കറുപ്പിൽ കുളിച്ച്​ ക്ലാസിക്​ 500; ലിമിറ്റഡ്​ എഡിഷനുമായി റോയൽ എൻഫീൽഡ്​

​500 സിസി സിംഗിൾ സിലിണ്ടർ എഞ്ചി​െൻറ അവസാന തുടിപ്പുകൾ രേഖപ്പെടുത്താനുള്ള തീരുമാനവുമായി റോയൽ എൻഫീൽഡ്​. ഇതിനായി ക്ലാസിക് 500 മോഡലി​െൻറ ട്രിബ്യൂട്ട് ബ്ലാക്ക് ലിമിറ്റഡ് എഡിഷൻ പതിപ്പ് യുകെക്കായി പ്രഖ്യാപിച്ചു. ഈ വർഷം ഫെബ്രുവരിയിൽ ക്ലാസിക് 500 ട്രിബ്യൂട്ട് ബ്ലാക്ക് ലിമിറ്റഡ് എഡിഷൻ ഇന്ത്യൻ വിപണിയിൽ എത്തിക്കു​െമന്ന്​ എൻഫീൽഡ്​ നേരത്തെ പ്രഖ്യാപിച്ചിരുന്നു.

മൊത്തം 1,000 എണ്ണം യൂറോപ്പിനായി നിർമിക്കുന്നതിൽ 210 ബൈക്കുകൾ മാത്രമേ യുകെയിൽ വിൽപ്പനക്കെത്തുകയുള്ളൂ. ക്ലാസിക് ബുള്ളറ്റ് 500 മോഡലുകളുടെ യൂറോപ്യൻ വിപണിയിലെ വിൽപ്പനയും എൻഫീൽഡ്​ അവസാനിപ്പിക്കുകയാണ്​. നിലവിലെ സ്റ്റോക്ക്​ വിറ്റുതീരു​േമ്പാഴേക്കും ഇതവസാനിപ്പിക്കാനാണ്​ തീരുമാനം. എന്നിരുന്നാലും സേവനവും സ്പെയറുകളും തുടർന്നും ലഭ്യമാകും.

2019 മുതൽ റോയൽ എൻഫീൽഡ് ക്ലാസിക് 500 ആഗോള വിപണിയിൽ വിൽപ്പനക്കുണ്ട്​. സിംഗിൾ സിലിണ്ടർ, എയർ-കൂൾഡ് 500 സിസി എഞ്ചിൻ 27.2 ബിഎച്ച്പി പവറും 41.3 എൻഎം ടോർക്കും ഉൽപ്പാദിപ്പിക്കും. യുകെ, അന്താരാഷ്ട്ര വിപണി എന്നിവയ്ക്കായി ഇൻറർസെപ്റ്റർ 650, കോണ്ടിനെൻറൽ ജിടി 650 എന്നിവയിൽ ശ്രദ്ധ കേന്ദ്രീകരിക്കാനാണ്​ നിലവിൽ കമ്പനി തീരുമാനം. ഇതോടൊപ്പം സ്‌ക്രാംബ്ലർ സ്റ്റൈൽ മോട്ടോർസൈക്കിളും അവതരിപ്പിക്കുമെന്നാണ്​ സൂചന.

ഡ്യുവൽ-ടോൺ ബ്ലാക്ക് പെയിൻറാണ്​ ലിമിറ്റഡ്​ എഡിഷന്​ റോയൽ നൽകുക. മാറ്റ്, ഗ്ലോസി ഫിനിഷുകൾ ഉണ്ടായിരിക്കും. വ്യക്തിഗതമായി അക്കമിട്ട സീരിയൽ നമ്പരും ​ൈബക്കിന്​ നൽകും. വശങ്ങളിൽ പിടിപ്പിച്ച പ്രത്യേക ബാഗ്​, ടൂറിങ്​ മിററുകൾ തുടങ്ങിയവയാണ്​ ആക്​സസറിയായി നൽകിയിരിക്കുന്നത്​. ബ്ലാക്ക് എഡിഷനിൽ കൈകൊണ്ട് വരച്ച 'മദ്രാസ് സ്ട്രൈപ്പുകൾ'എന്നറിയപ്പെടുന്ന പ്രത്യേക വരകളും ഉണ്ടാകും.