നെക്​സോണിലും ആൾട്രോസിലും ഇനി ഫിസിക്കൽ ബട്ടനുകളില്ല; എല്ലാം നിയന്ത്രിക്കുന്നത്​ ടച്ച്​ സ്​ക്രീൻ

ടാറ്റമോ​േട്ടാഴ്​സ്​ അവരുടെ ജനപ്രിയ വാഹനങ്ങളായ നെക്‌സോൺ കോം‌പാക്റ്റ് എസ്‌യുവിയിലും ആൽ‌ട്രോസ് ഹാച്ച്ബാക്കിലും ക്യാബിൻ പരിഷ്​കരിച്ചു. രണ്ട് മോഡലുകളിലെയും ഇൻഫോടെയിൻമെൻറ്​ സിസ്​റ്റത്തെ നിയന്ത്രിക്കുന്ന ഫിസിക്കൽ ബട്ടണുകളും നോബുകളും ഒഴിവാക്കിയിട്ടുണ്ട്​. ആറ് ബട്ടനുകളും രണ്ട് റോട്ടറി നോബുകളുമാണ്​ നീക്കംചെയ്‌തിരിക്കുന്നത്​. ഇതിലൂടെ നിർവഹിച്ചിരുന്ന പ്രവർത്തനങ്ങളെല്ലാം ഇനിമുതൽ ടച്ച്‌സ്‌ക്രീനിൽ സംയോജിപ്പിക്കും. രണ്ട്​ വാഹനത്തിലും ഒരുപോലുള്ള 7.0 ഇഞ്ച് ടച്ച്‌സ്‌ക്രീനുകളാണ്​ ടാറ്റ നൽകിയിരുന്നത്​.

ഡാഷ്‌ബോർഡിൽ എസി വെൻറുകൾക്ക്​ താഴെയായാണ്​ ആറ്​ ബട്ടനുകൾ നേരത്തേ ഉണ്ടായിരുന്നത്​. റോട്ടറി നോബുകൾ വോളിയവും റേഡിയോ ട്യൂണറും നിയന്ത്രിച്ചിരുന്നു. ഈ ഫംഗ്ഷനുകൾ ഇനിമുതൽ ടച്ച്സ്ക്രീൻ വഴി നിയന്ത്രിക്കാം. സ്വിച്ചുകളുടെ സ്ഥാനത്ത് രണ്ട് മോഡലുകൾക്കും ഇപ്പോൾ ക്രോം അക്ഷരങ്ങളിൽ ആൾട്രോസ്​ അല്ലെങ്കിൽ നെക്​സോൺ എന്ന എഴുത്താവും ലഭിക്കുക. ബട്ടണുകൾ ഒഴിവാക്കിയത് ഡാഷ്‌ബോർഡിന് ഭംഗി നൽകുന്നുണ്ട്​. പക്ഷെ ഫിസിക്കൽ ബട്ടനുകളെ ഇഷ്​ടപ്പെടുന്ന വലിയൊരു വിഭാഗം ഉപഭോക്​താക്കൾ നമ്മുക്കിടയിലുണ്ട്​.

വാഹനം ഒാടിക്കൊണ്ടിരിക്കു​േമ്പാൾ ടച്ച്​ സ്​ക്രീനിനെക്കാളും സൗകര്യപ്രദം ബട്ടനുകളാണെന്നതും മറക്കാനാവില്ല. ഇൻഫോടെയ്ൻമെ​െൻറ്​ സിസ്റ്റത്തിൽ മാറ്റങ്ങൾ വരുത്താൻ ഡ്രൈവർമാർ റോഡിൽ നിന്ന് കണ്ണെടുക്കേണ്ടിവരുമെന്നത്​ സുരക്ഷയെ ബാധിക്കാനും ഇടയുണ്ട്​. ഈ രണ്ട് മോഡലുകളുടെയും ഉയർന്ന വേരിയൻറുകൾക്ക് സ്​റ്റിയറിങ്​-മൗണ്ടഡ്​ നിയന്ത്രണങ്ങൾ ലഭിക്കുമെന്നത്​ ആശ്വാസകരമാണ്​.

നെക്‌സോൺ വേരിയൻറുകൾ

110 എച്ച്പി, 1.5 ലിറ്റർ ടർബോ-ഡീസൽ, 120 എച്ച്പി, 1.2 ലിറ്റർ ടർബോ-പെട്രോൾ എഞ്ചിനുകളാണ്​ നെക്‌സോണി​െൻറ കരുത്ത്. ഇവ രണ്ടും മാനുവൽ, എഎംടി ഗിയർബോക്‌സ് ഓപ്ഷനുകളിൽ വരുന്നുണ്ട്​. എസ്‌യുവി അഞ്ച് ട്രിം ലെവലിൽ ലഭ്യമാണ്. ഏറ്റവും ഉയർന്ന എക്‌സ്​ ഇസഡ്​ പ്ലസ്​ ഒ വേരിയൻറിൽ 7.0 ഇഞ്ച് ടച്ച്‌സ്‌ക്രീൻ, ആൻഡ്രോയിഡ് ഓട്ടോ, ആപ്പിൾ കാർപ്ലേ, ടാറ്റയുടെ ഐആർഎ കണക്റ്റുചെയ്‌ത കാർ ടെക്, ഇലക്ട്രിക് സൺറൂഫ്, ലെതർ അപ്ഹോൾസ്റ്ററി, റിയർ പാർക്കിങ്​ ക്യാമറ, ഡ്രൈവിങ്​ മോഡുകൾ, ടയർ പ്രഷർ മോണിറ്ററിങ്​ സിസ്റ്റം ക്രൂയിസ് കൺട്രോൾ എന്നിവ ലഭിക്കും. ടാറ്റ നെക്‌സണി​െൻറ വില 7.10-12.79 ലക്ഷം രൂപ വരെയാണ്. ഹ്യുണ്ടായ് വെന്യൂ, കിയ സോനെറ്റ്, മഹീന്ദ്ര എക്സ് യു വി 300, ഫോർഡ് ഇക്കോസ്പോർട്ട്, മാരുതി സുസുക്കി വിറ്റാര ബ്രെസ്സ, ടൊയോട്ട അർബൻ ക്രൂസർ, നിസ്സാൻ മാഗ്നൈറ്റ്, റെനോ കൈഗർ തുടങ്ങിയവയാണ്​ പ്രധാന എതിരാളികൾ.

ആൾട്രോസ് വേരിയൻറുകൾ‌

ടാറ്റ ആൾട്രോസിന് മൂന്ന് എഞ്ചിൻ ഓപ്ഷനുകളുണ്ട്​. 86 എച്ച്പി, 1.2 ലിറ്റർ നാച്ചുറലി ആസ്​പിറേറ്റഡ് പെട്രോൾ എഞ്ചിൻ, 90 എച്ച്പി, 1.5 ലിറ്റർ ടർബോ-ഡീസൽ, 110 എച്ച്പി, 1.2 ലിറ്റർ ടർബോ-പെട്രോൾ എഞ്ചിൻ എന്നിവയാണത്​. അഞ്ച്​ സ്പീഡ് മാനുവൽ ഗിയർബോക്സ് ഇപ്പോൾ ശ്രേണിയിലുടനീളം സ്റ്റാൻഡേർഡാണ്​. ഭാവിയിൽ ഓട്ടോമാറ്റിക് ഗിയർബോക്​സ്​ അവതരിപ്പിക്കാനിടയുണ്ട്​.

ഏഴ് ട്രിമ്മുകളിൽ വാഹനം ലഭ്യമാണ്​. ആൻഡ്രോയിഡ് ഓട്ടോ, ആപ്പിൾ കാർപ്ലേ, ടാറ്റയുടെ ഐആർഎ കണക്റ്റുചെയ്​ത കാർ ടെക്, ലെതർ അപ്ഹോൾസ്റ്ററി, ആംബിയൻറ്​ ലൈറ്റിങ്​, ഓട്ടോ ക്ലൈമറ്റ് കൺട്രോൾ, റിയർ പാർക്കിങ്​ ക്യാമറ, ഓട്ടോ ഹെഡ്‌ലാമ്പുകൾ, വൈപ്പറുകൾ, 7.0 ഇഞ്ച് ടച്ച്‌സ്‌ക്രീൻ എന്നിവ വാഹനത്തിൽ ലഭിക്കും. 5.69-9.45 ലക്ഷം രൂപയാണ്​ ആൾട്രോസിന്റെ വില. അൽട്രോസ് ഐ ടർബോയുടെ വില 7.73-8.85 ലക്ഷം രൂപയാണ്. ഹ്യുണ്ടായ് ഐ 20, മാരുതി സുസുകി ബലേനോ, ടൊയോട്ട ഗ്ലാൻസ, ഫോക്‌സ്‌വാഗൺ പോളോ എന്നിവയാണ് അൽട്രോസി​െൻറ എതിരാളികൾ.