Begin typing your search above and press return to search.
exit_to_app
exit_to_app
Malayalam movie star Prithviraj’s latest ride is a Mini Cooper JCW
cancel
Homechevron_rightHot Wheelschevron_rightOverdrivechevron_rightപൃഥ്വിരാജിന്​ പിറന്നാൾ ...

പൃഥ്വിരാജിന്​ പിറന്നാൾ സമ്മാനമായി കിടിലൻ കാർ​ നൽകി ഭാര്യ സുപ്രിയ

text_fields
bookmark_border

നടനും സംവിധായകനുമായ പൃഥ്വിരാജിന്​ അപ്രതീക്ഷിത പിറന്നാൾ സമ്മാനവുമായി ഭാര്യ സുപ്രിയ. മിനി കൂപ്പറി​െൻറ പെർഫോമൻസ്​ വാഹനമായ ജെ.സി.ഡബ്ല്യു അഥവാ ജോൺ കൂപ്പർ വർക്​സ്​ ആണ്​ സുപ്രിയ പൃഥ്വിരാജിന്​ സമ്മാനിച്ചത്​. കൊച്ചിയിലെ മിനി ഡീലർഷിപ്പായ ഇവിഎം മിനിയിൽ നിന്നാണ് വാഹനം വാങ്ങിയത്. ഇരുവരും ചേർന്ന്​ വാഹനം ഷോറൂമിലെത്തി സ്വീകരിക്കുന്നതി​െൻറ ചിത്രങ്ങൾ സമൂഹമാധ്യമങ്ങളിൽ വൈറലാണ്​.


മിനി ജോൺ കൂപ്പർ വർക്​സ്​ പതിപ്പ് 2019 ലാണ്​ ഇന്ത്യൻ വിപണിയിൽ അവതരിപ്പിച്ചത്​. മിനി കൂപ്പർ മോഡലുകൾക്കായുള്ള യുകെയിലെ ഒരു ട്യൂണിങ്​ ഹൗസാണ് ജെ.സി.ഡബ്ല്യു. റിബൽ ഗ്രീൻ നിറത്തിലുള്ള സ്പോർട്ടി ലുക്കുള്ള കാറിന് റെഡ് ഹൈലൈറ്റുകൾ ലഭിക്കും. 2.0 ലിറ്റർ ടർബോചാർജ്​ഡ്​ പെട്രോൾ എഞ്ചിനാണ് വാഹനത്തിനുള്ളത്​. എഞ്ചിൻ 234 പിഎസും 320 എൻഎം ടോർക്കും സൃഷ്ടിക്കും. എട്ട്​ സ്​പീഡ് ഓട്ടോമാറ്റിക് ട്രാൻസ്​മിഷനുമായി എഞ്ചിൻ ബന്ധിപ്പിച്ചിരിക്കുന്നു. കാറി​െൻറ മൊത്തത്തിലുള്ള ഡിസൈൻ സാധാരണ മിനി കൂപ്പർ എസിന് സമാനമാണ്.


എഞ്ചിൻ കൂടുതൽ കരുത്ത്​ സൃഷ്ടിക്കുന്നതിനാൽ, കാറിന് അഡാപ്റ്റീവ് സസ്പെൻഷനും മുൻ ബമ്പറിലെ എയർവെൻറുകളും വലിയ ഡിസ്​ക്​ ബ്രേക്കുകളും ലഭിക്കും. 6.1 സെക്കൻഡിൽ കാറിന് 0-100 കിലോമീറ്റർ വേഗത കൈവരിക്കാൻ കഴിയും. 8.8 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻറ്​ സ്‌ക്രീൻ, ഹെഡ്‌സ്-അപ്പ് ഡിസ്പ്ലേ, ഹാർമൻ കാർഡൺ സ്​പീക്കർ സിസ്റ്റം, ജെസിഡബ്ല്യു കസ്റ്റം സ്പോർട്​സ്​ സീറ്റുകൾ തുടങ്ങിയ ഉള്ളിലുണ്ട്​. രാജ്യത്ത് ലഭ്യമായ മിനിയുടെ ഏറ്റവും ചെലവേറിയ പെർഫോമൻസ് ഹാച്ച്ബാക്കാണ് ജെ.ഡബ്ല്യു.സി. വില ഏകദേശം 45.50 ലക്ഷം രൂപയാണ്.



Show Full Article
TAGS:Prithviraj Mini Cooper Supriya gift Birthday 
News Summary - Malayalam movie star Prithviraj’s latest ride is a Mini Cooper JCW
Next Story