Begin typing your search above and press return to search.
proflie-avatar
Login
exit_to_app
exit_to_app
Homechevron_rightHot Wheelschevron_rightOverdrivechevron_rightഒരു കിലോമീറ്റർ...

ഒരു കിലോമീറ്റർ സഞ്ചരിക്കാൻ ചിലവ്​ 10 പൈസ, 65 കിലോമീറ്റർ റേഞ്ച്​; ഇ ​ൈബക്കുമായി ഇന്ത്യൻ സ്റ്റാർട്ടപ്പ്​

text_fields
bookmark_border
This Super-Light Electric Bike Costs Just Rs To
cancel

വൈദ്യുത വാഹനരംഗം കൂടുതൽ മത്സരമാക്കാൻ പുതിയ ഇ ​ൈബക്കുമായി ഇന്ത്യൻ സ്റ്റാർട്ടപ്പ്​. ഹൈദരാബാദ്​ ആസ്​ഥാനമായി പ്രവർത്തിക്കുന്ന യൂടോൺ എനർജിയ ആണ്​ പുതിയ വൈദ്യുത വാഹനങ്ങൾ വിപണിയിലെത്തിച്ചത്​. ഫോർട്ടി ഫൈവ്​ എന്നാണ്​ വാഹനനിരക്ക്​ പേരിട്ടിരിക്കുന്നത്​. ഒരു ഇ ബൈക്കിന്‍റെ വില 35,000 രൂപയാണ്​. ഒരുപ്രാവശ്യം പൂർണമായി ചാർജ്​ ചെയ്​താൽ 65 കിലോമീറ്റർ സഞ്ചരിക്കാം. ആറ്​ രൂപയുടെ വൈദ്യുതിയാണ്​ ഒറ്റത്തവണ ചാർജ്​ ചെയ്യാൻ ആവശ്യമെന്നാണ്​ കണക്കാക്കിയിരിക്കുന്നത്​. ഫോർട്ടി ഫൈവിൽ ഒരു കിലോമീറ്റർ സഞ്ചരിക്കാൻ 10 പൈസ മാത്രമാണ്​ ചിലവുവരികയെന്നും യൂടോൺ എനർജിയ സി.ഇ.ഒ ഹർഷവർധൻ കാനുമല്ല പറയുന്നു.


മണിക്കൂറിൽ 25 കിലോമീറ്റർ വേഗതയാണ്​ വാഹനത്തിനുള്ളത്​. 'ഒരു ഇന്ത്യക്കാരന്‍റെ ഒരുദിവസത്തെ ശരാശരി യാത്രാ ദൂരം ആറ്​ മുതൽ എട്ട്​ കിലോമീറ്റർ വരെയാണെന്ന് സ്ഥിതിവിവരക്കണക്കുകൾ വെളിപ്പെടുത്തുന്നു. ഇന്ത്യൻ യാത്രക്കാരുടെ ശരാശരി വേഗത വെറും 17 കിലോമീറ്റർ ആണ്. നഗരവാസികളിൽ ഒരു യാത്രക്കാരൻ അവരുടെ ദിവസത്തിന്റെ 7 മുതൽ 10 ശതമാനം വരെ റോഡിൽ ചെലവഴിക്കുന്നു. വർധിച്ചുവരുന്ന ഇന്ധന വില കണക്കാക്കിയാൽ അക്ഷരാർഥത്തിൽ ട്രാഫിക്കിൽ കുടുങ്ങിക്കിടന്ന്​ പണം നഷ്​ടമാക്കുകയാണ്​ ആളകൾ ചെയ്യുന്നത്​'-ഹർഷ്​വർധൻ പറയുന്നു.

ഭാരം കുറഞ്ഞ അലുമിനിയം ഫ്രെയിമിലാണ്​ ഫോർട്ടി ഫൈവ്​ നിർമിച്ചിരിക്കുന്നത്​. മറ്റ്​ വാഹനഭാഗങ്ങൾ നിർമിക്കാൻ കാർബൺ സ്റ്റീൽ ആണ്​ ഉപയോഗിച്ചിരിക്കുന്നത്. ഇ-ബൈക്ക് ഓടിക്കാൻ ലൈസൻസോ രജിസ്ട്രേഷനോ ആവശ്യമില്ലെന്നതും പ്രത്യേകതയാണ്​. 6.8 കിലോഗ്രാം മാത്രമാണ്​ ബൈക്കിന്‍റെ ഭാരം. 120 കിലോഗ്രാം വരെ വഹിക്കാൻ ഫോർട്ടിഫൈവിനാകും.


മറ്റ്​ പ്രത്യേകതകൾ

നീക്കംചെയ്യാവുന്ന ബാറ്ററിയാണ് ഇ-ബൈക്കുകളിലുള്ളത്. ഓഫീസിലോ വീട്ടിലോവച്ച്​ 75 മിനിറ്റിനുള്ളിൽ പൂർണമായി ചാർജ് ചെയ്യാൻ കഴിയും. ഒറ്റത്തവണ ചാർജ്​ ചെയ്യാനുള്ള ചെലവ്​ ഏകദേശം ആറ്​ രൂപയാണ്. പല ഇ-ബൈക്കുകളിൽ നിന്ന് വ്യത്യസ്തമായി, മികച്ച കാര്യക്ഷമതയ്ക്ക്​ മാഗ്​നൈറ്റ് സിൻക്രണസ് മോട്ടോറും (പിഎംഎസ്എം) 675 ഡബ്ല്യുഎച്ച് ലിഥിയം അയൺ ബാറ്ററിയും യൂടോൺ എനർജിയ ഉപയോഗിക്കുന്നു. ഇന്ത്യയിൽ നിർമിക്കുന്ന മിഡ് ഡ്രൈവ് മോട്ടോർ 75 ന്യൂട്ടൺ മീറ്ററിൽ (എൻഎം) ടോർക്ക് നൽകുന്നു.

ഹൈഡ്രോളിക് ഡിസ്ക് ബ്രേക്കുകളാണ്​ മറ്റൊരു പ്രത്യേകത. മെക്കാനിക്കൽ ഡിസ്കുകളേക്കാൾ മികച്ചതും കാര്യക്ഷമവുമാണ് ഇവ.വാഹന വിവരങ്ങൾ ഒരു സ്​മാർട്ട്​ഫോൺ ആപ്ലിക്കേഷനുമായി ബന്ധപ്പെടുത്തിയിരിക്കുന്നതിനാൽ ഉപയോക്താക്കൾക്ക് വാഹനത്തിന്​ വരാൻ സാധ്യതയുള്ള പ്രശ്നങ്ങളെക്കുറിച്ച് പതിവായി അപ്‌ഡേറ്റുകളും ലഭിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:electric vehicleElectric bikeUton Energia
Next Story