ലോക റെക്കോർഡ്​ ശ്രമത്തിനിടെ മോ​േട്ടാർസൈക്കിൾ സ്​റ്റണ്ട്​ മാൻ അലക്​സ്​ ഹാർവില്ലിന്​ ദാരുണാന്ത്യം

ലോക പ്രശസ്​ത അമേരിക്കൻ സ്​റ്റണ്ട്​മാനും ഡർട്ട്​ റേസറുമായ അലക്​സ്​ ഹാർവിൽ അപകടത്തിൽ മരിച്ചു. നീളംകൂടിയ മോ​േട്ടാർ സൈക്കിൾ ജംപിൽ ലോക റെക്കോർഡിന്​ ശ്രമിക്കവേയാണ്​ അലക്​സിന്​ അപകടം പറ്റിയത്​. 28 വയസ്സായിരുന്നു. വാഷിംഗ്​ടണിലെ മോസസ് ലേക്ക് എയർഷോയിൽ ലോക റെക്കോർഡ് ജംപിനായി പരിശീലിക്കുന്നതിനിടെയായിരുന്നു അപകടം. ജംപിനായി തയ്യാറാക്കിയ റാമ്പിൽ‌ നിന്ന്​ 351 അടി ദൂരത്തേക്ക്​‌ ബൈക്കിൽ കുതിച്ച അലക്​സ്​‌ ഡെർട്ട്​ പിറ്റിൽ എത്തുന്നതിനുമുമ്പ്​ താഴെ വീഴുകയായിരുന്നു.

അപകടത്തിൽ പരിക്കേറ്റ സ്​റ്റണ്ട്മാൻ മരിച്ചുവെന്ന് ഗ്രാൻറ്​ കൗണ്ടി ഓഫീസ് സ്ഥിരീകരിച്ചു. നിലവിലെ ലോക റെക്കോർഡ് ജമ്പ് 351 അടിയാണ്​. 2008 മാർച്ചിൽ ഓസ്ട്രേലിയൻ മോട്ടോർ ബൈക്ക് സ്റ്റണ്ട്മാൻ റോബി മാഡിസനാണ്​ റെക്കോർഡ്​ സ്ഥാപിച്ചത്​. ഇത്​ ഭേദിക്കാനായിരുന്നു അലക്​സി​െൻറ ശ്രമം. അലക്​സി​െൻറ മരണത്തെകുറിച്ച്​ ഞെട്ടലോടെയാണ്​ റോബി മാഡിസൺ പ്രതികരിച്ചത്​. അലക്​സി​െൻറ അവസാന ജമ്പി​െൻറ ചിത്രവും അദ്ദേഹം ഇൻസ്​റ്റഗ്രാമിൽ പങ്കുവച്ചിട്ടുണ്ട്​.

2013 ൽ 297 അടിയിലധികം ദൂരത്തിൽ ഡർട്ട്​ പിറ്റിൽ കുതിച്ച്​ അലക്​സ്​ ഹാർവിൽ റെക്കോർഡ് സൃഷ്ടിച്ചിരുന്നു. കുഞ്ഞായിരിക്കു​േമ്പാൾ മുതൽ മോ​േട്ടാർ സൈക്കിളുകളോട്​ ഭ്രമമുള്ള ആളാണ്​ അലക്​സെന്ന്​ അദ്ദേഹത്തിൻറ പിതാവ്​ ഒരിക്കൽ പറഞ്ഞിരുന്നു. ഹാർവിലി​െൻറ ഭാര്യ ജസീക്ക. അഞ്ചുവയസ്സുകാരൻ വില്ലിസ്, നവജാത ശിശുവായ വാട്​സൺ റോബർട്ട് ഹാർവിൽ എന്നിവരാണ്​ മക്കൾ.