റഷ്യൻ യാത്ര ചെറുത്​, വലിയ സഞ്ചാരത്തിനൊരുങ്ങി തല; ഇത്തവണ പോകുന്നത്​ യൂറോപ്പ്​, ഒാസ്​ട്രേലിയ, ആഫ്രിക്ക ഭൂഖണ്ഡങ്ങളിലേക്ക്​

ആരാധകരുടെ 'തല', അജിതി​െൻറ റഷ്യൻ സഞ്ചാരം നേരത്തേ സമൂഹമാധ്യമങ്ങളിൽ വൈറലായിരുന്നു. ബൈക്കിൽ റഷ്യയിലൂടെ 5000 കിലോമീറ്ററാണ്​ അജിത്​ യാത്രചെയ്​തത്​. എച്ച്​. വിനോദി​െൻറ 'വാലിമൈ'എന്ന സിനിമയുടെ ഷൂട്ടിനായാണ്​ താരം റഷ്യയിലെത്തിയത്​. ക്ലൈമാക്​സ്​ ചിത്രീകരണത്തിനുശേഷമാണ്​ റഷ്യയിലൂടെ സഞ്ചരിച്ചത്​. ലോക്​ഡൗൺ കാലത്ത്​ യാ​ത്ര ചെയ്യാനാകാതെ കുടുങ്ങിയതും പുതിയ സഞ്ചാരത്തിന്​ പ്രചോദനമായി. ആഗസ്റ്റ് അവസാന വാരമാണ്​ അജിത്​ റഷ്യയിലെത്തിയത്​.

റഷ്യൻ യാത്രക്കുശേഷം കുറച്ചുകൂടി വലിയൊരു സഞ്ചാരത്തിന്​ അജിതിന്​ പദ്ധതിയുണ്ടെന്ന്​ അദ്ദേഹവുമായി അടുത്ത വൃത്തങ്ങൾ അന്നേ പറഞ്ഞിരുന്നു.അടുത്തിടെ, മോട്ടോർ സൈക്കിളിൽ ലോകമെമ്പാടും ഒറ്റയ്ക്ക് സഞ്ചരിച്ച ബൈക്ക് യാത്രിക മാരൽ യാസർലൂവിനെ താരം ഡൽഹിയിൽ കണ്ടിരുന്നു. ഏഴ്​ ഭൂഖണ്ഡങ്ങളിലും 64 രാജ്യങ്ങളിലും ബൈക്കിൽ സഞ്ചരിച്ചിട്ടുള്ളയാളാണ്​ മാരൽ. അജിത്​ അവരെ കാണുകയും അനുഭവങ്ങൾ ചോദിക്കുകയും ത​െൻറ മോട്ടോർസൈക്കിൾ ടൂറിന് അവരുടെ നിർദ്ദേശങ്ങൾ തേടുകയും ചെയ്​തു. അജിത്തി​െൻറ മാനേജർ നട​േൻറയും മാരലി​േൻറയും ചിത്രം ട്വിറ്ററിൽ പങ്കുവച്ചിരുന്നു. ത​െൻറ മോട്ടോർസൈക്കിൾ ടൂർ ആസൂത്രണം ചെയ്യുന്നതിനാണ്​ അജിത്​ അവരെ കണ്ടതെന്നും മാനേജർ ട്വിറ്ററിൽ കുറിച്ചു.

ഇപ്പോൾ സമൂഹമാധ്യമങ്ങളിൽ തരംഗമായത്​ അജിതി​െൻറ പുതിയൊരു ചിത്രമാണ്​. തല ത​െൻറ പുതിയ യാത്ര ആരംഭിച്ചു എന്ന്​ സൂചന നൽകുന്ന ചിത്രമാണ്​ ആരാധകർ ഏറ്റെടുത്തിരിക്കുന്നത്​. യൂറോപ്പ്, ഓസ്‌ട്രേലിയ, ആഫ്രിക്ക എന്നിവിടങ്ങളിലാണ്​ ഇത്തവണത്തെ സഞ്ചാരം. തലക്ക്​ കൂട്ടായി നീല ബി.എം.ഡബ്ല്യു ആർ 1250 ജി.എസുമുണ്ട്​. 1249 സി.സി എഞ്ചിനുള്ള വാഹനത്തി​െൻറ പരമാവധി കരുത്ത്​ 136 ബി.എച്ച്​.പിയാണ്​. 249 കിലോയാണ്​ ഭാരം. മൈലേജ്​ വെറും 15 കിലോമീറ്റർ. ഇന്ത്യയിൽ ഇൗ വാഹനത്തിന്​ 20 ലക്ഷത്തിലധികം വിലവരും.

നേരത്തേതന്നെ ബൈക്കുകളിലും കാറുകളിലും കമ്പമുണ്ടായിരുന്ന അജിത്​ റേസുകളിൽ പ​െങ്കടുത്തിരുന്നു. ഫോർമുല 2 പോലെ ഗൗരവമുള്ള മത്സരങ്ങളിൽ പ​െങ്കടുത്ത താരംകൂടിയാണ്​ അജിത്​. എഫ്​ വണ്ണിൽ അപകടത്തിൽ മരിച്ച അയർട്ടിൻ സെന്നയോടുള്ള ആദരസൂചകമായി ത​െൻറ പിറന്നാളുകൾ ആഘോഷിക്കാത്ത വ്യക്​തിയാണ്​ അജിത്​. സെന്ന മരിച്ച ദിവസമാണ്​ ത​െൻറ പിറന്നാൾ എന്നതാണ്​ ആഘോഷങ്ങളിൽ നിന്ന്​ അദ്ദേഹം വിട്ടുനിൽക്കാൻ കാരണം.

അജിത്തി​െൻറ ദീർഘകാലമായി മുടങ്ങിക്കിടന്ന സിനിമയാണ്​ വാലിമൈ. ബോണി കപൂറാണ് ചിത്രം നിർമിക്കുന്നത്​. ഹൈദരാബാദിലെ പ്രധാന ഷെഡ്യൂൾ പൂർത്തിയാക്കിയശേഷമാണ്​ സിനിമ ടീം റഷ്യയിലേക്ക് പോയത്​. അവസാന ഷെഡ്യൂളിൽ വമ്പൻ സ്റ്റണ്ട് സീക്വൻസാണ്​ റഷ്യയിൽ ചിത്രീകരിച്ചത്​. ഹുമ ഖുറേഷി, കാർത്തികേയ ഗുമ്മകൊണ്ട, യോഗി ബാബു, സുമിത്ര എന്നിവരും ചിത്രത്തിൽ അഭിനയിക്കുന്നു. 2022 പൊങ്കലിന് സിനിമ തിയറ്ററുകളിലെത്തും.