Top
Begin typing your search above and press return to search.
exit_to_app
exit_to_app
Homechevron_rightHot Wheelschevron_rightOverdrivechevron_rightഹൗ എന്താ നിറം,...

ഹൗ എന്താ നിറം, റോയലാകാൻ കൂടുതൽ കാരണങ്ങൾ

text_fields
bookmark_border
ഹൗ എന്താ നിറം, റോയലാകാൻ കൂടുതൽ കാരണങ്ങൾ
cancel

ക്ലാസിക് 350ന്​ കൂടുതൽ നിറങ്ങൾ അവതരിപ്പിച്ച്​​ റോയൽ എൻഫീൽഡ്​. മെറ്റാലോ സിൽവർ, ഓറഞ്ച് എമ്പർ ഓപ്ഷനുകളോടെയാണ്​ റോയൽ എൻഫീൽഡ് ക്ലാസിക് 350 ലൈനപ്പ് വിപുലീകരിച്ചത്​. 1.83 ലക്ഷമാണ്​ ബൈക്കുകളുടെ വില. അലോയ് വീലുകൾ, ട്യൂബ്​ലെസ് ടയറുകൾ എന്നിവയോടൊപ്പമാണ്​ വാഹനം ലഭ്യമാക്കുന്നത്​. ക്ലാസിക് 350 ഇപ്പോൾ റോയൽ എൻഫീൽഡ് 'മേക്​ ഇറ്റ് യുവേഴ്​സ്' പദ്ധതിയിലും ഉൾപ്പെട്ടിട്ടുണ്ട്​. നിരവധി ആക്‌സസറികൾ, നിറങ്ങൾ എന്നിവ തിരഞ്ഞെടുക്കാൻ ഉപഭോക്​താക്കളെ പദ്ധതി അനുവദിക്കും​.


'ക്ലാസിക് 350 വികസിപ്പിക്കുന്നതിനുള്ള നിരന്തരമായ ശ്രമത്തിൽ, ഞങ്ങൾ മോട്ടോർസൈക്കിളി​െൻറ പുതിയ വകഭേദങ്ങൾ അവതരിപ്പിക്കുകയും കൂടുതൽ ഓപ്ഷനുകൾ ചേർക്കുകയും ചെയ്യുകയായിരുന്നു'-പുതിയ മോട്ടോർസൈക്കിൾ വേരിയൻറുകൾ അവതരിപ്പിച്ചുകൊണ്ട് റോയൽ എൻഫീൽഡി​െൻറ സിഇഒ വിനോദ് കെ ദസാരി പറഞ്ഞു. ഒരു ദശാബ്ദത്തിലേറെയായി റോയൽ എൻഫീൽഡിൻറ ഏറ്റവും വിറ്റഴിക്കപ്പെടുന്ന ബ്രാൻഡാണ് ക്ലാസിക് 350. 1950 കളിൽ രണ്ടാം ലോക മഹായുദ്ധാനന്തര കാലഘട്ടത്തിൽ റോയൽ എൻഫീൽഡ് വിറ്റഴിച്ച ജെ 2 മോട്ടോർസൈക്കിളാണ് ക്ലാസികിന്​ പ്രചോദനമായത്. ശോഭയുള്ള പുതിയ നിറങ്ങളോടെ ഉടമകൾക്ക് യുവത്വവും ഉന്മേഷദായകവുമായ അനുഭവം എത്തിക്കുകയാണ്​ ലക്ഷ്യമെന്ന്​ റോയൽ എൻഫീൽഡ് പറയുന്നു.


പുതിയ ക്ലാസിക് 350 ൽ എഞ്ചിനിൽ മറ്റ്​ മാറ്റങ്ങളൊന്നുമില്ല. 346 സിസി യൂനിറ്റ് എഞ്ചിനിൽ നിന്ന് 19.1 ബിഎച്ച്പി കരുത്തും 28 എൻഎം പീക്​ ടോർക്കും വികസിപ്പിക്കുന്നുണ്ട്​. 5 സ്പീഡ് ഗിയർബോക്‌സാണ്​ വാഹനത്തിന്​. പിൻഭാഗത്ത് ടെലിസ്‌കോപ്പിക് ഫോർക്കുകൾ മുന്നിൽ ഇരട്ട ഷോക്ക് അബ്സോർബറുകളുമാണ്​ ബൈക്കിൽ​. ഇരട്ട-ചാനൽ എബി‌എസും ഡിസ്​ക്​ ബ്രേക്കുകളും നൽകിയിട്ടുണ്ട്​.

Show Full Article
TAGS:Royal Enfield Classic 350 launched hotwheels 
Next Story