Begin typing your search above and press return to search.
exit_to_app
exit_to_app
Homechevron_rightHot Wheelschevron_rightOverdrivechevron_rightകോടിയേരി...

കോടിയേരി ഇല്ലെങ്കിലെന്താ, മിനി കൂപ്പർ ഉണ്ടല്ലോ; കാരാട്ട്​ ഫൈസലി​െൻറ വിജയരഥം പരിചയപ്പെടാം

text_fields
bookmark_border
കോടിയേരി ഇല്ലെങ്കിലെന്താ, മിനി കൂപ്പർ ഉണ്ടല്ലോ; കാരാട്ട്​ ഫൈസലി​െൻറ വിജയരഥം പരിചയപ്പെടാം
cancel

പണ്ടൊരിക്കൽ മിനി കൂപ്പറിൽ ഒന്ന്​ കയറിയതാണ്​ സി.പി.എം സംസ്​ഥാന സെക്രട്ടറി കോടിയേരി ബാലകൃഷ്​ണൻ. ജനജാഗ്രതാ യാത്രയായിരുന്നു അന്ന്​ കോടിയേരി നടത്തിയത്​. യാത്രക്കിടയിൽ ഒരു ചുവന്ന കാറിൽ കയറി കുറച്ചുദൂരം സഞ്ചരിച്ചിരുന്നു അദ്ദേഹം. സ്വതവേ ഇത്തരം കാര്യങ്ങളിൽ ജാഗ്രത കൂടുതലുള്ള നാട്ടുകാർ അത്​ സാധാരണ കാറല്ലെന്നും ആഡംബര കാർ ആണെന്നും പേര്​ മിനി കൂപ്പർ എന്നാണെന്നും കണ്ടെത്തി. ആളൊരു വിദേശ ജനുസാണെന്ന​ുകൂടി ഗവേഷകർ കണ്ടുപിടിച്ചതോടെ സംഗതി കൈവിട്ടുപോയി.

തൊഴിലാളി വർഗ നായകൻ വിദേശനിർമിത ആഢംബര കാറിൽ സഞ്ചരിക്കുന്നു എന്ന്​ എതിരാളികൾ പാടിനടന്നു. ചെറിയൊരു ജാഗ്രതക്കുറവ്​ പാർട്ടി സെക്രട്ടറിക്ക്​ സംഭവിച്ചതായി അനുയായികൾപോലും വിലയിരുത്തി​. അന്ന്​ കോടിയേരി ബാലകൃഷ്​ണന്​ ഒപ്പം മിനി കൂപ്പറിൽ സഞ്ചരിച്ച കാരാട്ട്​ ഫൈസലും വിവാദ നായകനായി.


കാലം മാറി കഥ മാറി...ഇന്ന്​ കാരാട്ട്​ ഫൈസൽ നിർണായകമായൊരു തെരഞ്ഞെടുപ്പ്​ യുദ്ധം ജയിച്ച്​ വരു​േമ്പാൾ പര്യടനത്തിന്​ തെരഞ്ഞെടുത്തതും മിനി കൂപ്പറാണ്​. ഒപ്പം സഖാവില്ലെങ്കിലും ഫൈസലി​െൻറ വിജയം ​ശ്രദ്ധേയമാണ്​. സ്വർണ്ണക്കടത്തിൽ ആരോപണവിധേയനായ ഫൈസലിനെ സി.പി.എം തെരഞ്ഞെടുപ്പിൽ നിന്ന്​ ഒൗദ്യോഗികമായി ഒഴിവാക്കിയിരുന്നു. പകരം ഒരു സ്​ഥാനാർഥിയെ നിശ്​ചയിക്കുകയും ചെയ്​തു. ഫൈസലാക​െട്ട സ്വതന്ത്രനായി മത്സരിച്ചു. എന്നാൽ ഫലം വന്നപ്പോഴാണ്​ ഞെട്ടിക്കുന്ന ആ സത്യം നാട്ടുകാർ തിരിച്ചറിഞ്ഞത്​. ഫൈസൽ വിജയിച്ചു എന്ന്​ മാത്രമല്ല ഇടതുപക്ഷത്തി​െൻറ ഒൗദ്യോഗിക സ്​ഥാനാർഥിക്ക്​ കിട്ടിയത്​ പൂജ്യം വോട്ടും. എല്ലാവരേയും തോൽപ്പിച്ച ഫൈസൽ ത​െൻറ വിജയയാത്രക്ക്​ തെരഞ്ഞെടുത്തതാക​െട്ട പുതുപുത്തൻ മിനികൂപ്പറും.

മിനി കൂപ്പർ എന്ന ആഢംബര കാർ

സത്യത്തിൽ മിനി കൂപ്പർ ഒരു ആഡംബര വാഹനമാണോ? അത്​ തൽക്കാലം നമ്മുടെ ചിന്താഗതി പോലിരിക്കും. പാവം പോളോയും സ്വിഫ്​റ്റുമൊക്കെ ആഡംബരമാകുന്ന കാലത്ത്​ മിനി കൂപ്പർ നിസംശയം ഒരു ആഡംബര വാഹനമാണെന്ന്​ പറയാം. ​െഎതിഹാസികമായൊരു ബ്രിട്ടീഷ്​ കാർ കമ്പനിയാണ്​ മിനി. നിലവിൽ ബി.എം.ഡബ്ല്യ​ൂ ആണ്​ മിനിയുടെ ഉടമസ്​ഥർ. മികച്ച ​സവിശേഷതകളുള്ള ചെറുകാറുകളാണ്​ മിനി എക്കാലത്തും നിർമിച്ചിട്ടുള്ളത്​. ഡ്രൈവബിലിറ്റിയാണ്​ മിനിയുടെ ഏറ്റവും വലിയ സവിശേഷത.


മിനിയുടെ കൂടെയുള്ള കൂപ്പർ എന്നത്​ ജോൺ കൂപ്പർ വർക്​സ്​ എന്ന ​ബ്രിട്ടീഷ്​ കമ്പനിയുടെ ചുരുക്കപ്പേരാണ്​. ഇവരുടേയും നിലവിലെ ഉടമസ്​ഥർ ബി.എം.ഡബ്ല്യൂ തന്നെയാണ്​. എംപ്ലങ്ങൾ, എക്​സ്​ഹോസ്​റ്റുകൾ, എയർ ഫിൽറ്റർ തുടങ്ങി അല്ലറ ചില്ലറ സാധനങ്ങൾ ഉണ്ടാക്കുന്ന ജോൺ കൂപ്പർ വർക്​സ്​ മിനിയുമായി ചേർന്നാണ്​ പ്രവർത്തിക്കുന്നത്​. മിനിക്ക്​ നിരവധി മോഡലുകളുണ്ട്​. മിസി എസ്​, മിസി എസ്​ കൺവെർട്ടിബിൾ, ക്ലബ്​മാൻ, കൺട്രി മാൻ തുടങ്ങിയ മോഡലുകൾ ജനപ്രിയമാണ്​. മിനി എസ്​ കൺവെർട്ടിബിൾ ആണ്​ കാരാട്ട്​ ഫൈസലി​െൻറ വിജയഘോഷയാത്രയിൽ കാണുന്ന വാഹനം.


തുറന്ന മുകൾഭാഗമുള്ള ഇൗ വാഹനം മൂന്ന്​ ഡോർ കൂപ്പെ സ്​റ്റൈലിങ്ങിലാണ്​ വരുന്നത്​. 35-40 ലക്ഷം വിലവരുന്ന മിനി എസ്​ കൺവെർട്ടിബിൾ രണ്ട്​ വേരിയൻറുകളിൽ ലഭ്യമാണ്. 1998 സിസി, ബിഎസ് 6, സിംഗിൾ ഓട്ടോമാറ്റിക് ട്രാൻസ്​മിഷൻ വാഹനമാണിത്​. 1370 കിലോഗ്രാം ഭാരം മാത്രമാണുള്ളത്​. 125 ലിറ്ററാണ്​ ബൂട്ട് സ്പേസ്. 15 നിറങ്ങളിൽ വാഹനം ലഭ്യമാണ്.

Show Full Article
TAGS:MINI MINI Cooper karattu faisal 
Next Story