Begin typing your search above and press return to search.
exit_to_app
exit_to_app
Homechevron_rightHot Wheelschevron_rightOverdrivechevron_rightനിങ്ങളുടെ ബൈക്ക്​...

നിങ്ങളുടെ ബൈക്ക്​ ഇ.വിയാക്കി മാറ്റാം; ഇന്ത്യയിലെ ആദ്യ കൺവെർഷൻ കിറ്റ്​ തയ്യാർ; റേഞ്ച്​ 150 കിലോമീറ്റർ, വേഗത 70 km/h

text_fields
bookmark_border
India’s first RTO approved electric conversion kit for motorcycles
cancel

ഇലക്​ട്രിക്​ വാഹനങ്ങളുടെ വിൽപ്പനയിലെ ഏറ്റവും വലിയ പ്രതിബന്ധം അതി​െൻറ വിലയാണ്​. സാധാരണ എഞ്ചിനുള്ള വാഹനങ്ങളുടെ ഇരട്ടി വിലയാണ്​ ഇ.വികൾക്ക്​. ഇതിനൊരു പരിഹാരമാണ്​ കൺവെർട്ടിബിളുകൾ. നമ്മുടെ ബൈക്കിനെ ഇ.വിയാക്കി മാറ്റുകയാണെങ്കിൽ അത്​ കുറച്ചുകൂടി ചിലവുകുറഞ്ഞ പരിപാടിയായിരിക്കും. ഇത്തരത്തിൽ ബൈക്കുകൾക്കായി ഒരു കിറ്റ്​ അവതരിപ്പിച്ചിരിക്കുകയാണ്​ ഗോ ഗോ വൺ എന്ന കമ്പനി. അവരുടെ അവകാശവാദം അനുസരിച്ച്​ തങ്ങളുടെ ഇ.വി കിറ്റ്​ ഉപയോഗിച്ച്​ മാറ്റംവരുത്തിയ വാഹനങ്ങൾക്ക്​ ആർ.ടി.ഒയുടെ അംഗീകാരമുണ്ട്​. അതിനാൽതന്നെ വാഹനത്തിന്​ ഇൻഷുറൻസ്​ പരിരക്ഷ ലഭിക്കുമെന്നും കമ്പനി അവകാശപ്പെടുന്നു.

വാഹനത്തി​െൻറ ഘടന

2kW ശേഷിയുള്ള ബാറ്ററിയാണ്​ കിറ്റിലുള്ളത്​. എഞ്ചിന് പകരം ബാറ്ററിയും കൺട്രോളറും ഘടിപ്പിച്ചിരിക്കുന്നു. എംസിബിയും ചില കൺവെർട്ടറുകളും സൈഡ് പാനലുകൾക്ക് പിന്നിലാണ്​ പിടിപ്പിച്ചിരിക്കുന്നത്​. ഡ്രം ബ്രേക്കുകൾ ഉപയോഗിച്ചാണ് ബ്രേക്കിങ്​ നടത്തുന്നത്. ബജാജ് പൾസറിൽ നിന്നാണ് പിൻ ബ്രേക്ക് പ്ലേറ്റ് എടുത്തത്. ഒരു കിൽ സ്വിച്ച് കൂട്ടിച്ചേർക്കുന്നതല്ലാതെ സ്വിച്ച് ഗിയറിൽ മാറ്റങ്ങളൊന്നുമില്ല. ഇൗ കിറ്റിന്​ ഏറ്റവും അനുയോജ്യമായ ബൈക്ക്​ പഴയ ഹീറോഹോണ്ട സ്പ്ലെൻഡറാണ്​. 1997 -ന് ശേഷം വിൽക്കുന്ന ഏത് സ്പ്ലെൻഡറിനും കിറ്റ് ഘടിപ്പിക്കാൻ കഴിയും. വാഹനത്തിന്​ വഹിക്കാൻ കഴിയുന്ന പരമാവധി ഭാരം 300 കിലോഗ്രാം ആണ്. ഒരു റൈഡറും പിൻയാത്രക്കാരനുമായി 70 കിലോമീറ്റർ വേഗത കൈവരിക്കാൻ ബൈക്കിനാകും. 151 കിലോമീറ്റർ ആണ്​ പരമാവധി റേഞ്ച്​.

സാധാരണ സ്പ്ലെൻഡറിന് 122 കിലോഗ്രാം ഭാരമുണ്ട്. വൈദ്യുത കിറ്റ്​ പിടിപ്പിച്ചതിനുശേഷം മോട്ടോർസൈക്കിളി​െൻറ ഭാരം 102 കിലോഗ്രാം ആണ്. ബൈക്കി​െൻറ റേഞ്ചും പ്രകടനവും വർധിപ്പിക്കുന്നതിനും ഇത് സഹായിക്കും. ബ്രേക്ക് പവർ റീജെനറേറ്റിങ്​ സംവിധാനവും ഉപ​യോഗിച്ചിട്ടുണ്ട്​.

ബാറ്ററി, മോട്ടോർ, കൺട്രോളർ എന്നിവയ്ക്ക് 3 വർഷത്തെ വാറൻറിയാണ്​ കമ്പനി വാഗ്​ദാനം ചെയ്യുന്നത്​. ആർ‌ടി‌ഒ അംഗീകാരത്തിന് ശേഷം, മോട്ടോർസൈക്കിളി​െൻറ രജിസ്ട്രേഷൻ നമ്പർ അതേപടി നിലനിൽക്കും. പക്ഷേ വൈദ്യുത വാഹനമായതിനാൽ പച്ച നിറമുള്ള നമ്പർ പ്ലേറ്റ്​ ഘടിപ്പിക്കണം. 50,000 രൂപയാണ്​ കിറ്റി​െൻറ വില. കമ്പനി സൈറ്റിൽ നിന്ന്​ ഒാൺലൈനായി കിറ്റ്​ വാങ്ങാവുന്നതാണ്​.



Show Full Article
TAGS:electric vehicle conversion kit motorcycles hotwheels 
Next Story