നോ പാർക്കിങ്ങിൽ വാഹനം; സ്കൂട്ടറിനൊപ്പം ഉടമയേയും പൊക്കി മാറ്റി പൊലീസ് -വിഡിയോ
text_fields
നാഗ്‌പുർ (മഹാരാഷ്ട്ര): നോ പാർക്കിങ് ഏരിയയിൽ ഇരുചക്ര വാഹനം പാർക് ചെയ്‌തയാൾ പുതിവാല് പിടിച്ചു. സ്കൂട്ടറിനൊപ്പം ഉടമയെയും ക്രെയിനില്‍ തൂക്കിയെടുത്ത് ട്രാഫിക് പൊലീസ്.
നാഗ്‌പൂർ നഗരത്തിലെ സദർ ഏരിയയിലെ അഞ്ജുമാൻ കോംപ്ലക്‌സിന് സമീപമാണ് സംഭവം. ഇതിന്റെ വിഡിയോ സമൂഹമാധ്യമങ്ങളിൽ തരംഗമായി. ക്രെയിനില്‍ തൂങ്ങിക്കിടക്കുന്ന സ്‌കൂട്ടറും അതിന് മുകളിലിരിക്കുന്ന യാത്രികനുമാണ് വിഡിയോയിൽ കാണുന്നത്. വീഡിയോ വൈറലായതോടെ വിശദമായ അന്വേഷണത്തിന് ട്രാഫിക് പൊലീസ് ഉത്തരവിട്ടിട്ടുണ്ട്.
#नागपुर के अंजुमन कॉम्प्लेक्स के पास ट्रैफिक पुलिस ने नो पार्किंग जोन में खड़ी स्कूटर को सवार मालिक के साथ ही उठाया।
— Chaudhary Parvez (@ChaudharyParvez) July 22, 2022
वीडियो वायरल होने के बाद वरिष्ठ अधिकारियों ने कांट्रेक्टर कंपनी के खिलाफ कार्रवाई करने की बात सामने आ रही है।#nagpur #Maharashtra pic.twitter.com/HxjnGyziXV
സ്‌കൂട്ടര്‍ പൊക്കാന്‍ ട്രാഫിക് വിഭാഗത്തിന്‍റെ ഹൈഡ്രോളിക് ക്രെയിൻ എത്തിയ ഉടൻ സ്‌കൂട്ടറില്‍ ഉടമ കയറിയിരിക്കുകയായിരുന്നെന്നാണ് പൊലീസ് പറയുന്നത്. എന്നാൽ താൻ വാഹനം പാർക് ചെയ്തില്ലെന്നും സ്കൂട്ടറിൽ ഇരിക്കുകയായിരുന്നെന്നും ഉടമ പറയുന്നു.