGS:Hero Super Splendor bike Hot wheels News malayalam news 
Web Title - 2018 Hero Super Splendor -Hot wheels News
Next Story