Begin typing your search above and press return to search.
proflie-avatar
Login
exit_to_app
exit_to_app
ചില്ല്​ പൊട്ടിയപ്പോൾ പൊടിഞ്ഞത്​ ആറ്​ ലക്ഷം; ചില്ലറക്കാരനല്ല നടൻ ജോജുവിന്‍റെ വിവാദ എസ്​.യു.വി
cancel
Homechevron_rightHot Wheelschevron_rightOverdrivechevron_rightചില്ല്​ പൊട്ടിയപ്പോൾ...

ചില്ല്​ പൊട്ടിയപ്പോൾ പൊടിഞ്ഞത്​ 'ആറ്​ ലക്ഷം'; ചില്ലറക്കാരനല്ല നടൻ ജോജുവിന്‍റെ വിവാദ എസ്​.യു.വി

text_fields
bookmark_border

റോഡ് തടയൽ​ സമരവും അതിനെതിരായ നടൻ ജോജു ജോർജി​െൻറ പ്രതിഷേധവും സമൂഹമാധ്യമങ്ങളിൽ വൈറലാണ്​. ഇതിനിടയിൽ മറ്റൊരാൾകുടി വിവാദ നായകനായിട്ടുണ്ട്​. അത്​ ജോജുവി​െൻറ വാഹനമാണ്​. ഇൗ വാഹന​മൊരു എസ്​.യു.വിയാണ്​. ഇതിലാണ്​ ജോജു പ്രതിഷേധ സ്​ഥലത്ത്​ അക​പ്പെട്ടത്​. നട​െൻറ വാക്കുകളിൽ പ്രകോപിതരായ പ്രതിഷേധക്കാർ തല്ലിപ്പൊളിച്ചതും ഇതേ വാഹനമാണ്​. പിൻചില്ലുകൾ പൊട്ടുകയും ചില്ലറ പരിക്കുകൾ ഏൽക്കുകയും ചെയ്​ത വാഹനത്തിനുണ്ടായ നഷ്​ടം ആറ്​ ലക്ഷമെന്നാണ്​ റിപ്പോർട്ടുകൾ. ഇത്ര ചെറിയ കുഴപ്പങ്ങൾക്ക്​ ആറ്​ ലക്ഷമൊക്കെ ചിലവാകുമോ എന്ന്​ സംശയിക്കുന്നവരുണ്ടാകാം. ആ കണക്ക്​ കുറച്ച്​ അതി​ശയോക്​തിപരമാണെന്നത്​ വസ്​തുതയാണ്​. പക്ഷെ ലാൻഡ്​റോവർ ഡിഫൻഡർ എന്ന ഇൗ അസാധ്യ എസ്​.യു.വി ഒരു സംഭവം തന്നെയാണ്​. ലോകത്തെ ഏറ്റവും മികച്ച ഒാഫ്​റോഡർ എന്ന്​ ഏറെ ദശാബ്​ദങ്ങളായി പുകൾപെറ്റ വാഹനമാണ്​ ഡിഫൻഡർ. ജോജുവിനെക്കൂടാതെ നടൻ ദുൽഖർ സൽമാനും ഡിഫൻഡർ സ്വന്തമായുണ്ട്​.

അടുത്തിടെ ജോജുവും സുഹൃത്തുക്കളും ചേർന്ന്​ ഡിഫൻഡറിൽ നോർത്ത്​ ഇൗസ്​റ്റ്​ സംസ്​ഥാനങ്ങളൊക്കെ സന്ദർശിച്ചിരുന്നു.റോഡുകളേക്കാൾ കാടുകളെ സ്​നേഹിക്കുന്ന വാഹനമാണ്​ ഡിഫൻഡർ എന്ന്​ പറയാം. 2020 ഒക്​ടോബർ 15നാണ്​​ ഡിഫൻഡറിനെ ഇന്ത്യൻ വിപണിയിൽ അവതരിപ്പിച്ചത്​. സെപ്റ്റംബറിൽ ഫ്രാങ്ക്ഫർട്ട് മോട്ടോർ ഷോയിലാണ് പുതിയ എസ്‌യുവി ആഗോളതലത്തിൽ അരങ്ങേറ്റം കുറിച്ചത്. 69.99 ലക്ഷം (എക്സ്-ഷോറൂം, ഇന്ത്യ) ആണ്​ കുറഞ്ഞ വേരിയൻറി​െൻറ വില. ഉയർന്ന വകഭേദത്തിന്​ ഒരു കോടിയിലധികം വിലവരും. ​െഎതിഹാസികമായ പാരമ്പര്യമുള്ള വാഹനമാണ്​ ഡിഫൻഡർ. പുതിയ തലമുറ വാഹനം ഒറിജിനലി​െൻറ കഴിവുകൾ നിലനിർത്തിയും ആധുനികത കൂട്ടിച്ചേർത്തുമാണ്​ നിർമിച്ചിരിക്കുന്നത്​.


ഡിഫൻഡറി​െൻറ ചരിത്രത്തിലാദ്യമായി അതൊരു മോണോകോക്​ വാഹനമായി മാറിയിട്ടുണ്ട്​​. ഡി 7 എക്​സ്​ എന്ന്​ വിളിക്കുന്ന പ്ലാറ്റ്​ഫോമിലാണ്​ നിർമാണം. ഒാഫ്​റോഡ്​ വാഹനങ്ങൾ ലാഡർ​ഫ്രെയിം ഷാസിയിലായിരിക്കണം എന്ന പരമ്പരാഗത സങ്കൽപ്പത്തെ അട്ടിമറിക്കുകയാണ്​ ലാൻഡ്​റോവർ എഞ്ചിനീയർമാരുടെ പുതിയ നീക്കത്തിന്​ പിന്നിൽ. ഡിഫെൻഡർ 90(3-ഡോർ), ഡിഫെൻഡർ 110(5-ഡോർ) എന്നിങ്ങനെ രണ്ട് മോഡലുകളിലാണ് വാഹനം വരുന്നത്. ബേസ്, എസ്, എസ്ഇ, എച്ച്എസ്ഇ, ഫസ്റ്റ് എഡിഷൻ എന്നിങ്ങനെ അഞ്ച് വേരിയൻറുകൾ വാഹനത്തിനുണ്ട്​.


എഞ്ചിൻ

2.0 ലിറ്റർ, നാല് സിലിണ്ടർ, ബിഎസ് 6 പെട്രോൾ എഞ്ചിൻ മാത്രമാണ് ഇന്ത്യയിലെ ഡിഫൻഡറിൽ ഉൾപ്പെടുത്തിയിട്ടുള്ളത്​. 292 ബിഎച്ച്പി കരുത്തും 400 എൻഎം ടോർക്കുമാണ് വാഹനം ഉത്​പാദിപ്പിക്കുന്നത്​. ഓട്ടോമാറ്റിക് ട്രാൻസ്മിഷൻ മാത്രമാണ്​ വാഹനത്തിനുള്ളത്​. നമ്മുടെ ഇഷ്​ടമനുസരിച്ച്​ മാറ്റം വരുത്താവുന്ന ലാൻഡ് റോവറി​െൻറ ടെറൈൻ റെസ്പോൺസ് 2 സിസ്റ്റവും ഓഫ്-റോഡർ നൽകുന്നു.ഓഫ്-റോഡുകളിൽ സ്വന്തമായി 145 മില്ലീമീറ്റർവരെ സസ്​പെൻഷൻ ഉയർത്താനും കഴിയും.

എയർ സസ്പെൻഷനാണ്​ വാഹനത്തിനെന്നതും പ്രത്യേകതയാണ്​. പിവി പ്രോ ഇൻഫോടെയ്ൻമെൻറ്​ സിസ്റ്റം, 10 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻറ്​ സിസ്റ്റം, 12.3 ഇഞ്ച് ഡിജിറ്റൽ ഇൻസ്ട്രുമെൻറ്​ ക്ലസ്റ്റർ എന്നിവ ഉൾപ്പെടുത്തിയിട്ടുണ്ട്​. 360 ഡിഗ്രി ക്യാമറ അസിസ്റ്റ്, ഹെഡ്-അപ്പ് ഡിസ്‌പ്ലേ തുടങ്ങിയ സൗകര്യങ്ങളുമുണ്ട്​.

ഡിഫൻഡർ വി 8 എഞ്ചിനിലും ലഭ്യമാണ്​. എക്കാലത്തെയും ശക്തനായ ഡിഫെൻഡറാണിത്​. ഡിഫെൻഡർ വി 8 ന്​ 525 എച്ച്പി, 5.0 ലിറ്റർ, സൂപ്പർചാർജ്ഡ് 'എജെ' വി 8 എഞ്ചിനാണ്​ നൽകിയിരിക്കുന്നത്​. സൗന്ദര്യവർധക്കായി ക്വാഡ് എക്‌സ്‌ഹോസ്റ്റ്, 22 ഇഞ്ച് വീലുകൾ, ബ്ലൂ ഫ്രണ്ട് ബ്രേക്ക് കാലിപ്പറുകൾ എന്നിവയും ഉൾപ്പെടുത്തിയിട്ടുണ്ട്​. കരുത്തേറിയ സസ്പെൻഷനും ആന്‍റി-റോൾ ബാറുകളും വാഹനത്തിലുണ്ട്​.


എഞ്ചിനാണ്​ വി8ലെ താരം

5.0 ലിറ്റർ സൂപ്പർചാർജ്ഡ് എജെ വി 8 എഞ്ചിൻ റേഞ്ച് റോവർ സ്പോർട്​, ജാഗ്വാർ എഫ്-ടൈപ്പ് എന്നിവയുൾപ്പെടെയുള്ള പ്രകടന-കേന്ദ്രീകൃത മോഡലുകളിൽ നേരത്തേ വന്നിട്ടുള്ളതാണ്​. വി 8 ഡിഫെൻഡറിന്​ പൂജ്യത്തിൽ നിന്ന്​ 100 കിലോമീറ്റർ വേഗമാർജിക്കാൻ വെറും 5.2 സെക്കൻഡ്​ മതിയാകും. ഷോർട്ട് വീൽബേസുള്ള ത്രീ-ഡോർ 90 വേഷത്തിൽ 240 കിലോമീറ്റർ വരെ വാഹനം വേഗത കൈവരിക്കും. പുതിയ ഡിഫെൻഡർ ഹാൻഡ്​ലിങിലും മികവുപുലർത്തുന്ന വാഹനമാണ്​.

സ്റ്റാൻഡേർഡ് ഡിഫെൻഡറിലെ ടെറൈൻ റെസ്‌പോൺസ് സിസ്റ്റം, ഓഫ്‌-റോഡ് ഡ്രൈവിങ്​ മോഡുകൾ എന്നിവക്കുപുറമേ, വി 8 പതിപ്പിൽ പുതിയ ഡൈനാമിക് സെറ്റിങ്ങും ഉൾപ്പെടുത്തിയിട്ടുണ്ട്​. ഇത് ത്രോട്ടിൽ റെസ്​പോൺസ്​ വർധിപ്പിക്കുകയും തുടർച്ചയായി വേരിയബിൾ ഡാംപറുകൾ ക്രമീകരിച്ച്​ ഡ്രൈവിങ്​ ആസ്വാദ്യകരമാക്കുകയും ചെയ്യും. വി 8 ൽ ഉറച്ച സസ്പെൻഷൻ ബുഷുകളും ഫ്ലാറ്റർ കോർണറിംഗിനായി ആന്‍റി-റോൾ ബാറുകളും ഉണ്ട്.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:joju georgeland roverdefender
News Summary - actor joju george owned land rover defender is the best suv ever
Next Story