ലോകത്തിലെ ഏറ്റവും മോശം ഡ്രൈവർ ?

18:27 PM
11/04/2018
CHINA-ACCIDENT.

ബീജിങ്: റോഡുകളിൽ വാഹനമോടിക്കു​േമ്പാൾ സ്വയം ശ്രദ്ധയുണ്ടായാൽ മാത്രം പോരെന്ന്​ തെളിയിക്കുന്ന ഒരു വീഡിയോയാണ്​ ഇപ്പോൾ സാമൂഹിക മാധ്യമങ്ങളിൽ വൈറലാവുന്നത്​. റോഡിൽ ചിലർ ട്രാഫിക്​ നിയമങ്ങളെല്ലാം പാലിച്ച്​ വാഹനമോടിക്കു​േമ്പാൾ ചിലർ തന്നിഷ്​ടപ്രകാരമായിരിക്കും വാഹനമോടിക്കുക. തോന്നിയതുപോലെ വേഗം കൂട്ടുക, കുറക്കുക, മുന്നും പിന്നും നോക്കാതെ തിരിക്കുക എന്നതെല്ലാം ഇത്തരക്കാരുടെ സ്ഥിരം പരിപാടികളാണ്​. ഇവരുടെ അശ്രദ്ധ മൂലം ചിലപ്പോൾ മറ്റുചില വാഹനങ്ങൾക്കാവും അപകടമുണ്ടാവുക. അത്തരമൊരു സംഭവം തന്നെയാണ്​ ചൈനയിലുണ്ടായത്​.

ചൈനയിലെ തിരക്കുള്ള ഹൈവേയിലാണ്​ സംഭവം. ഹൈവേയിലുടെ കാറുമായി വേഗത്തിൽ പോവു​േമ്പാഴാണ്​ തിരിയാനുള്ള സ്ഥലം കഴിഞ്ഞല്ലോ എന്ന്​ ഡ്രൈവർക്ക്​ ഒാർമ്മ വന്നത്​. പിന്നൊന്നും അലോചിച്ചില്ല നടുറോഡിൽ തന്നെ വണ്ടി നിർത്തി. ആ സമയം കാറിന്​ പിന്നിലുടെ അതിവേഗത്തിൽ ട്രക്കും ബസും വരുന്നുണ്ടായിരുന്നു. ബസ്​ അപകടമുണ്ടാക്കാതെ കടന്നുപോയെങ്കിലും ലോറി കാറിനെ ഇടിക്കാതിരിക്കാൻ വെട്ടിച്ചതിനെ തുടർന്ന്​ റോഡിൽ മറഞ്ഞു.

എന്നാൽ, സംഭവം അവിടെയും അവസാനിച്ചില്ല. ലോറി മറഞ്ഞതിന്​ ശേഷവും കൂസലില്ലാതെ വാഹനങ്ങളെ ശ്രദ്ധിക്കാതെ ഡ്രൈവർ കാർ തിരിക്കാൻ ശ്രമിച്ചത്​ മറ്റൊരു അപകടത്തിനും കാരണമായി. ഡ്രൈവർ കാർ തിരിക്കു​േമ്പാൾ അതിവേഗത്തിലെത്തിയ ട്രക്കാണ്​ അപകടത്തിൽപ്പെട്ടത്​. ഇതിന്​ ശേഷവും ഒരു കൂസലുമില്ലാതെ കാർ ഒാടിച്ച്​ പോവുന്ന ഡ്രൈവറെയും വീഡിയോയിൽ കാണാം. ഒരു ചൈനീസ്​ പ്ര​ാദശേിക പത്രത്തി​​െൻറ ഫേസ്​ബുക്ക്​ പേജിൽ പ്രത്യക്ഷപ്പെട്ട വീഡിയോ ഇതിനകം തന്നെ ലക്ഷങ്ങളാണ്​ കണ്ടത്​. എന്തായാലും ലോകത്തിലെ ഏറ്റവും മോശം ഡ്രൈവറെന്ന വിശേഷണമാണ്​ സാമൂഹിക മാധ്യമങ്ങൾ വീഡിയോയിലെ കാർ ഡ്രൈവർക്ക്​ നൽകിയിരിക്കുന്നത്​.

COMMENTS