Top
Begin typing your search above and press return to search.
keyboard_arrow_down
Login
exit_to_app
exit_to_app
മെയ്​ഡ്​ ഇൻ ഇന്ത്യ ബി.എം.ഡബ്ല്യുവിൽ പറന്ന്​ ടോം ക്രൂസ്​; എം.​െഎ ആരാധകർക്ക്​ രോമാഞ്ചം
cancel
Homechevron_rightHot Wheelschevron_rightOverdrivechevron_rightമെയ്​ഡ്​ ഇൻ ഇന്ത്യ...

മെയ്​ഡ്​ ഇൻ ഇന്ത്യ ബി.എം.ഡബ്ല്യുവിൽ പറന്ന്​ ടോം ക്രൂസ്​; എം.​െഎ ആരാധകർക്ക്​ രോമാഞ്ചം

text_fields
bookmark_border

ടൻ ടോം ക്രൂസ്​ നായകനായ മിഷൻ ഇ​േമ്പാസിബിൾ സീരീസ്​ എന്നും സിനിമ പ്രേമികളുടെ ആവേശമാണ്​. നെഞ്ചിടിപ്പേറ്റുന്ന ആക്ഷൻ സീക്വൻസുകളാണ്​ എം.​​െഎ സീരീസിനെ ആകർഷകമാക്കുന്നത്​. അതിൽ തന്നെ ബൈക്ക്​ സ്​റ്റണ്ടുകൾ ഏറെ​ പ്രശസ്​തവുമാണ്​. മിഷൻ ഇ​േമ്പാസിബിളിൽ ടോം അവതരിപ്പിക്കുന്ന ഇൗഥൻ ഹണ്ട്​ എന്ന ചാര​െൻറ ഇഷ്​ട വാഹനം ബി.എം.ഡബ്ല്യു ബൈക്കുകളാണ്​. നിലവിൽ ചിത്രീകരണം നടക്കുന്ന എം.ഐ ഏഴി​​െൻറ ലൊക്കേഷൻ ചിത്രങ്ങളും വീഡിയോയും ഇപ്പോൾ ഇന്ത്യയിലും വൈറലാണ്​.

ഇതിന്​ കാരണം ഇറ്റലിയിൽ ചിത്രീകരിച്ചിരിക്കുന്ന ഒരു ചെയ്​സ്​ സീനിൽ ടോം ഉപയോഗിക്കുന്നത്​ മെയ്​ഡ്​ ഇൻ ഇന്ത്യ ബൈക്കുകളാണെന്നതാണ്​. ഇന്ത്യയിൽ ലഭ്യമാകുന്ന ഏറ്റവും വിലകുറഞ്ഞ ബി.എം.ഡബ്ല്യ്യു മോഡലായ ജി 310 ജിഎസ് ഓടിക്കുന്ന ടോമിനെയാണ്​ ചിത്രങ്ങളിൽ കാണുന്നത്​. ഇറ്റാലിയൻ പോലീസ് ഉപയോഗിക്കുന്ന ജി 310 ജി‌എസാണിത്​. ഇന്ത്യയിൽ നിർമിച്ച്​ നിരവധി അന്താരാഷ്​ട്ര മാർക്കറ്റുകളിലേക്ക്​ കയറ്റുമതി ചെയ്യുന്ന വാഹനമാണിത്​. ചിത്രങ്ങൾ ​മിഷൻ ഇ​േമ്പാസിബിളി​െൻറ ഇന്ത്യൻ ആരാധകർ ഏറ്റെടുത്തിട്ടുണ്ട്​.


ബി.എം.ഡബ്ല്യു ജി 310 ജിഎസ്

2018ലാണ്​ ബി.എം.ഡബ്ല്യു ജി 310 ജിഎസ് ഇന്ത്യയിൽ എത്തിച്ചത്​. അന്ന്​ ബൈക്കി​െൻറ വില മൂന്ന്​ ലക്ഷം രൂപയായിരുന്നു. ഇൗ വിലക്ക്​ ഇതിലും നല്ല ബൈക്കുകൾ ലഭ്യമായതിനാൽ ബി.എം.ഡബ്ല്യു എന്ന ബ്രാൻഡ്​ വാല്യു ഉണ്ടായിട്ടും ഇന്ത്യക്കാരാരും ആ വഴിക്ക്​ തിരിഞ്ഞുനോക്കിയില്ല. ഇതോടെ ഡീലർമാരും ബൈക്കിൽ വലിയ താൽപര്യം കാട്ടാതായി. ഇൗ പാഠങ്ങളിൽ നിന്ന്​ പ്രചോദനം ഉൾക്കൊണ്ടാണെന്ന്​ തോന്നുന്നു ബി.എസ്​ ആറിലേക്ക്​ പരിഷ്​കരിച്ച ജി 310 ജിഎസ്​ 55000 രൂപ കുറച്ച്​ 2.45 ലക്ഷം വിലയിട്ടാണ്​ ബി.എം.ഡബ്ല്യു വിപണിയിൽ എത്തിച്ചിരിക്കുന്നത്​. ബൈക്കിന്​ പുതിയ എൽ.ഇ.ഡി ലൈറ്റുകളും നിറങ്ങളും നൽകിയിട്ടുണ്ട്​.

എഞ്ചിൻ

എഞ്ചിനിൽ കമ്പനി തൽക്കാലം മാറ്റമൊന്നും വരുത്തിയിട്ടില്ല. എഞ്ചിൻ പവർ, ടോർക്​ എന്നിവ കണക്കിലെടുക്കുമ്പോൾ ബിഎംഡബ്ല്യു ജി 310 ആർ, കെടിഎം 250 ഡ്യൂകിനും (2.09 ലക്ഷം രൂപ) 390 ഡ്യൂകിനും (2.58 ലക്ഷം രൂപ) ഇടയിലാണ്​ വരുന്നത്​. എന്നാൽ വിലയിൽ അൽപ്പം മുന്നിലാണീ വാഹനം. 313 സിസി, സിംഗിൾ സിലിണ്ടർ ലിക്വിഡ്-കൂൾഡ് എഞ്ചിനാണ്​ ബൈക്കിന്​. 9,500 ആർപിഎമ്മിൽ 34 എച്ച്പിയും 7,500 ആർപിഎമ്മിൽ 28 എൻഎം ടോർക്കുമാണ് ഉൽപ്പാദിപ്പിക്കുന്നത്. പഴയ മോഡലിന് എൽഇഡി ടെയിൽ-ലൈറ്റ് മാത്രമേ ഉണ്ടായിരുന്നുള്ളൂ. പുതിയതിന് എൽഇഡി ഹെഡ്​ലൈറ്റും ടേൺ ഇൻഡിക്കേറ്ററുകളും ലഭിക്കും. മൂന്ന് കളർ സ്കീമുകളിൽ ബൈക്ക്​ ലഭ്യമാണ്.

നീല-വെള്ള, കറുപ്പ്​-വെള്ള, കറുപ്പ്-വെള്ള-ചുവപ്പ് എന്നിവ ചേർന്ന തിളക്കമുള്ള മൂന്ന്​-ടോൺ കളർ എന്നിവയാണ്​ നൽകിയിരിക്കുന്നത്​​. 'സ്റ്റൈൽ സ്‌പോർട്ട്' എന്ന് വിളിക്കുന്ന ത്രീ-ടോൺ ഓപ്ഷനിൽ ചുവന്ന നിറമുള്ള ഫ്രെയിമും ചക്രങ്ങളും ഉണ്ട്. 3 വർഷം വരെ പരിധിയില്ലാത്ത കിലോമീറ്റർ വാറണ്ടിയോടെയാണ്​ വാഹനം ലഭ്യമാവുക. 16,250 രൂപ നൽകി ഉപഭോക്താക്കൾക്ക് രണ്ട് വർഷം വരെ വാറൻറി നീട്ടാം. ആദ്യത്തെ 500 ഉപഭോക്താക്കൾക്ക് 5,499 രൂപക്ക്​ എക്​സ്​റ്റൻറഡ്​ വാറൻറി ലഭിക്കും

Show Full Article
TAGS:Mission Impossible Tom Cruise bmw hotwheels 
Next Story