കുഞ്ഞൻ വാഗണറി​െൻറ ലിമോസിൻ പരിണാമം; അതും വെറും 2.3ലക്ഷത്തിന്​​

സുസുക്കിയുടെ ഏറ്റവും ജനപ്രിയ വാഹനങ്ങളിൽ ഒന്നാണ്​ വാഗണർ. ഇന്ത്യയിലായാലും ജപ്പാനിലായാലും പാകിസ്​ഥാനിലായാലും അതിന്​ മാറ്റമൊന്നുമില്ല. വാഗണർ എന്നാൽ അതി​െൻറ കുഞ്ഞൻ രൂപമാണ്​ ആദ്യം മനസിൽവരിക. നഗര യാത്രകൾ അനായാസമാക്കുന്ന, ഉയർന്ന സീറ്റിങ്​ പൊസിഷനുള്ള വാഹനമായതിനാൽ തുടക്കക്കാരായ ഡ്രൈവർമാരുടെ പ്രിയ വാഹനമാണ്​ വാഗണർ. ഇതിനൊക്കെ നേർ വിപരീദ ചിത്രങ്ങളാണ്​ ലിമോസിൻ എന്ന്​ കേട്ടാൽ നമ്മുടെ മനസിലെത്തുക. നീണ്ട്​ നിവർന്ന്​ കിടക്കുന്ന, വളക്കാനും തിരിക്കാനും ബുദ്ധിമുട്ടുള്ള നേർ​രേഖയിൽ സഞ്ചരിക്കുന്ന ആഡംബര വാഹനങ്ങളാണ്​ ലിമോസിനുകൾ. ഇൗ രണ്ട്​ വാഹനങ്ങളേയും ഒന്നിച്ച്​ ചേർത്തിരിക്കുകയാണ്​ പാകിസ്​ഥാനിൽ നിന്നുള്ള വാഹനപ്രേമി. അതിന്​ ചിലവായതാക​െട്ട നിസാര തുകയാണെന്നതും പ്രത്യേകതയാണ്​. വെറും 2.3 ലക്ഷം ചിലവിലാണ്​ വാഗണറിനെ ലിമോസിനായി മാറ്റിയിരിക്കുന്നത്​.

മുഹമ്മദ് ഇർഫാൻ ഉസ്​മാൻ എന്നാണ് കാറി​െൻറ ഉടമയുടെ പേര്. പാക്കിസ്ഥാനിൽ കാർ ഗാരേജും വർക്ക്‌ഷോപ്പും ഇദ്ദേഹത്തിനുണ്ട്. 35 വർഷത്തിലേറെയായി അദ്ദേഹം ഈ രംഗത്തുണ്ട്​. 1977 മുതൽ അദ്ദേഹം സൗദി അറേബ്യയിൽ ജോലിചെയ്​തിരുന്നു​. പാക്കിസ്ഥാനിലേക്ക് മടങ്ങിയെത്തിയ ഉസ്​മാൻ പുതിയ വർക്ക് ഷോപ്പ് ആരംഭിക്കുകയായിരുന്നു. പിന്നീടാണ്​ പുതിയ പദ്ധതി ആരംഭിച്ചത്​. തുടർന്ന്​ ഉസ്​മാൻ 2018 ൽ വാഗണർ ഇറക്കുമതി ചെയ്​തു. 2015 മോഡൽ വാഹനമായിരുന്നു ഇത്​. മൂന്ന്​ വർഷത്തോളം സമയമെടുത്തായിരുന്നു വാഹനത്തി​െൻറ പരിണാമം. വാഗണറി​െൻറ മുൻഭാഗവും പിൻഭാഗവും നിലനിർത്തി നടുവിൽ മുറിച്ച്​ പുതിയൊരുഭാഗം കൂട്ടിച്ചേർക്കുകയായിരുന്നു.

മുന്നിലും പിന്നിലുമുള്ള ആക്‌സിലുകളും വാഹന ഭാഗങ്ങളും പിന്നീട്​ കൂട്ടിച്ചേർത്തതാണ്​. വാതിലുകൾ, മേൽക്കൂര, ഇരിപ്പിടങ്ങൾ എന്നിവ ഇറക്കുമതി ചെയ്തു. പദ്ധതിയുടെ ആകെ ചെലവ് ഏകദേശം 5 ലക്ഷം പാകിസ്​ഥാനി രൂപയാണ്. ഇന്ത്യൻ രൂപയിൽ കണക്കാക്കിയാൽ ഇത് 2.3 ലക്ഷം രൂപവരും. വാഹനത്തി​െൻറ യഥാർത്ഥ നീളത്തിൽ 3 അടി 7 ഇഞ്ച് അധികമായി ചേർത്തിട്ടുണ്ട്​. 14.5 അടി നീളമുള്ള കാറാണ് നിലവിലുള്ളത്​. ആറ് വാതിലുകളുള്ള വാഹനത്തിൽ ആുപേർക്ക്​ സഞ്ചരിക്കാം. കാറിൽ മറ്റ് മാറ്റങ്ങളൊന്നുമില്ല. എഞ്ചിനും ഓട്ടോമാറ്റിക് ട്രാൻസ്​മിഷനുമെല്ലാം ഒറിജിനൽ വാഗണറിലേതാണ്​.