ഇന്നോവ ഉത്​പ്പാദനം പ്രതിസന്ധിയിൽ? മൂന്ന്​ ലക്ഷം വാഹനങ്ങളുടെ നിർമാണം വെട്ടിക്കുറച്ച്​ ടൊയോട്ട; കാരണം ഇതാണ്​

ഈ വർഷം 300,000 വാഹനങ്ങൾ കുറച്ചേ നിർമിക്കുകയുള്ളൂ എന്ന്​ ടൊയോട്ട. ആഗോള വാഹന ഉത്​പ്പാദനത്തിലാണ്​ കുറവുവരുത്തുന്നത്​. സെമികണ്ടക്​ടർ ക്ഷാമവും ചിപ്പ്​ നിർമാണ പ്രതിസന്ധിയുമാണ്​ കാരണം. കോവിഡ് കാരണം നിരവധി ഫാക്​ടറികളിൽ ജോലികൾ നിർത്തിവച്ചതും നടപ്പ് സാമ്പത്തിക വർഷത്തേക്കുള്ള ഉൽപാദന ലക്ഷ്യം പുതുക്കാൻ കമ്പനിയെ നിർബന്ധിതരാക്കി. അടുത്ത വർഷം മാർച്ച് 31 വരെ ഒമ്പത്​ ദശലക്ഷം വാഹനങ്ങൾ നിർമിക്കാനാണ്​ ടൊയോട്ട ഇപ്പോൾ ലക്ഷ്യമിടുന്നത്​.

പുതിയ തീരുമാനം ബിഡാഡിയിൽ (കർണാടക) സ്ഥിതി ചെയ്യുന്ന ഇന്ത്യയിലെ ഉത്പാദന കേന്ദ്രത്തെ ബാധിക്കുമോ എന്ന് ടൊയോട്ട ഇതുവരെ വ്യക്തമാക്കിയിട്ടില്ല. ഇന്നോവ ക്രിസ്റ്റ, ഫോർച്യൂണർ, അർബൻ ക്രൂസർ, ഗ്ലാൻസ, യാരിസ്, കാമ്രി, വെൽഫയർ എന്നിവയെല്ലാം ടൊയോട്ട ഇന്ത്യയിൽ വിൽക്കുന്നുണ്ട്​. ഇവയെല്ലാം കമ്പനി രാജ്യത്ത് നിർമ്മിക്കുന്നുമുണ്ട്​.

ചിപ്പ്​ ക്ഷാമം

ആധുനികമായ ഒരു വാഹനത്തിൽ ഏകദേശം 1000 അർധചാലകങ്ങൾ ഉപയോഗിക്കുന്നതായാണ്​ കണക്ക്​. ആഗോളതലത്തിൽ വാഹനവ്യവസായത്തെ അർധചാലക ക്ഷാമം പ്രതിസന്ധിയിലാക്കിയിട്ട്​ ഏറെക്കാലമായി. കോവിഡ് -19​െൻറ പശ്​ചാത്തലത്തിൽ വ്യക്തിഗത കമ്പ്യൂട്ടറുകൾക്കും ടാബ്‌ലെറ്റുകൾക്കും സ്മാർട്ട്‌ഫോണുകൾക്കുമുള്ള വർധിച്ച ആവശ്യകതയാണ്​ പ്രശ്​നത്തിന് കാരണമായത്. ചിപ്പ്​ നിർമാതാക്കൾ വാഹനവ്യവസായത്തിലേക്ക്​ കൂടുതൽ സപ്ലെ നൽകുന്നതിൽ താൽപ്പര്യം കാണിക്കാത്തതാണ്​​ പ്രശ്​നം രൂക്ഷമാക്കുന്നത്​​.

ഇന്ത്യൻ വാഹനവിപണിയെ കാത്തിരിക്കുന്നത്​ കനത്ത നഷ്​ടം

പകർച്ച വ്യാധി​ക്കൊപ്പം സാ​േങ്കതിക പ്രശ്​നങ്ങളും ഉടലെടുത്തതോടെ ഇന്ത്യൻ വാഹനവിപണിയെ കാത്തിരിക്കുന്നത്​ വൻ നഷ്​ട സാധ്യത. സെപ്റ്റംബറിൽ കാർ നിർമാതാക്കൾ ഒരു ബില്യൻ ഡോളർ അഥവാ 73,000 കോടി രൂപയുടെ വരുമാനനഷ്​ട സാധ്യതയാണ്​ കണക്കാക്കുന്നത്​. ഇന്ത്യൻ പാസഞ്ചർ കാർ നിർമ്മാതാക്കളുടെ മൊത്തം വരുമാനത്തി​െൻറ ഏകദേശം 4 ശതമാനം ആണിത്​. ഈ മാസത്തെ ഉത്​പാദനം 180,000-215,000 യൂനിറ്റിന്​ ഇടയിലായിരിക്കുമെന്നാണ്​ പ്രതീക്ഷിക്കുന്നത്​. ദേശീയ ലോക്​ഡൗൺ കാരണം ഉത്​പാദനം നിലച്ച മാസങ്ങൾ ഒഴികെയുള്ള കണക്കെടുത്താൽ ഒരു ദശകത്തിലെ ഏറ്റവും കുറഞ്ഞ നിരക്കാണ് ഇത്.

പാസഞ്ചർ വാഹന വ്യവസായത്തിൽ സെപ്റ്റംബർ മാസത്തെ ഉത്​പാദനത്തിൽ 100,000-110,000 യൂനിറ്റ് കുറവുണ്ടാകുമെന്നും​ വിദഗ്​ധർ വിലയിരുത്തുന്നു. വാഹന ബുക്കിങ്​ 400,000-500,000 ആയി ഉയർന്നിട്ടും, ഉത്സവ സീസണ്​ മുമ്പ്​ ഉത്​പാദനം വർധിപ്പിക്കാൻ നിർമാതാക്കൾക്ക്​ ആയിട്ടില്ല. ചിപ്പ് ക്ഷാമമാണ്​ നിലവിൽ ഇവർ നേരിടുന്ന ഗുരുതര പ്രതിസന്ധി. സൊസൈറ്റി ഓഫ് ഇന്ത്യൻ ഓട്ടോമൊബൈൽ മാനുഫാക്​ചറേഴ്​സി​െൻറ (സിയാം) ഡാറ്റ പ്രകാരം 2009 ഡിസംബറിന് ശേഷമുള്ള ഏറ്റവും താഴ്ന്ന ഉത്​പാദന നിരക്കാണ്​ സെപ്​റ്റംബറിൽ വരാനിരിക്കുന്നത്​. കഴിഞ്ഞ നാല് വർഷത്തിനിടെ, കാർ നിർമാതാക്കൾ സെപ്റ്റംബറിൽ 278,000-343,000 യൂനിറ്റുകൾ നിർമ്മിച്ചിട്ടുണ്ട്​.

രാജ്യത്തെ പ്രമുഖ കാർ നിർമാതാക്കളായ മാരുതി സുസുക്കി സെപ്റ്റംബറിലെ ഉൽപാദനത്തിൽ 60 ശതമാനം കുറവുണ്ടാകുമെന്ന് ഈ ആഴ്​ച ആദ്യം സൂചിപ്പിച്ചിരുന്നു. 'സ്ഥിതിഗതികൾ അത്ര മികച്ചതല്ല. മൊത്തം വാഹന ഉത്​പാദനത്തി​െൻറ അളവ് സാധാരണയിൽനിന്ന്​ 40 ശതമാനം കുറവായിരിക്കുമെന്നാണ്​ പ്രതീക്ഷിക്കുന്നത്​'-കമ്പനി പ്രസ്​താവനയിൽ പറഞ്ഞു.

മഹീന്ദ്ര ആൻഡ്​ മഹീന്ദ്ര മാസത്തിൽ ഏഴ് 'ഉത്​പാദന രഹിത ദിവസങ്ങൾ' പ്രഖ്യാപിച്ചിട്ടുണ്ട്​. 25 ശതമാനം കുറവാണ്​ കമ്പനി ഉപ്രതീക്ഷിക്കുന്നത്​. 'കമ്പനിയുടെ ഓട്ടോമോട്ടീവ് ഡിവിഷൻ അർധചാലകങ്ങളുടെ വിതരണ ക്ഷാമം നേരിടുന്നത് തുടരുകയാണ്'-കമ്പനി വക്​താവ്​ പറഞ്ഞു. റെനോ-നിസ്സാൻ, ഫോർഡ്, എംജി തുടങ്ങിയവ കുറഞ്ഞ ശേഷിയിൽ പ്രവർത്തിക്കുമെന്ന്​ ഇതിനകം പ്രഖ്യാപിച്ചിട്ടുണ്ട്​.