പെട്രോൾ-ഡീസൽ കാറുകളുടെ വിൽപ്പന നിരോധനം​ നേരത്തെയാക്കാൻ ബ്രിട്ടൺ; അടുത്തയാഴ്​ച പ്രഖ്യാപനം വന്നേക്കും

ബ്രിട്ടണിൽ പുതിയ പെട്രോൾ, ഡീസൽ കാറുകളുടെ വിൽപ്പന 2030 മുതൽ നിരോധിക്കുന്നത്​ സംബന്ധിച്ച നിർണായക പ്രഖ്യാപനം അടുത്തയാഴ്​ച പ്രധാനമന്ത്രി ബോറിസ് ജോൺസൺ നടത്തുമെന്ന്​ ഫിനാൻഷ്യൽ ടൈംസും ബി.ബി.സിയും റിപ്പോർട്ട്​ ചെയ്യുന്നു. നേരത്തെ​ പദ്ധതിയിട്ടതിനേക്കാൾ അഞ്ച് വർഷം ​മുമ്പ്​തന്നെ നിരോധനം കൊണ്ടുവരാനാണ്​ തീരുമാനം. അന്തരീക്ഷ മലിനീകരണം കുറക്കലും ഇലക്​ട്രിക്​ വാഹനങ്ങളെ പ്രോത്സാഹിപ്പിക്കലുമാണ്​ തീരുമാനത്തിന്​ പിന്നിൽ.​

പ്രകൃതിക്ക്​ ദോഷം വരുത്തുന്ന ഹരിതഗൃഹ വാതകങ്ങളുടെ അളവ്​ കുറക്കാനുള്ള ശ്രമങ്ങളുടെ ഭാഗമായി, പുതിയ പെട്രോൾ^ഡീസൽ കാറുകൾ വിൽക്കുന്നത് നിരോധിക്കാൻ 2040 മുതലാണ്​ ബ്രിട്ടൺ ആദ്യം പദ്ധതിയിട്ടത്​. എന്നാൽ, കഴിഞ്ഞ ഫെബ്രുവരിയിൽ പ്രധാനമന്ത്രി അത്​ 2035 ആയി മാറ്റി.

അടുത്തയാഴ്ച പാരിസ്ഥിതിക നയത്തെക്കുറിച്ചുള്ള പ്രസംഗത്തിൽ 2030ൽ നിരോധനം വരുന്നത്​ സംബന്ധിച്ച പ്രഖ്യാപനം ജോൺസൺ നടത്തുമെന്ന്​ സർക്കാർ വൃത്തങ്ങളെ ഉദ്ധരിച്ച്​ ഫിനാൻഷ്യൽ ടൈംസ്​ റിപ്പോർട്ട്​ ചെയ്യുന്നു. അതേസമയം, ഹൈബ്രിഡ്​ കാറുകളുടെ വിൽപ്പന 2035ൽ മാത്രമേ നിരോധിക്കുകയുള്ളൂ. ഫോസിൽ ഇന്ധനത്തിനൊപ്പം ഇലക്​ട്രിക്​ പവർ കൂടി ഉൾപ്പെടുത്തിയാണ്​ ഇൗ വാഹനങ്ങളുടെ പ്രവർത്തനം.

പെട്രോൾ, ഡീസൽ കാറുകളുടെ വിൽപ്പന അവസാനിപ്പിക്കുന്നത് ബ്രിട്ട​െൻറ വാഹന വിപണിയിൽ വലിയ മാറ്റമാണുണ്ടാക്കുക. നിലവിൽ രാജ്യത്ത്​ കാർ വിൽപ്പനയുടെ 73.6 ശതമാനം പെട്രോൾ^ഡീസൽ വാഹനങ്ങളാണെന്ന്​ കണക്കുകൾ പറയുന്നു. 5.5 ശതമാനം മാത്രമാണ്​ ഇലക്ട്രിക് കാറുകളുള്ളത്​. ബാക്കി ഹൈബ്രിഡ് വാഹനങ്ങളാണ്​.

ബ്രിട്ടണ്​ പുറമെ ലോകത്തി​ലെ പലരാജ്യങ്ങളും ഇലക്​ട്രിക്​ വാഹനങ്ങളുടെ കാര്യത്തിൽ അതിവേഗം മുന്നേറുകയാണ്​. ഇതി​െൻറ പ്രതിധ്വനിയെന്നോണം ഇന്ത്യൻ റോഡുകളിലും ധാരാളം ഇലക്​ട്രിക്​ കാറുകളും സ്​കൂട്ടറുകളും ഇടംപിടിച്ചിട്ടുണ്ട്​.