ഇൗഥറിന്​ എതിരാളിയായി ​ടി.വി.എസ്​ ക്രിയോൺ; െഎ ക്യൂബിനും മുകളിൽ ഇടംപിടിക്കും

ടി.വിഎസ്, ​ക്രിയോൺ എന്ന പേരിൽ ഒരു വൈദ്യുത സ്​കൂട്ടറി​െൻറ കൺസപ്​ട്​ അവതരിപ്പിക്കുന്നത്​ 2018ലാണ്​. അന്നത്തെ ഡൽഹി ഒാ​േട്ടാ എക്​സ്​പോയിലായിരുന്നു വാഹനം വെളിച്ചംകണ്ടത്​. ​ വൈദ്യുത വാഹനങ്ങൾ ഇത്രയും ജനപ്രിയമാകാത്ത കാലമായിരുന്നു അത്​. 2021ൽ ടി.വി.എസ്​ തങ്ങളുടെ ആദ്യ ഇ.വി അവതരിപ്പിച്ചത്​ ​​െഎ ക്യൂബി​െൻറ രൂപത്തിലായിരുന്നു. അപ്പോഴും എല്ലാവരും ഉറ്റുനോക്കിയത്​ ക്രിയോൺ എന്നുവരുമെന്നായിരുന്നു. അതിന് കൃത്യമായ മറുപടി നൽകിയിരിക്കുകയാണ്​ ടി.വി.എസ്​ ഇപ്പോൾ. ​

ഇൗഥർ ഉൾപ്പടെയുള്ള വമ്പൻമാർക്ക്​ എതിരാളിയാവാൻ ക്രിയോൺ അണിയറയിൽ തയ്യാറായിക്കഴിഞ്ഞു എന്നാണ്​ ടി.വി.എസ്​ പറയുന്നത്​. പുതിയ ഇ.ടി സ്​കൂട്ടർ ഫാസ്​റ്റ്​ ചാർജിങ്​ ഉപയോഗിച്ച്​ ഒരു മണിക്കൂറിനുള്ളിൽ 80 ശതമാനം വരെ റീചാർജ് ചെയ്യുമെന്നും ഒരൊറ്റ ചാർജിൽ 80 കിലോമീറ്റർ വരെ റേഞ്ച്​ നൽകുമെന്നുമാണ്​ ടി.വി.എസ്​ അവകാശപ്പെടുന്നത്​.

ഇ.വികളിൽ 1000 കോടി നിക്ഷേപം

ഇലക്ട്രിക് വാഹനനിര മെച്ചപ്പെടുത്തുന്നതിന്​ 1,000 കോടിയുടെ നിക്ഷേപമിറക്കാനാണ്​ ടിവിഎസ് ലക്ഷ്യമിടുന്നത്​. 2022 മാർച്ചോടെ കമ്പനി ക്രിയോൺ വിപണിയിൽ അവതരിപ്പിക്കുമെന്നും റിപ്പോർട്ടുകളുണ്ട്​. ക്രിയോണിനെ പ്രീമിയം ഇലക്ട്രിക് സ്​കൂട്ടർ എന്നാണ്​ കമ്പനി വിശേഷിപ്പിക്കുന്നത്​. ​െഎ ക്യൂബിനും മുകളിലായിരിക്കും സ്​കൂട്ടറി​െൻറ സ്​ഥാനം. നൂതനമായ സാങ്കേതികവിദ്യയും കണക്റ്റിവിറ്റി സവിശേഷതകളും വാഹനത്തിൽ ഉണ്ടായിരിക്കും. ഹൊസൂരിലെ നിർമാണ കേന്ദ്രത്തിലാണ് ക്രിയോൺ നിർമിക്കുക. വിപണിയിലെത്തുന്നതിനുമുമ്പ് ഇലക്ട്രിക് സ്കൂട്ടറിന് അന്തിമ രൂപം നൽകുന്നതിന് അഞ്ഞൂറിലധികം എഞ്ചിനീയർമാരുള്ള ടീം തിരക്കിട്ട്​ പണിയെടുക്കുകയാണ്.

ക്രിയോണിലെ ലിഥിയം അയൺ ബാറ്ററി പായ്ക്കിന് 12 കിലോവാട്ട് ശേഷിയുണ്ട്. 5.1 സെക്കൻഡിൽ 0 മുതൽ 60 കിലോമീറ്റർ വരെ വേഗത കൈവരിക്കാനും​ കഴിയും. സ്​മാർട്ട്‌ഫോൺ ചാർജർ, ടിഎഫ്​ടി സ്‌ക്രീൻ, പാർക്​ അസിസ്റ്റ്, റീജനറേറ്റീവ് ബ്രേക്കിങ്​, ജിയോഫെൻസിങള, ആൻറി-തെഫ്റ്റ് സിസ്​റ്റം, റൈഡ്​ മോഡുകൾ എന്നിവ ഇലക്ട്രിക് സ്‌കൂട്ടറിന് ലഭിക്കും. ബംഗളൂരു, ഡൽഹി, പുണെ, ചെന്നൈ, കോയമ്പത്തൂർ എന്നിവിടങ്ങളിൽ മാത്രമാണ് ടിവിഎസ് നിലവിൽ ഐക്യൂബ് ഇലക്ട്രിക് ഇരുചക്ര വാഹനം വിൽക്കുന്നത്. എന്നിരുന്നാലും, ടിവിഎസ് തങ്ങളുടെ ഇലക്ട്രിക് വാഹനങ്ങളുടെ വ്യാപനം മറ്റ് ഭാഗങ്ങളിലേക്ക് വ്യാപിപ്പിക്കാനും പദ്ധതിയിടുന്നുണ്ട്​. രാജ്യത്തി​ലെ മറ്റ് നഗരങ്ങളിലും ഇത് ആരംഭിക്കും.