Begin typing your search above and press return to search.
exit_to_app
exit_to_app
Skoda lands a helicopter on the roof of a Kodiaq SUV Video
cancel
Homechevron_rightHot Wheelschevron_rightOverdrivechevron_rightകോഡിയാക്​...

കോഡിയാക്​ എസ്​.യു.വിക്ക്​ മുകളിൽ ഹെലിക്കോപ്​ടർ പാർക്​ ചെയ്​താൽ എന്ത്​ സംഭവിക്കും; സ്​കോഡയുടെ വീഡിയോ വൈറൽ ​

text_fields
bookmark_border

വാഹനങ്ങളുടെ കരുത്തുകാണിക്കാൻ പലവിധ പരിപാടികൾ നിർമാതാക്കൾ ചെയ്യാറുണ്ട്​. വിമാനമോ ട്രെയിനോ കെട്ടിവലിക്കുക, മുകളിൽ നിന്ന്​ താഴേക്ക്​ ഇടുക, കുന്നും മലയും ഒാടിച്ചുകയറ്റുക തുടങ്ങിയവയാണ്​ സ്​ഥിരം നടപടികൾ. ഇതിൽ നിന്ന്​ വ്യത്യസ്​തമായ ഒന്ന്​ പരീക്ഷിച്ചിരിക്കുകയാണ്​ സ്​കോഡ. തങ്ങളുടെ എസ്​.യു.വിയായ കോഡിയാക്കിനെവച്ചാണ്​ പുതിയ പരീക്ഷണം കമ്പനി നടത്തിയിരിക്കുന്നത്​. പരീക്ഷണമെന്ന്​ പറയു​േമ്പാൾ അത്ര നിസാരമായ ഒന്നല്ല ഇത്​. കോഡിയാക്കിന്​ മുകളിൽ ഹെലിക്കോപ്​ടർ ലാൻഡ്​ ചെയ്യിക്കുക എന്ന സാഹസിക പ്രവർത്തിയാണ്​ കമ്പനി നടപ്പാക്കിയത്​. ഇതുസംബന്ധിച്ച്​ സ്​കോഡ ഒൗദ്യോഗികമായി ചിത്രീകരിച്ച വീഡിയോ സമൂഹമാധ്യമങ്ങളിൽ വൈറലായിട്ടുണ്ട്​.

ആദ്യമല്ല ഇൗ പരീക്ഷണം

നേരത്തേയും ഇത്തരം പരീക്ഷണം വാഹനലോകത്ത്​ നടന്നിട്ടുണ്ട്​. ബി.ബി.സിയുടെ ടോപ്പ് ഗിയർ പ്രോഗ്രാമിൽ ഒരിക്കൽ ജെറമി ക്ലാർക്‌സൺ സ്​കോഡയുടെ തന്നെ എസ്​.യു.വിയായ യതിയുടെ മുകളിൽ ഹെലിക്കോപ്​ടർ ഇറക്കിയിരുന്നു. അന്ന്​ പക്ഷെ ഒാടിക്കൊണ്ടിരുന്ന വാഹനത്തിലാണ്​ ഹെലിക്കോപ്​ടർ ലാൻഡ്​ ചെയ്​തതെന്നുമാത്രം. പുതിയ പരീക്ഷണവും കോഡിയാക്​ സുരക്ഷിതമായി അതിജീവിച്ചിട്ടുണ്ട്​.


സ്​കോഡ കോഡിയാക്​

ഈ വർഷം അവസാനത്തോടെ കോഡിയാക്കി​െൻറ പുതിയ തലമുറ ഇന്ത്യൻ വിപണിയിൽ അവതരിപ്പിക്കും. 2021 ഡിസംബറോടെ വാഹനം ഉൽപാദനത്തിൽ പ്രവേശിക്കുമെന്ന്​ പ്രതീക്ഷിക്കപ്പെടുന്നു. വാഹന ഡെലിവറികൾ 2022 ജനുവരിയിൽ ആരംഭിക്കുമെന്നാണ്​ സൂചന. ബിഎസ് ആറ്​ എമിഷൻ മാനദണ്ഡങ്ങൾ കാരണം ഇന്ത്യയിൽ കോഡിയാക്​ വിൽപ്പന നിർത്തിവച്ചിരുന്നു. പുതുക്കിയ ഡിസൈൻ കാരണം 2021 കോഡിയാക്​ വളരെ മനോഹരമായിട്ടുണ്ട്​. എൽ.ഇ.ഡി ഡേടൈം റണ്ണിങ്​ ലാമ്പുകൾ, വലിയ ബട്ടർഫ്ലൈ ഗ്രിൽ, പുനർരൂപകൽപ്പന ചെയ്​ത ബമ്പർ, നേർത്ത എൽഇഡി മാട്രിക്​സ്​ ഹെഡ്‌ലാമ്പുകൾ എന്നിവ വാഹനത്തിന് ലഭിക്കും. പിൻഭാഗത്ത്, എൽഇഡി ടെയിൽ ലാമ്പുകളും പുനർരൂപകൽപ്പന ചെയ്​തിട്ടുണ്ട്​. റൂഫ് റെയിലുകൾ, ഷാർക്​-ഫിൻ ആന്റിന, റിയർ സ്‌പോയിലർ, പുത്തൻ അലോയ് വീലുകൾ എന്നിവയും ലഭിക്കും.

ഒക്​ടാവിയയിലും കുഷാക്കിലും കണ്ട ടൂ-സ്പോക്​ സ്റ്റിയറിങ്​ വീൽ പോലുള്ള ചില മാറ്റങ്ങൾ ഇന്റീരിയറിലുമുണ്ട്​. അപ്ഹോൾസ്റ്ററിയും പുനർരൂപകൽപ്പന ചെയ്​തു. ഡാഷ്‌ബോർഡിൽ സ്കോഡയുടെ പുതിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഉൾപ്പെടുത്തി. അനലോഗ് ഇൻസ്ട്രുമെന്റ് ക്ലസ്റ്റർ പൂർണമായും ഡിജിറ്റലായി​. പനോരമിക് സൺറൂഫ്, മൾട്ടി-ഫംഗ്ഷൻ സ്റ്റിയറിങ്​ വീൽ, ക്രൂസ് കൺട്രോൾ, മൾട്ടിപ്പിൾ എയർബാഗുകൾ, ആംബിയൻറ്​ ലൈറ്റിങ്​, പ്രീമിയം സ്പീക്കർ സിസ്റ്റം, മസാജിങ്​ ഫംഗ്ഷനോടുകൂടിയ വെന്റിലേറ്റഡ് സീറ്റുകൾ, ആംറെസ്റ്റ്, ഫ്രണ്ട്, റിയർ പാർക്കിങ്​ സെൻസറുകൾ എന്നിവയും വാഹനത്തിലുണ്ട്​.


എഞ്ചിൻ

സ്‌കോഡ 2.0 ലിറ്റർ ടിഡിഐ ഡീസൽ എൻജിൻ തങ്ങളുടെ വാഹനങ്ങളിൽ നിന്ന്​ പൂർണമായും ഒഴിവാക്കിയിട്ടുണ്ട്​. പകരം, 2021 കോഡിയാക്ക് 2.0 ലിറ്റർ ടിഎസ്ഐ പെട്രോൾ എഞ്ചിനിലാണ് വരുന്നത്. 190 പിഎസ് കരുത്തും 320 എൻഎം ടോർക്കും എഞ്ചിൻ ഉത്പാദിപ്പിക്കും. 7 സ്പീഡ് ഡിഎസ്ജി ഡ്യുവൽ ക്ലച്ച് ഓട്ടോമാറ്റിക് ഗിയർബോക്‌സ്​ മികച്ചതാണ്​. ഡീസൽ എഞ്ചിൻ പരമാവധി 150 പിഎസ് കരുത്തും 340 എൻഎം ടോർക്കും ഉത്​പ്പാദിപ്പിക്കും.

Show Full Article
TAGS:Skoda Kodiaq helicopter lands 
News Summary - Skoda lands a helicopter on the roof of a Kodiaq SUV (Video)
Next Story