സോണി ത്രീഡി സറൗണ്ട്​ സൗണ്ട്​; എക്​സ്​.യു.വി 700ൽ അത്​ഭുതങ്ങൾ ഒളിപ്പിച്ച്​ മഹീന്ദ്ര

ഒാഗസ്​റ്റ്​ 14ന്​ പുറത്തിറക്കുന്ന മഹീന്ദ്രയുടെ പതാക വാഹകൻ എസ്​.യു.വിയായ എക്​സ്​.യു.വി 700ൽ അത്​ഭുതങ്ങൾ ഒളിപ്പിച്ച്​മഹീന്ദ്ര. ഓഡിയോ സിസ്റ്റത്തെക്കുറിച്ചുള്ള കൂടുതൽ വിശദാംശങ്ങളാണ്​ കമ്പനി നിലവിൽ പുറത്തുവിട്ടിരിക്കുന്നത്​. സോണി ത്രീഡി സൗണ്ട് സിസ്റ്റമാകും എക്​സ്​​​.യു.വിയുടെ ഉയർന്ന വകഭേദങ്ങളിൽ വരിക. റൂഫ് മൗണ്ടഡ് സ്​പീക്കറുകൾ, ആംപ്ലിഫയർ, സബ് വൂഫർ എന്നിവ ഉൾപ്പെടുന്ന 445 വാട്ട്​ ഒാഡിയോ സിസ്​റ്റമാണ്​ സോണി എക്​സ്​.യു.വിക്കായി നൽകുന്നത്​. ഇന്ത്യയിൽ പ്രീമിയം ത്രീഡി സറൗണ്ട്​ സൗണ്ട് ടെക്നോളജി ഉപയോഗിക്കുന്ന ആദ്യത്തെ കാറായിരിക്കും എക്​സ്​.യു.വിയെന്ന്​ സോണി പറയുന്നു.

ഒാഡി​യോ സിസ്റ്റത്തിൽ 12 കസ്റ്റം ബിൽറ്റ് സ്പീക്കറുകൾ ഉൾപ്പെടും. വാതിലുകൾ, ഡാഷ്‌ബോർഡ്, ബൂട്ട് തുടങ്ങിയ സ്​ഥലങ്ങളിലെല്ലാം സ്​പീക്കറുകൾ ഉണ്ടാകും. കംപ്രസ് ചെയ്​ത ഓഡിയോ ഫയലുകളുടെ ഗുണനിലവാരം മെച്ചപ്പെടുത്തുന്നതിനും പുതിയ ഒാഡിയോ സിസ്​റ്റത്തിനാകും. റേഡിയോ മുതൽ യുഎസ്ബി, ഓൺലൈൻ സ്ട്രീമിങ്​ വരെയുള്ള ഇൻപുട്ടുകൾക്കെല്ലാം ത്രീ ഡി ഓഡിയോ സാങ്കേതികവിദ്യ അനുയോജ്യമാണ്. സിസ്റ്റത്തിലെ മറ്റൊരു സവിശേഷത, വാഹനത്തി​െൻറ വേഗതക്കനുസരിച്ച്​ ശബ്​ദം ക്രമീകരിക്കാനാവും എന്നതാണ്​. ബാഹ്യ ശബ്ദങ്ങളുടെ സ്വാധീനം കുറയ്ക്കുന്നതിന്​ ഇത്​ സഹായിക്കും.

നിർമാണം പൂർത്തിയായ എക്​സ്​.യു.വി 700​െൻറ നിരവധി സവിശേഷതകൾ നേരത്തേ കമ്പനി പുറത്തുവിട്ടിരുന്നു​. അതിൽ പലതും എസ്​.യു.വി വിഭാഗത്തി​ലെ സെഗ്​മെൻറ്​ ഫസ്​റ്റ്​ ഫീച്ചറുകളുമാണ്​. 200 എച്ച്പി, 2.0 ലിറ്റർ ടർബോ-പെട്രോൾ, 185 എച്ച്പി, 2.2 ലിറ്റർ ടർബോ-ഡീസൽ എഞ്ചിൻ എന്നിവ വാഹനത്തിന്​ ലഭിക്കും.

മറ്റ്​ പ്രത്യേകതകൾ

എക്​സ്​.യു.വി 500നേക്കാൾ ആധുനികമാണ്​ ​പുതിയ വാഹനം​. സി-ആകൃതിയിലുള്ള ഡിആർഎല്ലുകളുള്ള ഹെഡ്‌ലൈറ്റുകൾ, ആവശ്യത്തിന്​ മാത്രം പുറത്തുവരുന്ന ഡോർ ഹാൻഡിലുകൾ, പുതിയ ഗ്രില്ലും ടെയിൽ-ലൈറ്റുകളും, അലോയ് വീലുകൾ എന്നിവയെല്ലാം പുതിയ വാഹനത്തി​െൻറ പ്രത്യേകതകളാണ്​. മഹീന്ദ്ര എസ്‌യുവി ശ്രേണിക്കായി അവതരിപ്പിച്ച പുതിയ ലോഗോയാവും എക്​സ്​.യു.വി 700ൽ ഉപയോഗിക്കുക. ഇൻഫോടെയിൻമെൻറിനും ഇൻസ്ട്രുമെൻറ് ക്ലസ്റ്ററിനുമായി ഡ്യൂവൽ സ്​ക്രീൻ ഒാപ്​ഷനും വാഹനത്തിലുണ്ട്​.

ഇൻഫോടെയിൻമെൻറിനായുള്ള അഡ്രിനോ എക്​സ്​ ഇൻറർഫേസ്, ആമസോൺ അലക്​സ വെർച്വൽ അസിസ്റ്റൻറ്​, അഡാസ്​ സുരക്ഷാ സംവിധാനം, പനോരമിക് സൺറൂഫ്, ഓട്ടോമാറ്റിക് ക്ലൈമറ്റ് കൺട്രോൾ, ഇലക്ട്രോണിക് പാർക്കിങ്​ ബ്രേക്ക് എന്നിവയും എക്​സ്​.യു.വിയിൽ ഉൾപ്പെടുത്തിയിട്ടുണ്ട്​. മധ്യനിരയിൽ ക്യാപ്റ്റൻ സീറ്റുകളുള്ള ആറ്​ സീറ്റ് ലേഒൗട്ടിലും ബെഞ്ച് സീറ്റുള്ള 7 സീറ്റ് ലേഒൗട്ടിലും വാഹനം ലഭ്യമാകും.

എതിരാളികൾ

ടാറ്റ സഫാരി, എംജി ഹെക്ടർ പ്ലസ്, ഹ്യുണ്ടായ് അൽകാസർ തുടങ്ങിയ മുൻനിര എസ്‌യുവികളിൽ നിന്ന് കടുത്ത മത്സരം നേരിടുന്ന വാഹനമാണ്​ എക്​സ്​.യു.വി 700. തൽക്കാലം എക്​സ്​.യു.വി 500​െൻറ നിർമാണം അവസാനിപ്പിക്കുമെങ്കിലും വാഹന നിരയിൽ നിന്ന്​ പൂർണമായും ഒഴിവാക്കില്ലെന്നാണ്​ സൂചന. 2024ൽ ഇടത്തരം എസ്​.യു.വി വിഭാഗത്തിൽ എക്​സ്​.യു.വി 500​നെ മഹീന്ദ്ര പുനസ്​ഥാപിക്കാൻ ഇടയുണ്ട്​.