ടൊയോട്ടയുടെ ഉടുപ്പിട്ട സുസുക്കി; എക്രോസ്​ എസ്​.യു.വി വിപണിയിൽ

2020 ജൂലൈയിലാണ്​ സുസുക്കി എക്രോസ്​ എന്നപേരിൽ ഹൈബ്രിഡ്​ എസ്​.യു.വി യു.കെയിൽ അവതരിപ്പിച്ചത്​. ടൊയോട്ട ആർഎവി 4 പേരുമാറ്റി അവതരിപ്പിച്ച വാഹനമായിരുന്നു ഇത്​. ഇന്ത്യയിലൊക്കെ ബലേനോയും ബ്രെസ്സയുമൊക്കെ ടൊയോട്ടയുടെ പേരിട്ട്​ വരുന്ന അതേ പ്രതിഭാസം തന്നെയാണിത്​. പക്ഷെ ഇവിടെ അത്​ സുസുക്കിയാണ്​ വായ്​പ്പക്കാരൻ എന്നുമാത്രം.ടൊയോട്ട ആർഎവിയിൽ നിന്ന് ഒട്ടും വ്യത്യസ്​തമല്ല സുസുക്കി എക്രോസ്. ഗ്രിൽ, ഫ്രണ്ട് ബമ്പർ, ഫോഗ് ലാമ്പുകൾ, 19 ഇഞ്ച് വീലുകൾ, ബാഡ്​ജിങ്​ എന്നിവ പോലുള്ള കുറച്ച് മാത്രമാണിവിടെ സുസുക്കിയുടേതായുള്ളത്​.

സ്റ്റിയറിംഗ് വീൽ ഡിസൈൻ, ഇലക്ട്രോണിക് സ്പീഡോമീറ്റർ, സെൻറർ കൺസോൾ, ടച്ച്‌സ്‌ക്രീൻ ഇൻഫോടെയ്ൻമെൻറ്​ മുതൽ ട്രാൻസ്മിഷൻ ലിവർ വരെ ഇൻറീരിയർ ഏതാണ്ട് സമാനമാണ്. ചുവന്ന സ്റ്റിച്ചിങുള്ള ലെതറിൽ പൊതിഞ്ഞ സീറ്റുകളിൽ സുസുക്കി എന്നെഴുതിയിട്ടുണ്ടെന്ന്​ മാത്രം. എക്രോസി​െൻറ ഇൻറീരിയർ വിശാലമാണ്. ഫോർ‌വേഡ് കൊളിഷൻ വാണിങ്​, ലൈൻ കീപ്പിംഗ് അസിസ്റ്റ്, അഡാപ്റ്റീവ് ക്രൂയിസ് കൺ‌ട്രോൾ എന്നിവ പോലുള്ള ആർഎവി 4​െൻറ സവിശേഷതകൾ ഇവിടേയുമുണ്ട്​.

വൈറ്റ്​, സിൽവർ, ബ്ലാക്ക്​, റെഡ്​, ഗ്രേ, ബ്ലൂ എന്നീ ആറ് നിറങ്ങളിൽ വാഹനം ലഭ്യമാണ്. രണ്ട് ഇലക്ട്രിക് മോട്ടോറുകൾ സംയോജിപ്പിച്ച 2.5 ലിറ്റർ I4 പെട്രോൾ എഞ്ചിനാണ്​ വാഹനത്തിന്​. ഒരു സിവിടി ഗിയർ‌ബോക്സും മുഴുവൻസമയ ഫോർവീൽ സിസ്​റ്റവും വാഹനത്തിനുണ്ട്​. 302 എച്ച്​.പിയാണ്​ പരമാവധി കരുത്ത്​. 18.1 കിലോവാട്ട് ശേഷിയുള്ള ലിഥിയം അയൺ ബാറ്ററി 75 കിലോമീറ്റർ വരെ സഞ്ചരിക്കാൻ പ്രാപ്​തിയുള്ളതാണ്​. 45,600പൗണ്ട്​ ആണ്​ വില.