മധ്യവർഗത്തി​െൻറ സ്വപ്​ന ഇ.വിയുമായി ടാറ്റ; വില 10ലക്ഷത്തിൽ താഴെ, 250 കിലോമീറ്റർ റേഞ്ച്​

സിപ്​ട്രോൺ കരുത്തുമായി തിഗോർ ഇ.വി അവതരിപ്പിച്ച്​ ടാറ്റ മോ​േട്ടാഴ്​സ്​. വരും ആഴ്​ചകളിൽ വാഹനം പുറത്തിറക്കാനാണ്​ ടാറ്റ ആലോചിക്കുന്നത്​. വാഹനത്തി​െൻറ ടീസർ വീഡിയോ പുറത്തിറക്കിയിട്ടുണ്ട്​. നെക്​സൺ ഇവിയിൽ പ്രവർത്തിക്കുന്ന സിപ്​ട്രോൺ പവർട്രെയിനാണ്​ തിഗോറിലും ഉൾപ്പെടുത്തിയിട്ടുള്ളത്​. 250 കിലോമീറ്ററിന്​ മുകളിൽ റേഞ്ച്​ വാഹനം നൽകു​മെന്നും ടാറ്റ അവകാ​ശപ്പെടുന്നു​. ഇതോടൊപ്പം ഫാസ്​റ്റ്​ ചാർജിങും സംവിധാനവുമുണ്ട്.​ സിപ്‌ട്രോൺ ഹൈ-വോൾട്ടേജ് 300 വി പ്ലസ്​ ആർക്കിടെക്​ചർ സ്ഥിരമായ മാഗ്നറ്റ് സിൻക്രൊണസ് ഇലക്ട്രിക് മോട്ടോർ ഉപയോഗിക്കുന്നുണ്ട്​. നേരത്തേ ഉണ്ടായിരുന്ന തിഗോൾ പവർ ട്രെയിനേക്കാൾ മികച്ചതാണിത്​​.

നെക്​സണിൽ സിപ്​ട്രോൺ പവർട്രെയിൻ 95kW ഇലക്ട്രിക് മോട്ടോറും 30.2kWh ലിഥിയം അയൺ ബാറ്ററി പാക്കും ഉപയോഗിക്കുന്നു. 127 bhp കരുത്തും 245Nm പീക്ക് ടോർക്കും ഉത്പാദിപ്പിക്കാനും നെക്​സണിനാകും. ഒറ്റ ചാർജിൽ 312 കിലോമീറ്റർ ആണ്​ റേഞ്ച്​. എന്നാൽ ഇത്രവും സവിശേഷതകൾ തിഗോറിൽ ഉണ്ടാകാൻ ഇടയില്ല.

സിപ്‌ട്രോൺ വാഹനങ്ങൾക്ക് കുറഞ്ഞത് 250 കിലോമീറ്റർ റേഞ്ച്​ ലഭിക്കുമെന്ന് ടാറ്റ മോട്ടോഴ്​സ്​ നേരത്തേ അവകാശപ്പെട്ടിരുന്നു. ഫാസ്റ്റ് ചാർജിങ്​ സംവിധാനമാണ്​ മറ്റൊരു പ്രത്യേകത. നെക്​സൺ ഇവി 60 മിനിറ്റിൽ 0 മുതൽ 80 ശതമാനം വരെ ചാർജ്​ ചെയ്യാനാകും. അതേസമയം സാധാരണ ഗാർഹിക ചാർജിങ്​ ഉപയോഗിച്ചാൽ 7 മുതൽ 8 മണിക്കൂർ വരെ എടുക്കും. ടിഗോർ ഇ.വിക്കും സമാനമായ ചാർജിങ്​ സമയം പ്രതീക്ഷിക്കാം. നെക്‌സണി​ലെ റീജനറേറ്റീവ് ബ്രേക്കിങും സിപ്‌ട്രോൺ ടെകി​െൻറ പ്രത്യേകതയാണ്​. ഇതിൽ ഏതൊ​ക്കെ പ്രത്യേകതകൾ തിഗോറിൽ ഉൾപ്പെടുത്തുമെന്ന്​ കമ്പനി വെളിപ്പെടുത്തിയിട്ടില്ല.

സിപ്‌ട്രോൺ കരുത്തുള്ള നെക്‌സൺ ഇവിയുടെ വില 13.99-16.85 ലക്ഷം രൂപയാണ്​. സാധാരണ തിഗോർ ഇ.വിയുടെ വില 7.82 ലക്ഷം രൂപയും. ഇതിന്​ രണ്ടിലും ഇടയിലായിരിക്കും പുതിയ തിഗോറി​െൻറ വിലയെന്നാണ്​ സൂചന. അങ്ങിനെയെങ്കിൽ കയ്യിലൊതുങ്ങുന്ന വിലയിൽ ഒരു ഇ.വി കാർ എന്ന ഇന്ത്യൻ മധ്യവർഗത്തി​െൻറ സ്വപ്​നമാകും തിഗോറിലൂടെ പൂവണിയുക. ഇന്ത്യയിലെ സ്വകാര്യ ഉപഭോക്​താക്കൾക്ക് ലഭിക്കുന്ന ഏറ്റവും വിലകുറഞ്ഞ ഇ.വിയാകും തിഗോർ എന്നാണ്​ സൂചന. ടാറ്റ മോട്ടോഴ്​സ്​ ഇതിനകം ഇന്ത്യയിലെ ഇവി മത്സരത്തിൽ ഏറെ മുന്നിലാണ്. പുതിയ ഇലക്ട്രിക് ടിഗോർ ഉപയോഗിച്ച് വിപണിയിൽ കൂടുതൽ സ്വാധീനം ചെലുത്താനാണ്​ ടാറ്റ ലക്ഷ്യമിടുന്നത്​.