Begin typing your search above and press return to search.
exit_to_app
exit_to_app
New-gen Royal Enfield Classic 350 to miss out on this
cancel
Homechevron_rightHot Wheelschevron_rightOverdrivechevron_rightപുതിയ ക്ലാസികിൽ...

പുതിയ ക്ലാസികിൽ നിന്ന്​ ഇൗ സൗകര്യം ഒഴിവാക്കുമെന്ന്​ റോയൽ എൻഫീൽഡ്​; ഒരു യുഗത്തി​െൻറ അന്ത്യമെന്ന്​ ആരാധകർ

text_fields
bookmark_border

ഏറെ നാളായി പറഞ്ഞുകേൾക്കുന്നതാണ്​ റോയൽ എൻഫീൽഡ്​ ക്ലാസിക്​ 350യുടെ പരിഷ്​കരണ വാർത്ത. എഞ്ചിനും ഷാസിയും ഉൾപ്പടെ മാറി പുതുപുത്തൻ വാഹനമായിട്ടാകും ക്ലാസിക്​ എത്തുക എന്നും വിവരങ്ങളുണ്ടായിരുന്നു. വാഹനത്തി​െൻറ ചിത്രങ്ങൾ പലതവണ സമൂഹമാധ്യമങ്ങളിലൂടെ പുറത്തുവന്നിട്ടുണ്ട്​. നിർമാണം പൂർത്തിയായ ക്ലാസികി​െൻറ വീഡിയോയും സോഷ്യൽമീഡിയയിൽ പ്രചരിച്ചിരുന്നു.


ആരാധകരുടെ കാത്തിരിപ്പുകൾക്ക്​ വിരാമമിട്ട്​ ക്ലാസികി​െൻറ പുറത്തിറക്കൽ തീയതി അടുത്തിടെയാണ്​ റോയൽ എൻഫീൽഡ്​ പ്രഖ്യാപിച്ചത്​​​. ഒാഗസ്​റ്റ്​ 27ന്​ ഉച്ചക്ക്​ ഒരുമണിക്കാവും വാഹനം പുറത്തിറങ്ങുക. മീറ്റിയോർ 350യിലെ അതേ എഞ്ചിനും പ്ലാറ്റ്​ഫോമുമാണ്​​ ക്ലാസിക്കിൾ ഉൾപ്പെടുത്തിയിട്ടുള്ളത്​. മീറ്റിയോറിലെ ട്രിപ്പർ നാവിഗേഷനും നൽകിയിട്ടുണ്ട്​.


കിക്ക്​ സ്​റ്റാർട്ട്​ ഒഴിവാക്കുന്നു

പഴയ കാല ബുള്ളറ്റുകൾ ഉപയോഗിച്ചവർക്കറിയാം, റോയലി​െൻറ കിക്കറി​െൻറ പ്രത്യേകത. വാഹനം സ്​റ്റാർട്ട്​ ചെയ്യുന്നതുതന്നെ ഒരു കലയായിരുന്നെങ്കിൽ അത്​ ഏറ്റവും ചേരുക എൻഫീൽഡിനായിരുന്നു. 'എഞ്ചിൻ കിൽ സ്വിച്ച്​ ഒാഫാക്കി ഡീകംപ്രസ്സ്​ ചെയ്​ത്​ ആംപിയർ ലെവലാക്കി കിക്കർ ഒന്ന്​ ചവിട്ടി ഒരൊറ്റ അടി'-അറിയാവുന്നവർക്ക്​ എളുപ്പവും അറിയാത്തവർക്ക്​ ഭയങ്കര പ്രയാസവും ഉള്ള ഇൗ കലയിലൂടെയായിരുന്നു ഒാരോ ബുള്ളറ്റുകളും ജീവൻ വച്ചിരുന്നത്​.

അക്കാലത്ത്​ ഒരു നാട്ടിൽ ഒന്നോ രണ്ടോ പേർക്കാവും ബുള്ളറ്റ്​ ഉണ്ടായിരിക്കുക. അവർ ഇൗ തടിയൻ വാഹനം സ്​റ്റാർട്ട്​ ചെയ്യുന്നത്​ മാറിനിന്ന്​ നോക്കുന്നതുതന്നെ ഒരു ഭാഗ്യമായാണ്​ ഗണിച്ചിരുന്നത്​. കാലം മാറി, കഥമാറി. കിക്കറിനൊപ്പം പുഷ്​ സ്​റ്റാർട്ടും റോയലി​െൻറ വാഹനങ്ങളിൽ ഇടംപിടിച്ചു. പിന്നീടാരും പഴയ കിക്ക്​ സ്​റ്റാർട്ട്​ കലയിലേക്ക്​ തിരിച്ചുപോകാൻ ആഗ്രഹിച്ചിരുന്നില്ല. പതിയെ പതിയെ കിക്കർ ഒരു ഭാരമായും മാറി. പുതിയ ക്ലാസിക്കിൽ കിക്​സ്​റ്റാർട്ട്​തന്നെ ഒഴിവാക്കുമെന്നാണ്​ റോയൽ എൻഫീൽഡ് പറയുന്നത്​​. ഇതോടെ റോയലായി ജീവിച്ചിരുന്ന ഒരു തലമുറയുടെ അന്ത്യംകൂടിയാണ്​ കുറിക്കുന്നത്​.


നേരത്തേ പ്രചരിച്ച വീഡിയോ അനുസരിച്ച്​ നാവിഗേഷൻ ഇല്ലാത്ത ഒരു വകഭേദവും റോയൽ എൻഫീൽഡ്​ ക്ലാസികിനായി കരുതിവച്ചിട്ടുണ്ട്​. പുതിയ നിറങ്ങളും ഗ്രാഫിക്സും ഉൾപ്പെടുത്തിയതും പ്രത്യേകതയാണ്​. ക്ലാസിക്ക് 350ൽ മീറ്റിയോറി​െൻറ റെട്രോ സ്വിച്ച് ഗിയറും ഉൾപ്പെടുത്തിയിട്ടുണ്ട്​. ഹെഡ്‌ലൈറ്റ് ബിനാക്കിളിലാണ്​ ട്രിപ്പർ നാവിഗേഷൻ പോഡ് സംയോജിപ്പിച്ചിരിക്കുന്നത്​. എന്നാൽ വീഡിയോയിൽ ഉള്ള ബൈക്കിന്​ നാവിഗേഷൻ വരുന്ന സ്​ഥാനത്ത്​ റോയൽ ​ലോഗോ ആണ്​ നൽകിയിട്ടുള്ളത്​. ട്രിപ്പർ നാവിഗേഷൻ ഇല്ലാത്ത വിലകുറഞ്ഞ ഒരു വകഭേദവും ബൈക്കിന്​ ഉണ്ടാകുമെന്നാണ്​ ഇതുനൽകുന്ന സൂചന. 1.90 മുതൽ 2ലക്ഷംവരെയാണ്​ ക്ലാസികിന്​ വില പ്രതീക്ഷിക്കുന്നത്​.

Show Full Article
TAGS:Royal Enfield Classic 350 Bullet 350 hotwheels 
Next Story