Begin typing your search above and press return to search.
exit_to_app
exit_to_app
ഗിന്നസ്​ വേൾഡ്​ റെക്കോഡ്​ പട്ടികയിൽ ഇടംനേടി ക്ലാസിക്​ 350
cancel
Homechevron_rightHot Wheelschevron_rightOverdrivechevron_rightഗിന്നസ്​ വേൾഡ്​...

ഗിന്നസ്​ വേൾഡ്​ റെക്കോഡ്​ പട്ടികയിൽ ഇടംനേടി ക്ലാസിക്​ 350

text_fields
bookmark_border

വാഹനപ്രേമികളെ എന്നും ത്രസിപ്പിക്കുന്ന മോഡലാണ്​ റോയൽ എൻഫീൽഡിന്‍റെ ക്ലാസിക്​ 350. കഴിഞ്ഞ സെപ്​റ്റംബറിലാണ്​ ഇതിന്‍റെ പരിഷ്​കരിച്ച പതിപ്പ്​ പുറത്തിറക്കിയത്​.

യൂട്യൂബിലൂടെ ഇതിന്‍റെ പുറത്തിറക്കൽ ചടങ്ങ് ലൈവായി സംപ്രേക്ഷണം ചെയ്​തിരുന്നു​. ഈ പരിപാടി ഗിന്നസ്​ വേൾഡ്​ റെക്കോഡ്​ പട്ടികയിൽ ഇടം നേടിയിരിക്കുകയാണ്​.

സെപ്​റ്റംബർ ഒന്നിന്​ രാവിലെ 11.30 മുതൽ 12 വരെ നടന്ന ചടങ്ങ്​ 19,564 പേരാണ്​ തത്സമയം കണ്ടത്​. ഇതാണ്​ റെക്കോർഡിന്​ അർഹമാക്കിയത്​. ഒരു ബൈക്കിന്‍റെ പ്രകാശന ചടങ്ങ്​ യൂട്യൂബിൽ തത്സമയം ഇത്രയുമധികം പേർ കണ്ടത്​ ഇതാദ്യമാണ്​. ഈ വിഡിയോ ഇപ്പോൾ ലക്ഷക്കണക്കിന്​ പേർ കണ്ടുകഴിഞ്ഞു.

ക്ലാസിക് 350 വർഷങ്ങളായി റോയൽ എൻഫീൽഡിന്‍റെ ഏറ്റവും കൂടുതൽ വിറ്റഴിക്കപ്പെടുന്ന മോഡലാണ്. 2009ൽ പുറത്തിറങ്ങിയശേഷം, ഇന്ത്യയിൽ 30 ലക്ഷം ക്ലാസിക് 350 ബൈക്കുകളാണ്​ വിറ്റത്​. റോയൽ എൻഫീൽഡിന്‍റെ വിൽപ്പനയുടെ 60-70 ശതമാനവു​ം ഈ ബൈക്ക്​ തന്നെ.

1.84 ലക്ഷം മുതൽ 2.51 ലക്ഷം വരെയാണ് പുതിയ ക്ലാസികി​െൻറ എക്സ്ഷോറൂം വില. 349 സി.സി എഞ്ചിൻ 20.2 ബി.എച്ച്​.പിയും 27 എൻ.എം ടോർക്കുമാണ് നൽകുന്നത്. അഞ്ച്​ സ്പീഡ് ട്രാൻസ്​മിഷൻ സുഗമമാർന്നതാണ്. വിറയലില്ലാതെ 80-90 കിലോമീറ്റർ വേഗതയിൽ ക്ലാസികിൽ സഞ്ചരിക്കാനാകും. 195 കിലോഗ്രാം ആണ്​ വാഹനത്തി​െൻറ ഭാരം.




Show Full Article
TAGS:Royal Enfield Classic 350 
News Summary - royal Enfield Classic 350 launch in Guinness World Record
Next Story